دلوقتي ياشباب الفولكس دا اول موضوع ليا هنا في القسم
اولا انا معايا نسيان صني 2008 و بصراحه العربيه زي الفل ممن حيبث الثبات و التسارع علي سرعات عاليه و كده
المشكله بقي اني زهقت و عايز اغير بس عايز اركب الماني الصراحه لان اول تعليمي كان بي ام 518 موديل 82 المهم بقي بفكر ابيع النيسات و اجيب بفلوسها عربيه الماني فبفكر في البي ام موديل 90-93 او باسات او بورا من الفولكس
و واضح ان صالون الباسات اكبر من البورا بس البورا انا بحب شكلها الصراحه و مش منتشر اوي و حاسس ان المكنه عليها كويسه 1600 الباسات كانت مع واحد صاحبي من اولي كليه جمرك القاهره بس كانت 2000 سي سي التسارع بتاعها كان غريب الصراحه وهمي مش حاسس ان ال1600 ايبقي كده خالص
دلوقتي بقي المقارنه مابين البورا و النيسان من حيث الصالون مع مراعاة الاحجام الكبيره :0002014a:
حاجه كمان الباسات اللي كانت مع صحبي كان فيها عيب مقرف اوي اوي اوي بالنسبالي صوت تزييق البلاستيك كان بيعصبني اوي وانا اي صوت بصوره مستمره كده بيضايق ياتري البورا كده بردوا ولا ايه الموضوع
ياريت اللي عنده معلومه مايبخلش عليا بيها
من فتره كده ايام ما المنتدي كان واقع جاتلي رساله علي الخاص من شخص يمتلك بورا 99 و كان عايز يبعها و يشتري نيسان زيرو وانا رديت عليه بس للاسف تقريبا ماوصلتش لما نقلنا السيرفر ارجوا المعذره بس انا رديت عليك والله