صيانة ال30 ألف للتحفة برسونا (و لازالت قصة الحب مستمرة)
عملت صيانة ال30000 فى عز العرب بالصحراوى يوم السبت 8/1/2011 بعد تأجيل مرتين مع المهذبةالآنسة فاطمة ربنا يباركلنا فيها و يخليهالنا بتحس إنك بتحجز مع أختك الصغيرة مش موظفة حجز فى توكيل سيارات :w6266d
المهم فى المرتين اللى حجزت فيهم كانت حجزالى مع مهندس معين رفضته مش لتجربة سابقة معاه و لكن لأنى أدمنت التعامل مع الخلوق محمد عبد الهادى لأنه بصراحة بنى آدم لا نزكى أحدا على الله فوق الوصف بالمرة و ما أعتقدش إنى هديله حقه لو اتكلمت على أمانته و مواقفه معايا و مع الناس التانية
حجزت أو أجلت صيانتى لليوم المذكور الساعة 10 صباحا و جالى المهندس محمد بابتسامته المريحة يستلم منى العربية و يسألنى عن مشاكلى أنا كنت هعمل صيانة ال30 ألف زى ما قلت و كنت حاجز أعمل تعديل علبة الدركسيون و طلبت أغير بزيت 10000 و الحمد لله ما كنتش بشتكى من أى مشاكل فى العربية:guitarplay1:
كان الاستلام ميعاده الساعة 2 و كالعادة ضيعت وقتى ما بين كارفور و مكان انتظار العملاء على اللاب توب و نايل موتورز و طبعا ما نسيتش أسلم على المحترم محسن صالح و أتكلمت معاه شوية بخصوص الإليجانس و أسعارها و هتنزل إمتى و كمان الشكل الجديد للساجا و العربية الجديدة اللى احتمال عز ينزلها السنة و طلعت فعلا الإكسورا بس لسه المعلومة مش مؤكدة :cool (1):
اتصل بيا المهندس محمد على الساعة 1:40 بالظبط و قاللى أروح أستلم و الحقيقة المرة دى ما اندهشتش إنى بستلم قبل ميعادى لأنى من ساعة ما بدأت أتعامل مع المهندس محمد بقى ده العادى بالنسبة لى :bravo:
قابلت المهندس محمد و قاللى تمام الصيانة اتعملت و كانت التكاليف كالتالى:
4 لتر زيت 10000 ب 320 جنيه
فلتر زيت ب 41 جنيه
مصنعيات 163 جنيه
ضريبة 52.5 جنيه
عشان يبقى الإجمالى 576.5 جنيه
مش عارف ليه المرة دى نسيت آخد الخصم بتاع الاستيكر :36_7_4[1]: بس قدر الله و ماشاء فعل.
الفرق بقى فى التعامل مع حد زى المهندس محمد ماشاء الله عليه و هو بيسلمنى و بعد ما قاللى على تفاصيل الصيانة بلغنى إنه عمل تعديل علبة الدركسيون بس و هو بيجرب حس بصوت لسه ما راحش و إنه مضطر يغير العلبة عشان الصوت ده يروح بشكل نهائى و قاللى إنى كمستعمل عادى ممكن ما أحسش بيه نهائى بس الأمانة تفرض عليه إنه يبلغنى و إنى أستفيد من تغيير العلبة فى الضمان عشان ما يبقاش لها أى تبعيات قدام و عمل إجراءاته عشان لما تيجى العلبة تتحجزلى و إدى نمرتى لكرم بتاع المخزن و ظبط معاه و عايز أقولكم فعلا أنا كمستعمل عادى مش حاسس بأى حاجة و بجد التعديل ماشاء الله بالنسبة لى ما فيهوش الهوا و لو ماكانش هو قال على الموضوع ده ولا كنت هحس بيه أو هعرفه و هو ده الفرق فى التعامل مع حد زى المهندس محمد عبد الهادى:orangeabli:
ربنا يباركله و يخللى الناس كلها زيه
و فى النهاية العربية اتغسلت لأول مرة بعد الصيانةو انتهى اليوم بابتسامة زى ما ابتدى الحمد لله:36_3_10[1]:
نيجى بقى لتقييم العربية:
سنة و نصف تقريبا عدت من يوم ما استلمت البرسونا :rfds:
سنة و نصف و الحمد لله ربنا يديم الشعور ده كل مرة بركبها بحس إن أنا لسه مستلمها الأسبوع ده مش هقدر أقول نفس اليوم عشان هتبقى واسعة شوية بس و الله هو ده شعورى خاصة لما بيحصلها أى حادثة ربنا يحفظها و تدخل تتصلح فى التوكيل و تغيب عنى أسبوع أو أسبوعين :majd(4):
مش هقول أكتر من اللى قلته قبل كده فى صياناتى اللى فاتت و ما عنديش كلمة أحسن من قالها المهندس رامى فى موضوع سابق و يسامحنى و يعذرنى على استعارة الكلمة منه
ربنا يديم علينا نعمة بروتون:floating:
