أنا عايز أروح التوفيقية عشان أشتري شوية حجات ( سرينة - لمض - ستائر - ستيكر )
ولا مش هتفرق ياما
عن أسعار أسكندرية
علي سبيل المثال
الإستيكر ب 5 جنيه
السارينة 250 جنيه
اللمض ( osram ) ألمانى 200 جنيه
عرض للطباعة
أنا عايز أروح التوفيقية عشان أشتري شوية حجات ( سرينة - لمض - ستائر - ستيكر )
ولا مش هتفرق ياما
عن أسعار أسكندرية
علي سبيل المثال
الإستيكر ب 5 جنيه
السارينة 250 جنيه
اللمض ( osram ) ألمانى 200 جنيه
احسنلك اشتري من عندك حتى لو في فرق اسعار لأن كده كده هايعملوا شغل عليك
اللي يشتري من التوفيقيه يكون متردد عليها واشترى منها اكتر من مره وعارف اماكن يشتري منها تكون مضمونه
وتنور القاهره في اي وقت
شكرا يا رجالة 1000 شكر
بس سؤال رفيع
السرينة هتتوصل من البطارية علي طول يعني مش هاجي يم الضفيرة
كده الضمان تمام و لا ممكن يتلككوا
و بالنسبة لزينون الفوجات برضة يطلع من الضمان ولا إية ؟؟؟
بخصوص التوفيقية
سهل جداااا الطريق ليها لما تيجى القاهرة , وحتلاقى هناك اسيتكرات بالهبل وسرينة وكل حاجة
لكن اللمض الاوسروم , مش حتلاقيها هناك , واللمض دى انا سالت عليها فى المعرض , قالولى انها ب100 جنيه , اللى هى 55 واط , اللى مفروض تجيبها , وحتشيل لمبة مكان لمبة
موضوع السرينة والزينون وانت بتصلح عربيتك كدا كدا فى التوكيل , اسالهم على موضوع السرينة بتركب فين بالظبط وهل تخرج من الضمان ولالا وقولنا عشان نعرف لان فى ناس متعرفش تركيبها ازاى وهل بتطلع من الضمان ولالا
وبردوا الزينون اسال عليه
بس اللى اعرفه فى الزينون , انه مفروض انه بيخرج من الضمان , لانه بيتوصل بالضفيرة , لان لازم يركب بضفيرة وليه ميدول يعنى ماتور , وكل دول بيتوصلوا بكهربة السيارة , ولو حاجة مش مضمونة ممكن تبوظ الدنيا
وعلى العموم اسال فى التوكيل عشان تتاكد انه بيخرج من الضمان ولالا
ولكن اللى اعرفه انه بيجى معاه ماتور وضفيرة خاصة بيه عشان بيخرج حوالى 5000 كلفن , فلازم يكون ليه سلوك قوية ومعينة وماتور خاص بيه , فعشان كدا مش اى نوع وماركة تجيبه
ولو سالتنى اى نوع ممكن اجيبه , حقيقى انا معرفش
واللى اعرفه هو نوع واحد فقط , زينون اسوروم بردوا وده كان تمنه فى المعرض 1000 جنيه وضمان سنة وصناعة صين بمكونات المانى
واتمنى اكون افادتك
تحياتى
انا معلوماتي الاكيده ان الزينون لو ركبته بره التوكيل حيلغي الضمان
وفي التوكيل فيه زينون ب 850 جنيه بس هو مش قوي زي اللي بره هو بيضاعف نور العربيه 4 مرات بس
وعليه ضمان سنه وبيركبله موديول صغير ومش بتغير اي حاجه في الضفيره
غريبة جدا ؟؟ في التوكيل عاملين 220 جنيه
يبقي دول تقليد و ايلي في التوكيل أصلي ولا إية بالظبط ؟؟؟:what:
هما اللى كانوا فى التوكيل قبل كدا ب160 جنيه
وهما فى المعرض سعرهم كان 100 وده كان عشان المعرض وسعر المعرض
يعنى الراجل لما سالته على الزينون , قالى ب1000 وده عشان احنا الشركة الام
لكن بعض المعرض بيغلى ومش بتعرف تجيبه من عندنا لاننا مالناش منفذ بيع
وبنوزع لمحلات معتمدة لينا , وسالته زى ايه قالى زى ادريان واروبكوم ومودرن وفى محلات كتيرة تانية مشهورة بس دول اللى لقطهم منه
وقالى على سبيل الميثال اوربكوم بيبيع الزينون اللى هما بيبعوه ب1000 بيبعوه فى المحل ده ب1350
فده كان عرض فى المعرض
وعلى العموم الشركة دى شركة كبيرة , بس للاسف انا مش اخدت الكرت بتعها ونسيته
لو تقدر تتصل بالدليل فى التليفون , وتجيب رقمهم وتسالهم حتعرف معلومات كتيرة جدااااااا
وبخصوص اللمض حاول بردوا تسال فى كذا محل من محلات الاكسسورا الكبيرة
وبردوا اسال عليهم فى التوكيل , اخر مرة سالت عليهم هناك كانوا ب160 جنيه من فترة , 55 واط بتوع الصنى والتيدا
واللى فى التوكيل دايما بيكون اصلى , مش تقليد
تحياتى
يا جماعة الخير,,,برضه محدش قال التوفيقية تتراح ازاى ؟؟؟
:(
شكرا يا م/sonasteel..
:)
التوفيقية اليومين دول منصحش حد يروح هناك بسبب المعجبنة والطين والمطر هناك
استنوا شوية لما الجو والامور تتحسن , واللى عاوز حاجة ويروح هناك ممكن اوديه اوصفله الدنيا
هو عامة اشهر حاجة توصلك الى التوفيقية انك تسال على القضاء العالى ومن عنده لما توصل سهل جدا توصل الى التوفيقية
او سنترال رمسيس , ولما توصل عند السنترال حتلاقى التوفيقية لما تعطى دهرك للسنترال فى وشك
التوفيقية فى منطقة وسط البلد فى شارع رمسيس , قدام سنترال رمسيس
وبخصوص اللمض الاوسروم انا سالت لحضرتك فى الوكيل يا موك باشا بالتليفون
دلوقتى اللى ب220 دى لمض h7 لكن اللى مفروض تركب عندك h1 ودى ب165 جنيه زى ما قولتلك قبل كدا ودى لمض 55 واط
وتحت امرك يا فندم
شكرا يا احمد بيه...
بس الأول أنا عايز أقولك أنا أسف لو كنت دايقتك برد قبل كده بس بجد انا كنت مضدايق و أعتبرني أخوك الصغير
أنا مش فاهم ايه الفرق بين h7 h4 h1 h3
بس دلوقت أنا قريت علي العلبة مكتوب عليها h4 ??
بص بعد ما توضحلي ايه الفرق بينهم انا عايز اركب اللمض دى في الفوجات و الكشاف فأجيب إية ؟؟
وهل فعلا النور هيبقي أبيض و أبيض مصفر
ياباشا تحت امرك .. عنينا ليك
والله انا اتصلت بيهم فى التليفون عشان اسالهم , فى التليفون محدش بيرد
وعلى العموم النهاردة وانا ماشى من الشغل حعدى عليهم واسالهم على موضوع اللمض ده واجيبلك المعلومات المظبوطة
وتحت امرك يا موك باشا
الفترة اللى فاتت كنت مشغول جدا بتقرير القاشقاى , وكنت كل ما بلاقى فرصة فاضى فيها بروح اتقابل مع ناس من نيسان عشان اجمع معلومات عن السيارة
وبعدين اليوم اللى كنت حروح فيه موردن خلصت شغل متاخر والله جدا وكانوا مشيوا
وانا عاوز اقعد مع ناس معينة هناك بتدينى المعلومة باستفاضة عشان افيدك مظبوط ونفيد باقى الاعضاء
فمش نسيك , ولا اقدر انسى حد ابدا من النايل ,
اذا كان اللى مش بيطلب طلب بنخدمه وبنجبلكم الاخبار , يبقا حنسى حد طلب منى طلب !!!
متقلقش يا موك باشا
الصبر بس يومين عشان الاجازة واول ما ااعرف اخبار حااقولك فوراااا
تؤمرنى ياباشا امر
بصراحة يا احمد انت عمرك ما قصرت مع حد خالص في القسم هنا و اكيد بره القسم و معلش يا جماعة انا لازم اقول حاجه مهمة و ضروري جدا الكل يعرفها علشان انا شايف ان احمد مبيتكلمش و انا من خلال الحوارات في القسم لازم ناخد بالنا من حاجه
مش عشان احمد بيخدم القسم و بيلبي طلبات الاعضاء يبقي احنا نعمل Load عليه مالوش لازمة . يعني بكل وضوح كده احمد بيعمل كل ده خدمة و محبة من قلبه علشان بيحب المنتدي بأعضاءه
فاحنا مش نعمل الحمل ده كله عليه لأنه برده عنده بيت و اسرة و شغل تقيل جدا انا عارف كويس مشغولياته لأننا علي اتصال ببعض يمكن كل يوم مكالمتين
فلو سمحتوا اللي بيطلب اي حاجه من احمد بما انه منسق قسم نيسان فارجوا من عمق قلبي كل واحد ميكنش متسرع انه عايز اجابة علي طلبه بأقصي سرعة لأن احمد مش بيحب انه يجيب اي معلومة و خلاص الا لما يكون متأكد و بنسبة مليون في المية انها صحيح و غير كده ياريت نقدر انه عضو في المنتدي زيينا بالظبط و علي فكرة اللي انتوا متعرفهوش انه بيتحمل مبالغ مالية هو في غني عنها انه يتحملها انما هو لمحبته لينا و لأنه مسئول كمنسق للقسم مش بيحب انه يقصر مع اي عضو
أرجوا ان تكون وجهة نظري وضحت للجميع و احنا كلنا هنا في القسم علشان نساعد بعض في محبة و اخوة
تقبلوا تحياتي و محبتي
بيشوي