إستفســـــار عن ســحب و تكيــــف الأفيــــو الأتوماتيــــك

**aymansaid** · 25-03-2008 05:20 PM

اولا بالنسبة للموتور هو اصلا موتور جنرال موتور اللى كان فى الاوبل كورسا 95 وعمت اتفاقية مع دايو انها تاخذه وتحطه فى الانوس وده نظام متبع فى العالم ان الشركات الكبيرة بتبيع موتورها القديم للشركات ودول جديدة فى صناعة السيارات وكل السيارات الكورى موتورها مش كورى ،الالنترا مثلا موتور متسوبيشى 95 وده اللى عملاه الصين دلوقتى فى الاسبرانزا فالموتور فى الاصل جنرال موتور.
اما بالنسبة للهورس بور فهو فعلا 83 وهو اقل من الموتور اللى كان فى الانوس 3 هورس بور لان جنرال موتور عملت وحدة Cao ثانية خاصة بالعادم فهى قللت 3 هورس بور.
اما بالنسبة للعفشة فهى خليط من عفشة الانوس وعفشة النوبيرا اللى كانت فى الاصل بتاع الابوبل كورسا 95 ايضا .

**timo_crosswind** · 27-03-2008 01:26 AM

شكرا ياقائد علي المعلومات دي .... صوت الموتور عالي والعفشه ناعمه ولا لا.. العربيه عاليه ولا ممكن تحك في المطبات لو شايل حموله؟

**hfarouk** · 02-04-2008 07:18 PM

موتورها هو نفس موتور اللانوس بس جزء الانجكشن هو اللى اتعدل

**ooso28** · 07-10-2008 01:43 AM

علي فكرة الافيو لما يكون راكب فيها 5 اشخاص بمتوسط75 كيلو لكل فرد العربية بتحك في المطبات ولو شوفتها ومن بعيد تحس انها واطية جدا (وهيا محملة) بالرغم ان العربيه عالية من غير حمولة

**احمد عز** · 07-10-2008 04:44 AM

المشاركة الأصلية كتبت بواسطة aymansaid

بخصوص الافيو الاوتوماتيك هى معايا بقالى حوالى شهرين وعملت حوالى 4000 كيلو متر بالنسبة لاستهلاك البنزين ما شاء الله ممتازة حوالى 200 كيلو فى الصفيحة اثناء الزحام و250 كيلو او اكثر على السريع رغم انها اتوماتيك واستهلاكه عالى اما بالنسبة للتكييف فممتاز جدا وعالى اقوى وانا بشغله كتير ، اما بالنسبة للسحب فهى ممتازه وما بيتأثرش بعدد الركاب اللى فى العربية فى الحالة العظمى ( 5 افراد ) , وبالنسبة للثبات فى السرعات العاليه ازيد من 120 كيلو متر هى ثابته ومافيهاش مشكلة ومبتحسش انك ماشى اصلا.
وتقريبا الاتوماتيك اللى راكب فيها هو نفسه اللى فى الاوبترا علشان عديلى معاه الاوبترا وبحس ان الاتوماتك واحد لكن استهلاك البنزين فى الافيو ممتاز وافضل عن الاوبترا

وتقريبا نفس الشيى فى المانيوال بس مع اختلاف اقل فى البنزين

**احمد عز** · 07-10-2008 04:47 AM

المشاركة الأصلية كتبت بواسطة aymansaid

بخصوص الافيو الاوتوماتيك هى معايا بقالى حوالى شهرين وعملت حوالى 4000 كيلو متر بالنسبة لاستهلاك البنزين ما شاء الله ممتازة حوالى 200 كيلو فى الصفيحة اثناء الزحام و250 كيلو او اكثر على السريع رغم انها اتوماتيك واستهلاكه عالى اما بالنسبة للتكييف فممتاز جدا وعالى اقوى وانا بشغله كتير ، اما بالنسبة للسحب فهى ممتازه وما بيتأثرش بعدد الركاب اللى فى العربية فى الحالة العظمى ( 5 افراد ) , وبالنسبة للثبات فى السرعات العاليه ازيد من 120 كيلو متر هى ثابته ومافيهاش مشكلة ومبتحسش انك ماشى اصلا.
وتقريبا الاتوماتيك اللى راكب فيها هو نفسه اللى فى الاوبترا علشان عديلى معاه الاوبترا وبحس ان الاتوماتك واحد لكن استهلاك البنزين فى الافيو ممتاز وافضل عن الاوبترا

تقريبا نفس الشيء فى المانيول مع اختلاف اقل فى البنزين لصالح المانيول

**patshi** · 24-11-2008 10:22 PM

علي فكرة الافيو لما يكون راكب فيها 5 اشخاص بمتوسط75 كيلو لكل فرد العربية بتحك في المطبات ولو شوفتها ومن بعيد تحس انها واطية جدا (وهيا محملة) بالرغم ان العربيه عالية من غير حمولة

مش معاك يا باشا عشان انا علي طول انا و صحابي بنبقي 5 و العربيه الحمد لله مبتحكش في مطبات ولا حاجه .. هيا بتعتمد علي اللي سايق بئا لو كان مظبط رجله قبل المطب و الكلام ده في اي عربيه :>

**cool854u** · 30-08-2009 09:42 AM

المشاركة الأصلية كتبت بواسطة timo_crosswind

ممكن بعد اذنك ياخ ايمن بما انك معاك افيو اتوماتيك تدينا تقيم شامل عنها ونكون عاجزين عن الشكر ياباشا ولو في عيوب ياريت توضحها لينا والف شكر

انا معايا الافيو 2010 اتوماتيك عامل 1000 كم بقالها شهر و نص :

1- الثبات : بعد سرعة ال 100كم\ث العربية بترج جامد و ثباتها سيء على طريق صلاح سالم - مصر اسكندرية الصحراوي

2- العفشة: عالية جدا و بتاخد المطبات بسهولة جدا دي ميزة بس يمكن في نفس الوقت عيب عشان الثبات .

3- السحب : طبعا دة بيرجع لتطبيع العربية و طريقة التليين .. انما انا في اعتقادي سحبها متوسط مقدرش اقول عليه سحب جامد خالص

4- السحب مع التكييف : ضعيف جدا

5- السحب مع الحمولة : ضعيف ( 4 راكب)

6- السحب مع التكييف و الحمولة : شبه منعدم ( خلال ال 1000 كم اللي عملتهم )

7- الفرامل : خفيفة و في مشكلة غريبة في الطنابير كل الناس بتشتكي منها ..و طبعا العربية مفيهاش abs

8- استهلاك البنزين : في البداية كانت بتسحب بنزين جامد لكن دلوقتي استهلاكها فوق المتوسط انما معتقدش انه عالي بالنسبة لعربية اتوماتيك و طبعا بنزين 92 اللي بستخدمه .
في ملاحظة مهمة جدا عالبنزين انه يفضل متخليش التانك يقل عن النص لأن لما بيقل عن النص بلاحظ استهلاك البنزين بيكون عالي جدا .

عملت اسكندرية الصحراوي حوالي 350كم بنص تانك يعني 20 لتر.. طبعا سعة التانك في الافيو 40 لتر مش 20 زي ما كان حد بيقول هنا .
اللي اعرفه ان المفروض 10 لتر بنزين يعملو 100 كم في الاستهلاك المثالي .

التقييم النهائي : بكل صراحة العربية دي هتكون حلوة معاك لو استعمالك خفيف و مش معمولة للجري ولا الحرق .. يعني ببساطة استعمال مدير .

بالنسبة للموتور :
هو طبعا موتور ال i-tech تصنيع شركة دايوو و هتلاقي الختم جوة بس التكنولوجي بتاعه امريكي جينرال موتورز .

أتمنى اكون افدتكم و أي اسألة انا حاضر .

**cool854u** · 30-08-2009 09:54 AM

المشاركة الأصلية كتبت بواسطة timo_crosswind

شكرا ياقائد علي المعلومات دي .... صوت الموتور عالي والعفشه ناعمه ولا لا.. العربيه عاليه ولا ممكن تحك في المطبات لو شايل حموله؟

صوت الموتور هادي و نضيف جدا و العفشة من أنعم ما يكون ..
من الناحية دي اتطمن هتحس انك راكب حاجة شياكة .

**أشرف العدوي** · 30-08-2009 10:57 AM

صوت الموتور هادي و نضيف جدا و العفشة من أنعم ما يكون ..
من الناحية دي اتطمن هتحس انك راكب حاجة شياكة .

صوت الموتور معاك بس مش هادي قوي
انما العفشة دي بصراحة زي الزفت و صوت تزييق و تخبيط من كل حتة
انصح صاحب الموضوع لو عايز يجيب افيو يبعد عنها و يجيب اي حاجة تانية
انا معايا افيو بس مانيوال
لو عايز اقابلك و اركبك و اوريك على الطبيعة مافيش مشاكل
علشان حرام ترمي فلوسك في الارض
مع العلم ان كل صيانتي في التوكيل و العربية عاملة 32000 كم