عرض للطباعة
السلام عليكم قسم suzuki
انا الحقيقة أول مرة أدخل علي القسم هنا
كنت في معرض الاهرام يوم الجمعة وشوفت ال sx4 sedan
الحقيقة عجبتني وخصوصا أني عايز اجيب عربية جديدة في حدود ال 120 ألف وكنت بفكر في السيراتو جامد بس في شوية حاجات قلقاني منها
المهم انا محتاج من الاخوه هنا يفيدوني بأي معلومات عنها عشان تقريبا معرفش حاجه عنها خالص كمان انا قريب الموضوع المثبت هنا بس تاريخه قديم من 2007 وملفات ال pdf مش بتفتح
يمكن تساعدوني في إتخاذ القرار اللي بقالي شهور مش عارف أخده
وشكرا ليكم مرة أخرى
متابع باهتمام، و ان كنت مهتم اكثر بالهاتشباك. و أحب أضيف سؤال اخر، ما هو رأى الاعضاء فى التوكيل و هل الموديل الموجود حاليا ده 2011 ولا 2010؟
اقتباس:
المشاركة الأصلية كتبت بواسطة ahmedezar
اولا منور قسم سوزوكى و المنتدى كله يا استاذ احمد
انا كنت زيك كده يا استاذ احمد فى حيرتى و كانت عجبانى جدا السوزوكى sx4 السيدان و خصوصا انها يابانى بالكامل و واسعة و كويسة جدا و الكلام ده بش كلامى,,الكلام ده كلام الاعضاء الكرام اللى ممتلكينها
و انا كنت عملت موضوع قديم شوية بس بش اوى يعنى,,عملته فى شهر 7 سنة 2010
و سألت عن العربية فى كل شىء و الموضوع اهو:
http://www.nilemotors.net/Nile/165611-sx4.html
و انا كنت حشتريها,بس حصل مشكلة فى الفلوس اللى معايا عشان كده اجلت موضوع الشراء شوية
و ربنا يوفقك للى فيه الخير ان شاء الله
اولا:اهلا بحضرتكاقتباس:
المشاركة الأصلية كتبت بواسطة OldVic
ثانيا:الموديل اللى موجود فى المعرض,,انا سألت فى المعرض,,قالولى ان ده موديل 2011
اما بالنسبة للتوكيل,,حضرتك ممكن تبص على الموضوع اللى سيبته فوق للعضو احمد
و فيه لينك كمان ححطوه لحضرتك لواحد مالك العربية و كان بيعمل تقييم ليها
و هو ده اللينك:
http://www.nilemotors.net/Nile/32386...an-3000-a.html
و الهاتشباك بش وحشة على فكرة و هى هى نفس الكماليات و الموتور و العفشة و كل حاجة,,الفرق بس انها هاتشباك و فيه هاتشباك نزل دفع رباعى,دى بقى شكلها جامدة جدا و ربنا يوفقك ان شاء الله
و تقبل مرورى
متشكر لمرورك أ/باسماقتباس:
المشاركة الأصلية كتبت بواسطة basemsaeed
الحقيقة العربية عجباني وقريت الموضوع اللي حضرتك حطيت اللنك بتاعه
بس برضه مش عارف فين بقيت الناس هي العربية مش منتشرة اوي كده
ياريت الناس اللي معاها العربية ترد عشان الواحد يستفيد
ومشكور لمرورك مره اخرى
اقتباس:
المشاركة الأصلية كتبت بواسطة ahmedezar
الشكر لله
هى فعلا العربية جميلة,بس للاسف بش منتشرة زى الفيرنا و السيراتو و العربيات دى,,اللى واكلة السوق
هما فعلا فى المنتدى كام واحد اللى معاه العربية دى,بش كتير يعنى
بس انا بعتلهم على الخاص عشان ينزلوا تقييم خاص ليها كل فترة عشان الناس تعرف العربية اكتر و اللى بيفكر فيها,يقدر يحكم عليها من خلال تقييمهم
و ربنا يوفقك ان شاء الله للى فيه الخير
و انا تحت امرك فى اى شىء
ا/باسم متشكر ليك مرة تانيهاقتباس:
المشاركة الأصلية كتبت بواسطة basemsaeed
المعلومات برضه قليله قوي
كمان انا اتصلت بمودرن موتورز وسألت قالولي لازم تحجز لانها قليلة اوي وبتجي بالحجز
وده كمان معناه ان قطع غيارها غير متوفرة وغاليه جدا
ربنا يسهل لما نشوف
الشكر لله يا استاذ احمد و حضرتك زى اخويااقتباس:
المشاركة الأصلية كتبت بواسطة ahmedezar
هى فعلا المعلومات قليلة عنها من حيث تقييم العربية
هى قطع الغيار متوافرة فى التوكيل ده اكيد و تقريبا كمان موجودة فى التوفيقية او الحرفيين
و سعرها فى التوكيل معقول,,يمكن ارخص من قطع غيار عربيات تانية فى نفس الفئة
و ربنا يوفقك ان شاء الله للاختيار السليم
السلام ليكم انا من احد ملاك العربية الجميلة دى وانا معايا السيدان موديل 2008 والعربية جميلة جدا ومظهرتش معايا مشاكل فيها ومريحانى جدا وسحبها رائع وواسعة جدا وملمومه من بره وعالية اوى عن الارض تاخد بيها اجدع مطب وانت متطمن وثابتة على الطريق بصراحة عربية تحفة وربنا يوفقك وتجيبها وحقيقى هتفرح بيها ان شاء الله وقطع غيارها زى ماقال الاستاذ باسم موجودة ومش غالية نفس رينج كل العربيات الجديدة ونصيحة اخوية ابعد تماما عن السيراتو وربنا يوفقك للى فيه الخير
مين التوكيل بتاعها و اية اخبارة فى الاهتمام بالعملاء
السلام عليكم
الحمد لله انا من ملاك العربيه ولو الوكيل غبور او محمد نصير كانت العربيه دي اكتساح ولكن للاسف الوكيل شركة مودرن توكيل نيسان يعنى مش فارقه معاه كتير
السلام عليكماقتباس:
المشاركة الأصلية كتبت بواسطة mohamedshalaan
بعد اذنك يا استاذ محمد ياريت حضرتك تعملنا تقرير مفصل كده على العربية
و تقبل مرورى