إستفسار بخصوص صيانة ال 20000 فى التوكيل ..

السلام عليكم و رحمة الله و بركاته

إخوانى الكرام .. أجدع أعضاء فى كل المنتديات :)

إن شاء الله السبت القادم رايح أعمل صيانة ال 20000 للبرسونا .. كنت عايز أعرف منكم لو فيه أى حاجه أخد بالى منها .. أو ملاحظات من خبرتكم أعملها و انا هناك
أنا لما كلمتهم قالولى هتكلفك 700 جنيه :beated: .. مش عارف أنا حاسسها كثير قوى .. هل فيه حاجات ممكن أجيبها معايا و التوكيل مايمانعش .. أنا بفكر أجيب الزيت و البوجيهات معايا .. هتتقبل ولا لا؟ ياريت لو حد يعرف الحاجات الى بيقبلها التوكيل يقولى عشان أجيبها و انا رايح

كمان سؤال بخصوص تعديل علبة الدركسيون .. أنا مش عارف التعديل ده بيتعمل ليه أصلاً .. فياريت يا جماعه تنورونى عشان لو كده اطلبه يتعمل فى التوكيل.

شكراً مقدماً

م. محمد الشافعى

السلام عليكم ورحمه الله وبركاته
يا بشمهندس محمد
ال 700 جنيه متضمنين بوجيهات وفلتر بنزين وفلتر هواء والزيت والفلتر
لاكن ممكن حضرتك تجيب اي نوع زيت انتا عايزه
انا بعمل كده بغير موبيل 1
كمان ممكن تجيب البوجيهات معاك
يعني لو حابب تجيب بوجيهات بلاتينوم وا اي حاجه تانيه عادي
بخصوص علبه الدركسيون كان في ناس بتشتكي من صوت نقرزه في عليه الدركسيون في المطبات الصغيره جدا وانا واحد من الناس دي وبي الفعل حجزت التعديل وتم عمل التعديل والصوت اختفي بنسبه 90%
لاكن لو حضرتك مش بتشتكي من حاجه في علبه الدركسيون يبقي خلاص
وكل صيانه وحضرتك بخير

يا باشا ربنا يبارك فيك على ردك الكافى و الوافى
طب معلش سؤالى تانى يا غالى .. انا كده لو جبت الزيت و البوجيهات معايا .. هتفرق كام عن التوكيل ؟

أنا كده إن شاء الله هجيب معايا و أنا رايح الأتى:
1 - 4 لتر زيت 10000 موبيل 1 (ما تعرفش ده سعره كام؟)
2 - بوجيهات ngk -r (مش هيا ديه الى الوكيل بيركبها؟)

و شكراًَ ليك على توضيحك لموضوع علبة الدركسيون .. انا هجرب أشوف و أنا ماشى على مطبات بحس بالموضوع ده ولا لاء .. بس فى جميع الأحوال أنا بفكر أخليه يعملها فى كل الأحوال

شكراً

اقتباس:

---

المشاركة الأصلية كتبت بواسطة shakshak2011

يا باشا ربنا يبارك فيك على ردك الكافى و الوافى
طب معلش سؤالى تانى يا غالى .. انا كده لو جبت الزيت و البوجيهات معايا .. هتفرق كام عن التوكيل ؟

أنا كده إن شاء الله هجيب معايا و أنا رايح الأتى:
1 - 4 لتر زيت 10000 موبيل 1 (ما تعرفش ده سعره كام؟) 250 جنيه
2 - بوجيهات ngk -r (مش هيا ديه الى الوكيل بيركبها؟) ايوه في التوكيل عامله 180 جنيه ممكن تجيبها من بره بس نفس الكود بي 85 جنيه


و شكراًَ ليك على توضيحك لموضوع علبة الدركسيون .. انا هجرب أشوف و أنا ماشى على مطبات بحس بالموضوع ده ولا لاء .. بس فى جميع الأحوال أنا بفكر أخليه يعملها فى كل الأحوال

شكراً تحت امرك يا فندم

---

كلك ذوق يا غالى .. ربنا يبارك فيك