اقتراح لكريم منير ولكل الاعضاء -هام جدا-

**shooter123** · 17-01-2011 03:08 PM

طبعا كلنا اتضيقنا جدا من غلق المنتدي لمدة ساعتين بسبب واحد اقل ما يمكن القول له حسبي الله ونعم الوكيل فيه

بس ما علينا من المشاركات بتاعته وتجنباً لاي حوادث مماثلة مستقبلية فانا لدي اقتراح
ليه منعملش المنتدي باشتراك ولو 10 جنية فقط كاشتراك رمزي عشان محدش يدخل علينا ويكتب مواضيع ويتسبب في اي فتنة بين الاعضاء - خصوصا في التوقيت الحالي والظروف العصيبة التي تمر بها مصرنا الحبيبة - وعشان المنتدي ميبقاش مفتوح لكل من هب ودب يكتب اللي هو عاوزه
موضوع الاشتراك ده حيقلل بنسبة كبيرة المشاركات اللي بالشكل ده وبالتالي حيحمي المنتدي من اسقاطات لا داعي لها
وبالتوفيق للجميع

**mrwho1982** · 17-01-2011 03:11 PM

انا مؤيد ومستنين راي الكبير

**FunnyMickey** · 17-01-2011 03:18 PM

اللي بعت الرساله الخاصه عضو موجود بيننا في المنتدي
واللي حيدخل كزائر
مش صعب عليه انه يدفع 10 جنيه
ويواصل السباب والشتم
اللي بيعمل كده بيدل علي انه هوا مين وبيعمل ايه وتربيته عامله ازاي
الموضوع لا علاقه له بالدين
علي اد ماهوا ليه علاقه باسلوب التفكير
زي ما فيه مسلمين وفيه مسييحيين
فيه حاجه تالته اسمها متعصبين
ودول مفيش دين عندهم
دول عندهم جنون العظمه
كلامه بس هوا الصح والباقي كله غلط
واما حد يعارضه بالحجه والدليل الدامغ علي خطأ موقفه
تصدر منه افعال واقوال تدل علي موقفه الضعيف والهزيل

**Col. Eng. Khaled** · 17-01-2011 03:19 PM

حضرتك قريت بعض التعليقات الهجومية في الموضوع دا

طريقة الاشتراك بالعضويات المدفوعة بنايل موتورز

فعلا - كطبيعة بشرية لا تُغفل - في ناس لازم تشتغل "برد الفعل" مش "بالإجراء الإحترازي" .

**shooter123** · 17-01-2011 03:23 PM

مستنيين يا باشا

الاخ ميكي كلامك كله مظبوط بس انا بقول ان الموضوع ده حيحد من تلك المشاركات حيقللها يعني
حيجي واحد زي المجنون ده مثلا يعمل كدا هنا حيستكلف يدفع ال 10 جنية ويقول اما ادور علي منتديات تانية مجانية ارخص واسرع

وعموما دي وجهات نظر بس انا عايز احمي منتدانا علي أد ما ااقدر ولو حتي بفكرة

**CryptonX** · 17-01-2011 03:30 PM

لا مينفعش ممكن يبقى منتدى مغلق بالدعاوي فقط بس برده مش حل ..

وبصراحة حل اغلاق المنتدى لساعتين ده انه شايفه غلط ..

ممكن تعمل موضوضع مثبت يفضح الناس الي زي دي و الي حيتوقفوا .. انما لو كل واحد بعت رسالة نقفل المنتدى يبقى ممكن كدة تستفزوا اكتر و يجييبلك 3-4 زيه كمان يتسلوا .

------------

الحل : التبليغ زي ماكريم عمل .

و الحل التاني عامة الي نفس فيه من زمان ...

" الغاء القسم الاجتماعي اصلا "
نايل موتورز بقى نايل مطبخ خلاص ! او القاهرة اليوم !

استغل ده يا كريم و اعمل سايت فرعي سميها نايل احنا ولا نايل اليوم ! و خليه " اخوا "المنتدى ده .. و خلي الناس الي عايشة في الاجتماعي هنا مع احترامي لهم .. تروح هناك .

انا مش بنكر اني ساعات بشارك في الاجتماعي .. بس في غنى تام عنه بصراحة .

**shooter123** · 17-01-2011 03:47 PM

اشكركم علي مناقشاتكم الجادة والمحترمة فعلا والتي ان دلت علي شئ فهي تدل علي رقي الاعضاء ونضوج تفكيرهم

زميلي CryptonX حضرتك معترض اوي علي الاجتماعي ليه ده حتي الموضوع نازل فيه ثم انا عن نفسي لما بقع في مشكلة وعايز اخد رأي حد فيها باخدها من اصحابي هنا وطبعا لازم يبقي في قسم نتكلم فيه بعيداً عن مجال السيارات

زميلي Mr_7oda الظروف اللي مصر بتمر بيها اليومين دول ظروف استثنائية وبالتالي عايزة اجراءات مننا استثنائية
والمنتدي ممكن يعمل الاشتراك ده لمدة شهر مثلا ولن يؤثر باذن الله علي اي شئ حتي في ظل وجود منافسة لاننا بنعتمد علي اثراء المحتوي وده عامل جذب مهم لاي موقع او منتدي
وتحياتي لكم جميعا

**Karim_Monir** · 17-01-2011 04:16 PM

شكرا لاقتراحك
لكنه للاسف ماينفعش
لان اذا كان فيه ناس رافضه الاشتراكات واحنا ماجيناش جنب عضويتهم المجانية تفتكر هايشتركو لما تبقي بجنيه حتى مش 10 :-)
للاسف ده هايقتل المنتدى

ثانيا بخصوص ايقاف المنتدى ساعتين
واضح ان في ناس كتير قوي قرات التحذير والموضوع باستعجال
الايقاف كان نوع من الاعتذار مني ومن ادارة المنتدى لله والرسول على الغفله في متابعة تطور بعض النقاشات التى ادت الى ان يسب بعض السفهاء الله ورسوله بغير علم
فــــــــــــــــــــــــ ـــقط

اما عن نايل فاميلي يا كريم فدوره جاي مع نايل نتورك ان شاء الله
لكننا في مرحلة تطوير شاملة للمنتدى بدات بالسيرفر ومرورا بانشاء الموقع وانتهاء بنايل نتورك ان شاء الله

تحياتي