الفلتر ده نوعه أيه ؟!!
لآن شكله غريب ،،
عرض للطباعة
هوا فلتر سيموتا اسمه
الكاس بس بيعمل صوت حلو الاحسن فى الاداء
الفلتر العادى عشان بيدخل هوا اكتر
اه ،، بس ماشاء الله شكله جامد ،، اول مرة أشوفه :)))
انا عندي سيموتا المخروطي ....
السلام عليكم و رحمة الله و بركاته
ألف شكر يا عمر باشا على المعلومات المحترمة دى .
بص يا باشا , أنا هقولك آخر المستجدات بالنسبة للأبلاتين الالكترونى:
أنا النهاردة روحت للراجل اللى أنا بشترى منه قطع الغيار بتاع البيجو اللى هنا فى المنصورة لأنى أنا ساكن فى المنصورة و قولتله على الموضوع ده, فقالى أنه ماسمعش عن أى حاجة زى دى خالص و أنه اللى هو يعرفه أنه ممكن يغير الاسبراتير و الموبينا بالكامل بواحدة تانية الكترونى بالموبينة بتاعتها و المشط بتاعها اللى هى بتنزل فى العربيات البيجو الطيارة و أن الليلة دى بتعمل بتاع 500-550 جنيه, فأنا افتكرت أنك كنت قلت أن اللى بيعمل الموضوع ده فى القاهرة أصحاب العربيات الفولكس و بالتالى قمت رايح لواحد عندنا فى المنصورة برضه شغال فى الفولكس و السكودا بس, و سألته, فعمل فيها فاهم و قاللى , أيوه أيوه أنا عارف, بس الكلام ده قديم أوى و الحاجات دى ماعادتش موجودة و أننا كنا بنعمل الموضوع ده ييجى من 10 سنين , أنا مش عارف هو صادق و لا بيكدب عليا, المهم, أنا دلوقتى ناوى أعمل الآتى :
أنا عاوز أشترى الحاجات دى و أركبها فى القاهرة و لأن اللى بيبيع الحاجات دى بيكون موجود فى جسر السويس, فأنا عاوز ميكانيكى محترم و بيفهم أوى و أمين, يكون موجود قريب من الشركة اللى أنا هشترى منها الحاجات دى, بحيث أنه يبص عالعربية قبل ماشترى حاجة و لو قال أن الموضوع ينفع, أقوم أنا شارى الحاجة دى سواء كانت الأبلاتين بس أو الأبلاتين و الموبينا الالكترونى و يركبهوملى, هى الموبينا الالكترونى اليابانى بتتشرى من نفس الشركة و لا منين ؟؟؟
و لا أنت ايه رأيك يا عمر باشا ؟؟؟
شكرا و جزاك الله كل خير و جعله فى ميزان حسناتك ان شاء الله .
بص ياباشا
هو فيه كذا نظام
نظام الابلتين والكوندنسر بتاعنا القديم
والنظام اللى هو كله الكترونى وبيسموه مشط الكترونى وده له اسبراتير الكترونى وموبينة الكترونى وشغلانة لوحده وفعلا ب500 600
والنوع الاخير اللى هو التعديل اللى هو مكان الابلاتين بس ومش لازم معاه موبينة الكترونى ، الموبينة الالكترونى لتحسين الاداء مش اكتر، التعديل ده مش منتشر ومحدش يسمع عنه اوى ، لدرجة انك لو رحت لمحل جنب المحل اللى بيبيعه في جسر السويس مش هيعرفه ! ودى حصلت معايا فعلا
انا قلت اسأل محل من اللى جنبه عشان اقارن الاسعار ، لقيت البتاع ده عندهم هم بس ، وماحدش تانى يعرفه ، والناس بتقول لبعضها على المحل على النت
الموبينة الالكترونى مش لازم من عنده ، من عند اي محل قطع غيار عادى ، قول له عاوز موبينة الكترونى
هتلاقيها منتشرة وموجودة عادى
والراجل اللى بيقولك من 10 سنين والحوار ده غالبا كدة بيشتغلك
وانا تحت امرك يا باشا
وتسلم على الدعوة
ادعيلى ربنا يسترها معايا في الامتحانات :(
السلام عليكم و رحمة الله و بركاته
ألف شكر يا باشا و ربنا يكرمك و ييسرلك الأمور و يكرمك فى الامتحانات و تطلع البرنجى كمان.
هى الحكاية أن أنا -زى ماقلتلك- من المنصورة و هنا مايعرفوش أى حاجة عنه خااااااااااااالص, فمش هعرف أركب الأبلاتين ده هنا, فكنت عامل حسابى أنى أركبه فى القاهرة , فماتعرفش ميكانيكى قريب من الشركة دى عشان أركب عنده الليلة دى؟؟
بص, عشان ماعطلكش, خليك فى المذاكرة دلوقتى و بعد ماتخلص الامتحانات نبقى نشوف الموضوع ده , ربنا يوفقك و يكرمك و يجبر بخاطرك زى ماجبرت بخاطرى .
السلام عليكم و رحمة الله و بركاته
ازيك يا عمر باشا, أخبارك ايه بعد الأحداث الساخنة دى, ان شاء الله تكون بخير , أنت و كل المصريين يا رب .
كنت عاوزك تشرحلى, أسهل طريقة ممكن أروح بيها جسر السويس عند الشركة اللى بتبيع الأبلاتين الالكترونى ده و أنا جاى من عالدائرى.
أنا اللى أعرفه و أنا جاى من المنصورة, أنى بركب الطريق الدائرى قبل الدخلة بتاع الكورنيش اللى على طريق القاهرة - الاسكندرية الزراعى, أنا هركب الدائرى كأنى رايح المطار و هفضل ماشى عليه لحد ما ألاقى نفق كده, النفق ده, أنا مش هدخله, لكنى هعدى من على يمينه و هفضل ماشى لحااااااااااااد ما أوصل عند سور الكلية الحربية, ايه أسهل طريقة بأه توصلنى بعد كده لجسر السويس عند الشركة اللى بتبيع الأبلاتين الالكترونى ده؟؟؟ و لا فيه طريقة أسهل من ده كله ممكن تقولى عليها, خلى بالك أنى فى الشوارع بتاع مصر, ماعرفش كتير.
شكرا جزيلا و جزاك الله كل خير .
اعتقد تقصد سور اكاديمية مبارك للأمن (اللي هي عالدائري فوق النفق)
لو ده قصدك يبقى انزل النفق و خليك ماشي هتلاقي على يمينك محطة موبيل و بعديها بـأمتار هتلاقي طريق السويس معدي من تحتك, انزل النازلة اللي على يمينك و كمل طوالي في السويس و بعد 4-5 كيلو هتلاقي كوبري خُش من جمبه يمين (عمودي عالكبري) .... أنا تعبت
الطريق الأسهل بس أطول شوية كمل على الدائري (بعد الاكاديمية) طوالي لحاااد ماتلاقي نزلة طريق الاسماعيلية انزل و اعمل u ترن (عشان تبقى في اتجاه القاهرة) و هتلاقي كوبري اطلعه و تاني كوبري خليك على اليمين (كده أنت عند مدخل الحرفيين) و ده كده بداية جسر السويس.
السلام عليكم و رحمة الله و بركاته
ألف شكر يا باشا على ردك و كرمك.
النفق اللى أنا أقصده , مش النفق اللى قبل أكاديمية مبارك للأمن, النفق اللى أقصده قبل النفق اللى سيادتك قلت عليه, النفق ده اللى هو لما تعدى من على يمينه, هتلاقى نفسك فى حته زحمة كده و مليانة بشر كتير و عربيات بيع مأكولات و كده, أعتقد هناك , موقف العاشر , صح يا باشا؟؟؟
أنا بأه مش هنزل النفق ده, أنا هعدى من جمبه من عاليمين و لو كملت عالطوووووووووووووول هلاقى نفسى عند سور الكلية الحربية, أنا متهيألى أن هناك فيه حاجة تودينى عند جسر السويس , بس مش عارف ازاى ؟؟؟
أصل حضرتك عارف أنا هركب الدائرى منين؟؟؟, من المطلع بتاعه اللى على طريق القاهرة الاسكندرية الزراعى, مش فيه كوبرى كده أنت بتعدى من تحته و أنت داخل القاهرة و الكوبرى ده اللى هو تحته المطلع بتاع الدائرى اللى أنت لو ركبته يمين, هيوديك الهرم و 6 أكتوبر و لو ركبته شمال, هيوديك المطار و طريق السويس و الحتت دى, أنا بأه هركب الدائرى من هناك لأنى ببقى جاى من المنصورة.
ربنا ييسر الأمور, أنا أصلا ناوى آجى القاهرة فى خلال أسبوع لو كانت الأمور هديت شوية, عشان ليا كام مصلحة كده و بالمرة أشترى الأبلاتين ده .
ألف شكر ليك يا باشا و جزاك الله كل خير .
بصراحة انا مش عارف في شوارع مصر اوى
انا كنت رحت مواصلات
نزلت في رمسيس وخدت مواصلة اسمها جسر السويس او "مسكن" تقريبا
المهم قلتله نزلنى قريب من حديقة بدر او شارع الاربعين
هينزللك قبلها ويقوللك تكمل على رجلك ازاى
وهتدخل شارع الاربعين ده وتمشى لحد مدرسة انس بن مالك وهو قدام بوابة المدرسة
مش عارف والله لو هتروح بالعربية هتروح ازاى
ممكن تعمل موضوع تانى فى القسم بتاع المرور والطرق ، تقول ازاى اروح حديقة بدر او شارع الاربعين الى في جسر السويس وان شاء الله الاعضاء هتقولك
ولو انى شايف انك تستنى شوية لما العملية تهدى ، انا كنت عايز انزل اجيب كربراتير واظبط حاجات كتير في العربية بس محصلش نصيب بقى
ربنا يستر على البلد الفترة الجاية ويصلح احوالنا