Abs,ebd

**ye7ya** · 17-01-2011 01:39 AM

من يومين كده كان عندنا مطر في اسماعيلية
نزلت رحت مشوار و بعدين و أنا راجع قولت يا واد يا يحيى ما تيجي نجرب فرامل العربية البروتون دي اللي الناس بتشتكي منها...
طب أروح فيين , آجي منين عشان الطريق يكون فاضي ده و كويس
قولت بس هو أنا أطلع على الدائري(طبعا مع الفرق الشاسع بين كمية العربيات اللي على الدائري بتاع اسماعيلية و بتاع القاهرة)
المهم طلعت عليه وقمت ماشي 50 كم\س و قمت كابس فرامل لقيت طبعا الدربكة والرعشة اللي في الدواسة دي اللي ان ال ABS اشتغل...
بس قولت أنا عاوز أشوف موضوع ال EBD ده هل فعلا موجود ولا كده وكده
طبعا شيطاني قعد يوز فيا لازم تجربو و ازاي افرض مش موجود و التو كيل بينصب
المهم توكلت على الله و قومت متحرك بالعربية لحد لما وصلت 80 كم\س طبعا ده كلو و المطر شغال و الطريق مبلول و الأسفلت لسا جديد بيلمع و يديك إحساس بالزحلقة...
لكن على ميين دي جين 2
بصييت في المراية كويس و تأكدت ان مفيش حد ورايا نهائيا و قمت كابس فرامل لحد لما كنت هخرم الدواسة

لقيت العربية ما شاء الله وقفت في وقت قياسي بالنسبة للمنظر بتاع الأسفلت اللي أنا كنت شايفه

كمان مفيش أي مييل أو نية ان العربية تعرض او تزحف او اي حاجة تخل بعجلة القيادة بل انها وقفت زي ما يكون على أرض عادية...
ده بيدل ان ال ABS اشتغل(الكاوتشات مقفشتش و مكلبشتش) و ان EBD اشتغل كمان(كل العجل كان ماشي بسرعة واحدة بعد الفرملة عشان كده مكنش في أي تعريض)

حبيت بس أنقل تجربتي عشان أدحض كل الكلام اللي مس فرامل بروتون بسوء...

تحياتي,,,

**ramyar** · 17-01-2011 06:33 AM

انا من كمان من فتره للثانيه بجرب الabs
والحمد لله علي نعمه بروتون

**jisso82** · 17-01-2011 08:04 AM

و الله أجمل كلمة اتقالت الحمد لله على نعمة بروتون

**shakshak2011** · 17-01-2011 02:42 PM

ما شاء الله .. ربنا يباركلك فيها

**HOSSAM99** · 17-01-2011 04:55 PM

ماشاء الله عربيه محترمه ونفسي اركب جين 2
لكن الاشاعات وقطع الغيار مخلياني الف حوالين نفسي
فيا ريت وانا مقبل علي شراء جين 2 حد يقولي من ملاك الجين 2 اسعار السيرفيس بكام والصيانات في التوكيل وبره التوكيل بكام
ومين ميكانيكي متخصص جين 2 واسعاره ويا ريت يكون في الجيزه والقاهره ان امكن

**Raul_7** · 17-01-2011 06:43 PM

تمام, أنا لسة مجرب ال abs النهاردة برضه بما إن الدنيا كانت صباح الزحلقة و كنت مستني اجربه في مية و الحمد لله تمااام.

**yoko** · 17-01-2011 06:50 PM

تمام بس كده حضرتك مجربتش الebd الebd تجربة في يوم عادي مش لازم مطرة وجنب على تراب كتير والتاني على أسفلت أو فرامل تقيله شويه في ملف

**yoko** · 17-01-2011 08:56 PM

المشاركة الأصلية كتبت بواسطة ye7ya

و الله جربت الحكاية دي قبل كده خليت ال عجلتين اللي على اليمين في رملة و العجلتين اللي على الشمال على الأسفلت عادي و قمت كابس فرامل حسيت برضو إنها وقفت في خط مستقيم من غير أي لف أو تعريض...

وشكرا على تنبيهك ليا...

العفوا وكده تمام وربنا ما يحوجك للebd نهائيييييييييييييييي (هو بصراحة أنقذني قبل كده)