قولنا شايل كام سيدهاية ف عربيتك وفيهم اية ؟ وبتسمع اية دايما ؟ او محتويات فلاشتك

السلام عليكم ورحمة الله ..

فكرة كدة نطت ف بالى .. كل عضو يدخل يقولنا عندة كام سيدهاية فى عربيتة .. وشايل فيها اية ؟ محتوياتها ؟

ولو عندك فلاشة MP3 قولنا عليها كام ملف واية اغلب اللى بتسمعة المفضل لك ؟ ناخد فكرة

هبدء بنفسى ... مكتفي بأسطوانة واحدة بس ! عليها الاتى :

فولدر قرأءن
فولدر اغانى قديمة " الست طبعا "
فولدر انجلش
فولدر موسيقى كلاسيك " هادية " لقيادة هادئة :cool (1):
فولدر محاضرات " تنمية الذات وحاجات ترفع العزيمة " دكتور ابراهيم طبعاَ
فولدر مسرحيات " مسرحية العيال كبرت " متعة ف السفر
فولدر نكـت .. " صحيح تخيل انك داخل لجنة ومشغل فولدر النكت دة والظابط سامع تم ترارا را تم تم وناس بتضحك يقولك اية ؟":what: محصلتش معايا الحمد لله بطفية قبل مدخل اللجنة

مش مركب شاشة .. والحاجات دى ملفات ام بي ثري بتتسمع فقط
عدد الملفات ف السيدهاية 230 فايل .. كان عندى حفظة اسطوانات بالاضافة لفلاشة .. جمعت دة كلة ف اسطوانة واحدة ورميت الباقي ف البيت .. مين اللى دورة بعدي ؟

مفيش عربيه
مفيش كاسيت
مفيش اسطوانات

معرفش كام ملف بس عندى فلاشة ومش بشعل اسطوانات :

عربى::
عمرو دياب
محمد منير
بلاك تيما
كاظم الساهر
محمد فؤاد
رامى عياش
بهاء سلطان

انجليزى::
james blunt
usher
sting
michael jackson
blue
bob marley

وشوية موسيقى تصويرية لأفلام::

saving private ryan
charlie and the chocolate factory
up
the godfather


وشوية تراكات هاوس وترانس....


:)

الفكره دى جامده جدا
انا عندى سى دى واحد بس قران و فلاشه بقى عليها
١.فولدر اغانى عربى كولكشن لزيز كده
٢.فولدر منير
٣.فولدر فيروز
٤.فولدر متجدد يعنى لو البوم عربى جديد نازل بحطه و لما بزهق بشيله واحط الجديد اللى بعده و اللى محطوط دلوقتى شريط عدويه
٥.فولدر ترانسات و ده مساحته نص الفلاشه تقريبا و اللى قلته قبل كده النص التانى
٦.و اخيرا فولدر اجنبى حاجات بقا زى lil john ‎,‎ 50‎ cent,saun poul,jay z,lil wayen,evanesenseو الجماعه دول

تخيل انا بردو سيديهايه واحده ....
مبدأيا القرآن بسمعه من إذاعه القرآن.,اما السي دي
فولدر اغاني عربي كئيبه
فولدر اجنبي لزوم البيز
فولدر شعبي.... و احيانا بشغل الموبايل لما اكون منزل اغنيه جديد ولا حاجه ع الطاير كده

مفيش ولا سى دى ..:)
ومفيش فلاشه ..:)
حاطط حوالى 50 اغنيه على الموبيل ..,وشغال بوصله aux ..كل فتره بجددهم ...
الاغانى دى عباره عن اغانى بحبها ...بس مش قديمه اوى كلها مطربين جداد الى حد ما ..يعنى منير القديم ..على الجديد ...عمرو دياب قديم بس مش اوى ..فؤاد ..راغب علامه ..اى حاجه المهم اغنيه حلوه ومنهم اغانى كتير معرفش مين الى بيغنى اصلا .. ..والالبومات الى بتنزل جديده بجيبها على الكمبيوتر ..اختار الاغانى الى تعجبنى و احطها على الموبيل ...بحيث انى اسمع الى على مزاجى فقط ...
والقرآن بفضل اشغل الراديو على محطه القرآن الكريم ...عشان بسمع قرآن و باخد معلومات دينيه فى نفس الوقت(البرامج)
اليومين دول بسمع فى اغانى من البوم راغب علامه الجديد (اغنيه واحده) و اغانى لمحمد محيى ...ومحمد منير و تامر حسنى ..وشاهيناز ..كارول سماحه...زيزى ..كريم محسن ..وعدويه :) ومش فاكر الباقى
الترانسات معرفش بسمع مين هههههههه هو واحد صحبى بيظبتنى و بيقولى خد ده اسمعه ...بس تقريبا بسمع armin كتير :)

معنديش سيديهات حاطط فلاشه
1/ عمرو دياب
2/ترنسات
3/كوكتيل اجنبى

راغب علامه الجديد فاااااااااااااااااااااااا ااااااااااااااااااااااااج ر بس الكواليتي مش أد كده للأسف...الأغاني فيها وش كده

عمرو دياب ومنير بس
ولو عايز اريح اعصابي من القرف اللي في الشارع بسمع جناااااااااااااااات علشان بتريح اعصابي اوي

انا معنديش سي دي لكن الموبايل بركبه عالشريط ابو سلك وبستخدم الكاسيتات كتير جدا

كل اللي حاطه قرآن لمختلف القراء وكل واحد عامله بلي لست عشان لو عايز اسمعه لوحده
الكاسيتات كلها قرآن او محاضرات دينيه متنوعه

الموبايل قريبا هملاه من المحاضرات الدينيه اللي عندي عالجهاز واهو الواحد يضيع الوقت في الزحامات في حاجه مفيده لدينه ودنيته


بالنسبه للاغاني كنت مالي الموبايل على عينه والحمد لله شلت اللي عليه وربنا يتوب عليا منها...


تحياتي للجميع

ابو زمل...كليه طب كليه المتهانين هههههههههههههههههه...انت ف سنه كام?

اقتباس:

---

المشاركة الأصلية كتبت بواسطة m7mda7md

ابو زمل...كليه طب كليه المتهانين هههههههههههههههههه...انت ف سنه كام?

---

اهلا ياريس
انا مواطن غلبان مطحون فاضلي 8 ايام واكسر الزير على باب الكليه دي ان شاء الله
:star1::star1:
يارب يعدو على خييييييييييييييييييييير

تحياتي لكل المطحونين
:36_2_33:

انا كان عندى حافظه سى ديهات كان فيها ملا ل يقل عن 100 سى دى
كل سى دى كنت عامله ورقه مكتوب فيها اللى على السى دى ( كانت عامله والله زى بتاعت الدى جى كده )
بس وااااااحد ابن تيييييييييييييييييييييييي يييييييييييييييييييت
الله يحرقه سرقها من العربيه :(
حرامى سميع اوى ههههههههههه

دلوقتى مفيش سى ديهات عشان مايسرقهاش تانى :)
و الفلاشه عليها قراّن و شويه ادعيه و اذكار
و الباقى بقى كل ما لذ و طاب من المزيكا عربى على النجليزى
على هادى على شعوذه
على جديد على قديم
على شعبى على اسبانى
على جيتارات على كمنجات على كــــــــــــــــلـــــــ ـــــــه

و شعارنا طبعا دبه فى دماغ كل مواطن d:

ممكن يكون موجود فى درج العربية سى دى واحد قرءان
لكن الفلاشة هى اللى شغالة على طول
فيها فولدرين الاول قرءان مالذ وطاب ( الحصرى - البنا - المنشاوى - الطبلاوى - مشارى - المعيقلى - محمد عبد العزيز - وغيرهم )
الفولدر التانى اناشيد وتواشيح ( احمد ابو خاطر - مشارى - نصر الدين طوبار )

سى دى قران
فلاشة عليها
اليسا
عمرو
جنات
حسام حبيب
سومة
فريد
clasic music
على تشكيلة ترانسات وتكنو اغلبها من المنتدى ومن اصحابى

اذا الراديو اشتغل و ماقعدش يوش بسمع راديو هيتس
بس دلوقتي الراديو جاله شلل ف التيونر و مابيقلبش :P

الحاجه الوحيده الي بقت شغاله فيه ال Aux بس بتشغل سماعه واحده ( عشان كدا كنت بسمع الراديو )
ف كله ع الموبايل
بس اغلب الوقت بسمع ترانسات Armin و بقلب شويه Lil jon و Snopp Dogg علي Ludacris
ف الزحمه و الشلل بشغل اي حاجه عربي تزن و خلاص

سديهات كتيرررر عمر دياب و محمد منير و كريم محسن و اليسا و محمد فواد و اجنبي و بحب اسمع عبري سيريت حداد

اقتباس:

---

المشاركة الأصلية كتبت بواسطة evram

سديهات كتيرررر عمر دياب و محمد منير و كريم محسن و اليسا و محمد فواد و اجنبي و بحب اسمع عبري سيريت حداد

---

هههههههه
غريبة عبري دي
ده كل الحانهم من عندنا
بس انا بحب اسمع هندي اوي على فكرة

لازم طبعا اسطوانه قرآن لوحدها و ما يتحطش معاه اغانى و متهيألى ان مافيش عربيه شبابيه مافيهاش ترانسات و هوسات ده شىء اساسى لأى شاب او اى حد بيحب الجرى و انا منهم طبعا و اكيد اكيد اغانى الهضبه عمرو دياب و غالبا بمشى باسطوانه واحده و لازم يكون فيها الاتنين دول بفضل اسمع فيها لحد ما ازهق و بعد كده بعمل واحده جديده بس الاسطوانه بحط عليها فوق ال 50 اغنيه عشان مش بحب اعمل اسطوانات كتير لان طبعا كلنا عانينا من الاصحاب البراشوطات اللى بتقلب الاسطوانا مننا بالعافيه ههههههه

اسطوانه عليها قراءن
فلاشه عليها

عمرو دياب
اليسا
جورج وسوف
وائل جسار
نانسي
مياده الحناوي-ورده
ترانسات
كوليكشن
عبد الباسط حموده
منير

اقتباس:

---

المشاركة الأصلية كتبت بواسطة gemy1

لازم طبعا اسطوانه قرآن لوحدها و ما يتحطش معاه اغانى و متهيألى ان مافيش عربيه شبابيه مافيهاش ترانسات و هوسات ده شىء اساسى لأى شاب او اى حد بيحب الجرى و انا منهم طبعا و اكيد اكيد اغانى الهضبه عمرو دياب و غالبا بمشى باسطوانه واحده و لازم يكون فيها الاتنين دول بفضل اسمع فيها لحد ما ازهق و بعد كده بعمل واحده جديده بس الاسطوانه بحط عليها فوق ال 50 اغنيه عشان مش بحب اعمل اسطوانات كتير لان طبعا كلنا عانينا من الاصحاب البراشوطات اللى بتقلب الاسطوانا مننا بالعافيه ههههههه

---

والنعمة لا عندى ترانسات ولا هاوس ولا روك .. الموسيقي اللى بحطها بيكون لها معنى عندي اكبر منها كقيمة
يعنى مثلاَ سونجاية مفضلة جداَ ليا بسمعها كتير وهى ايدورد this is my life و that`s my name
كلماتهم بالنسبة لي كلمات فوق الرائعة .. لكن بوم دش وكدة مش عندي ويوم ما اجري لو حصل بجري
بدون موسيقي لانى مش ببقى مركز معها اساسا .. غالباَ يعنى . يالله بقى ادينى شوية ترانسات
لله لله هههههه

[QUOTE=beetleMOSH;3873227816و شعارنا طبعا دبه فى دماغ كل مواطن d:[/QUOTE]

كل مدخل الموضوع واقرا الجملة دى افطس على نفسي من الضحك .. منك لله يا محمد مش " هشام " هة:tongue32: