عرض للطباعة
السلام عليكم
يارجالة الكيا واحد صاحبي عمل حادثه بعربيه2010 اخر فئه بصمة
العربيه من تحت بايظة ويمكن طالت فارغة الموتور والايرباج فتحو والحياه باظت خالص قلبي معاه
ممكن حد يقولي النص امامي كامل يعمل كام والاقيه فين بالظبط
وهل ممكن الواحد يلاقي عربيه منها كامله من غير......وياخد منها الي هو عايزه وخلاص وتعمل كام
انا متشكر جدا ليكم
انا مش كيا بس هحاول افيدك
اولاحمد ا لله علي سلامة صحبك ثانيا انزل الحرفين هتلاقي انصاص واربع بالعبيط
ماهو بيقولي النص ب30 الف جنيه في الحرفيين وانا مش مصدق الي قاله المعلومة دى
ومتشكر لمداخلتك
لا حول ولا قوة الا بالله اهم حاجة صحتة بخير !
و فعلا انزل الحرفيين هتلاقى كتير بس نصيحة مش هتبقى مظبوطة من بعد الحادثة نهائى !!
خلاية يشوفة استيراد ان امكن
او يحاول يشد الدنيا تاني عند سمكري كويس
معلش سوال هو مامن علي العربية
للاسف لا مش مأمن طب معلش هتقل عليكم ممكن حد يجيبلي لينكات المواضيع بتاعت اسعار قطع الغيار خارج التوكيل سواء جديدة او استيراد لاني بعمل بحث مبلاقيش نتايج
احسن حل انه يطلع على بورسعيد ويجيب عربية كاملة من هناك نصين وياخد منها الي هو عايزه ويبيع الباقي
ربنا معاه فعلا وقدر الله وما شاء فعل
+11111111111اقتباس:
المشاركة الأصلية كتبت بواسطة shod90
اولا حمد لله على سلامته وفعلا مش هتبقى مظبوطه انا ليا صديق كان عامل حادثه بعربيه بومه كان النصف الى وراء ضايع جبلها نصف وبعدها تحس انها مظبوطه وفى الاخر باعها فهو ممكن يبيعها احسن وياريت تتقبل مرورى
باشا الف سلامة عليه :( و ان شاء الله خير و يارب هوا كويس ديه اهم حاجة !
باشا انا ممكن ابيع الاكصدام الامامي بالفوجات بالشبكة بالفبر بتاعه بالفوانيس الامامية :) عشان عاوز اغيرهم ببتوع الكوب!
يعني لو هوا هيشتري استيراد فممكن ابيعهم بنفس سعر الاتستيراد مستعمل :) مفيش مانع و مش هنختلف اكيد :)
شوف كدة و قلي انا مش بجبرك بس قلت اعرض عليه ممكن يعني :)
اكيد فى الحرفيين ...
بس بجد لو فى امكانياته يبيع العربيه و يجيب حاجه تانيه حتى لو اقل يبيع ....
العربيه مهما صرف و مهما عمل و مهما كان الصنايعى الى هيشتغل فيها ...مش هتطلع مظبوطه واسال مجرب :(
انا متشكر جدا ياجماعة لروحكم وهو بخير الحمدلله ودة لان الايرباجات فتحو
ديشا ياريت تبعتلي الاسعار المطلوبة ولون عربيتك والفوانيس تقريبا سليمة عنده (ازاي معرفش)
ابعتلي سعر كل حاجه وان شاء الله ابلغه بيهم وربنا يوفق وموضوع الكوبيه ده جامد لو مش محتاج تعديل انصحك بيه
هي الحادثه غريبه شوية لان كلها من تحت لغاية قبل الاسكترا
انا كلمت صاحبي وقالي انه نزل الحرفيين النهارده والنص لاقاه ب40 الف ولغي فكرة النص
فحاليا في حاجات زي دورة التبريد سواء رادياتير او سربنتينه او كباس التكييف لو حد يعرف اسعارهم يقولي
هو سأل علي الاكصدام ب600 استيراد نفس اللون
الفوجات سليمة والفوانيس الكبيره سليمة برضه
باقي المقصات
ورفرف
ودورة التبريد حاليا
الكبالن
وزجاج امامي
وفي ناس بتقول ان العفشه والموتور هما بتوع الالنترا
ويا شادي او مهاب حد من السيراتوية يقولي التابلوه الاتنين ايرباج فتحو العمل فيهم ايه سواء الصح او لمة للموضوع ايه العملgl
طيب يا مسهل الحال الحمدلله انوا الفوانيس سليمة :)
عموماً انتا بس شوف و انا تحت أمرك في اي وقت :)
بالنسبة للتابلوة فية ناس بتقفل الطارة و التابلوة بيبقى شكلة عادى بس طبعا مش حيبقى فية ايرباج
دورة التبريد كاملة 2300 استيراد
ساعدوني بالعناوين والتكلفه ياجماعة بعد اذنكم
استاذ هشام .. السعر ده اكيد وياريت رقم تليفون او عنوان الي عنده
وهل ينفع الفتيس يتباع لوحده ؟؟؟؟
الفتيس الي جنب المكنة مش عاوزه كامل .. لان فارغته فيها كسره لكنه سليم ومستحيل حد يبيع فارغه والله اعلم لو في فتيس لوحده
المكنة بالفتيس رقمها خيالي 15 الف جنيه والي يقول 13 وفي ارقام اكترررر
صاحبي ماشي ورا كل كلمة من صنايعي لواحد ملوش في العربيات وهكذا الله يكون في عونه دماغه مبقتش معاه خالص فبحاول اساعدة بدل ما حد يشتغله
الكلام ده عند الشرقاوي في الحرفيين و مش معايا رقم تليفونه للاسف .. ده هتلاقي عنده اي حاجة للسيراتو و في واحد تاني في الحرفيين برضه اسمه رحمة نفس الشيء و اسعارهم متقاربة جدا ..