زادت 1000 جنيه في التوكيل الكلام ده سالت عليه النهارده
عرض للطباعة
زادت 1000 جنيه في التوكيل الكلام ده سالت عليه النهارده
ده أكبر دليل على نجاح العربية و أفضل رد على المشككين
كنت هناك إمبارح و قاعد مع أ / رفيق عبد الله مدير المبيعات في المقطم و كان في ناس بتسأل و الأسعار زيْ ما هي
مين في التوكيل قال لحضرتك الكلام دا ؟
والحمد الله علي كل شي
سياسة العرض والطلب
يا فندم أنا لا سمح الله مش بأشكك في كلام حضرتك
عن نفسي و بعض السادة الأعضاء ، 16202 وقعنا في بعض المشاكل
حضرتك - بدون تكليف - حاول تتصل بنفس الرقم و خلّيهم يوصلّوا حضرتك بالأستاذ / رفيق ........ قول له بأمارة ما كنت بتحل مشكلة العقيد خالد بتاعة جواب المرور
علشان الضمان مع ورشة السمكرة لتغيير مفصلة الباب يوم الأحد 16 يناير .
مفيش حاجة يا باشا و الله ، جايز أكون أنا إللي ما سمعتش كويس لإن عربيتي متسجلة على السيستم عندهم إنها مباعة ديسمبر 2007 ، و أستاذ رفيق الله يكرمه
دخل الأرشيف دوّر على جواب المرور و الحمد لله طلع بتاريخ 17 فبراير 2008 .
عامة أ / رفيق إن شاء الله هو إللي يأكد لنا المعلومة الصح .
انا كنت متوقع من فتره ان سعرها حيغلى لغاية لما يعدى اللانوس والفيرنا لانها افضل منهم من كل النواحى
بس فعلاً اللوجان غليت في معرض فوريولا الأهرام ب 69000 جنيه
ولسه
ولسه
السلام عليكم و رحمة الله و بركاته
مع احترامى لاراء بعض الاخوة الفرحين بزيادة سعر العربية ...
هذا ليس فى مصلحتنا لسبب بسيط ان سعر السيارة مع امكانيتها هو ما جعلنا اقبلنا على شرائها اذا زاد سعرها فان الناس سوف تردد مما يقلل من فرص انتشارها و فى المقابل انتشار قطع الغيار و بالتالى خفض اسعار قطع الغيار .
ياريت يفضل سعرها هكذا حتى يزيد انتشارها
انتم برضة عاملين ذى بتوع ال byd f3 الصينى اللى ب 80الف اوتوماتيك و 67الف مانيوال وفرحانيين ان عربيتهم سعرها غلى وبيقولوا نفس الكلام بتاعكم
و ردى حيكون نفس الرد اللى رديت بية هناك
انتم بكدة بتقولوا اهلا لجشع التجار وغلاء الاسعار ---بدون مبرر---
مش لازم اكون منافق وادخل اقول انا زعلان علشان التوكيل زود ثمن العربية وجشع الوكيل والكلام اللى لا بيودى ولا بيجيب
لأ بصراحة انا مبسوط من الزيادة لان دة بيصب فى مصلحتى كمالك اول للسيارة ... والزيادة دى حتعلى سعر اللوجان فى المستعمل
ويعملها سعر اعادة بيع يرضى مالك السيارة وقت بيعها .. لان العربية لما بتتباع بيتقارن سعرها بالسعر الحالى للعربية
........................................
طيب كل ملاك اللوجان اللى اشتروها يتخيلوا معايا لو سعر اللوجان رخصت 2000 جنيه بدل الزيادة 2000 جنيه
كنا حنعمل موضوع ونفضل نقول حسبى الله ونعم الوكيل فى التوكيل اللى بيخسرنا سعر عربياتنا .. صح ولا ايه
........................................
ممكن اكون سلبى من وجه نظر البعض .... ممكن اكون انانى من وجه نظر البعض ... لكن انا حستفاد ايه بالايجابية وانا لوحدى
.......................................
يا ريت لو حنتكلم عن جشع التوكيلات والتجار يبقى نتكلم على التجار عموما مش حنيجى على توكيل رينو ونقوله كخ عيب يا جشع
على العموم العربية دى لسة حتغلى ... والناس حتشتريها .... علشان هى احسن من عربيات تانية اغلى منها .. وعلشان توكيلها مش بيحط فيها كاوتش نسر ... هى دى الحقيقة اللى انا مقتنع بيها ( وتحتمل الصواب او الخطأ )
في بلدنا الحاجة لما تبدأ تغلى .. الناس بتتهافت عليها يقوللك الحق قبل ماتولع .. بدليل ارتفاع مبيعات الحديد و الاسمنت بعد زيادة الاسعار
هي دي مصر يا عبلة
للأسف طالما فى ناس بتشجع غلو الأسعار يبقى التجار يرخصوا الحاجة لية ؟؟؟؟؟؟؟؟؟ كل بيبص لنظرتة الشخصية عشان يستفيد لما ييجى يبيع مثلا والتاجر يقولك غلى غلى الاسعار ياعم ماكلة بيشترى و ولا همة
للاسف منطق خطأ و انا مع انى اخد الحاجة بقيمتها الفعلية المماثلة ليها فى كل دول العالم مش افرح انى بشترى الحاجة ام 50 ب 70 وافرح اكتر لما تبقى ب75 !!
ماانتى لما تيجى تبيع وتجيب حاجة انضف حتكون زادت 10الاف مثلا عشان الحاجة دى ماشية بنفس المنطق وهكذا قيس كل حاجة فى البلد على المنطق دة
دة عيب ثقافة و عيب استغلال من التاجر اللى ملقاش حد يقولة لأ
و يارينجو انك تقول انا مش حقول انى مبسوط من غلو الاسعار دة مش نفاق
انت مقتنع انك مبسوط انها غالية اوك انت حر لكن احنا اللى مش مبسوطين بغلو اى حاجة مش منافقين وبعدين حنافق مين يعنى!
ما انت لما تحب تجيب حاجة انضف حتلاقيها زادت 10بواكى يبقى استفدت اية من غلو عربيتك ما اللى اتحط فى جيبك لما تيجى تبيعها حتروح تدفعة فى الزيادة اللى فى العربية التانية اللى هو فى جيب التاجر
ومتنساش ان غلو سعر الحاجة بما لا يتوافق مع قيمتها الفعلية حيؤدى الى عزوف المشترى للمستعمل عنها ....
وابسط حاجة شوف الميجان والكليو بيتباعوا كام مستعمل دلوقتى
منطقك سليم .. بس شوف السيناريو المضاد بقى
مثلا : العربية رخصت الفين تلاتة
الناس هتقول اكيد العربية مش بتبيع .. عشان اكيد فيها عيب خطير .. عشان .. عشان .. و كل واحد يعمل فيها مفتي و يدلو بدلوه و يديك من علمه الواسع و خبرته العظيمة و العربية حالها يقف و اللي معاه المستعمل يتحسر على التوكيل اللي ضيع عليه فلوسه و يحس انه اتدبس في العربية بعد ماكان طاير بيها
خد بالك ان العربية اللوجان مازالت حتى الان تحت التقييم بالنسبة لناس كتيير و مستنين اي مؤشر يبنوا عليه فتاويهم .. لكن في عربيات اتعرفت ديتها في السوق خلاص و اتحفظت زي مثلا الفيرنا و اللانوس .. لو سعرهم نزل شوية مش هيأثر على سمعتهم لأنهم جابوا اخرهم خلاص .. و محدش بقى يفتي فيهم
انا شايف ان سياسة التسعير في توكيل رينو هي سياسة سليمة في مصر فقط
+11111111111111
+111111111111
تفتكر لو الفيرنا غليت كنت حاتقول نفس الكلا طبعا لا
وبعدين سعر الميجان اللى بينزل النص ده لاننا شعب ملهوش فى الحاجه النضيفه ودايما بيجرى ورا الرخيص حتى لوكان سىء وبنحب اللى بيسرقنا .ياراجل غبور ومنصور مبهدلين الفيرنا واللانوس وعدمينها العافيه سرقه وقطع غيار مضروبه وبرده الناس ببتهاتف عليهم لمجرد الانتشار مش اكتر وخلاص
+1111111111111111111111111111111111111111111111111 111111
العربية غالية من شهر 12
مش من المعرض بس
انا عاوز اشتري كمان كام شهر لوجي تانية
ليييييييييييييييييييييييي ه =(
بكل سهوله ...
الناس اللى اشترت خلاص فرحنين اوى انها غليت .... وده من حقهم
والناس اللى عايزه تشترى زعلانين اوى انها غليت .... وده من حقهم
انا شايف ثبات السعر افضل للجميع !!!!
بالمناسبة المفروض إن العربيات الأوروبية بترخص نظرا لانخفاض الجمارك 10% سنويا
طبعا عارف إن اللوجان مغربى ومعفاة فى الجمارك (المفروض)
لكن عاوز أقول إن انخفاض السيارات الأخرى سيؤثر بالضرورة على أسعار السيارات التى لم يطبق عليها التخفيض
يعنى المفروض اللوجان ترخص ... مش تغلى!!!
خصوصا إنها غاليا أصلا كعربية من المفترض إنها معفاه من الجمارك (ده المفترض لكن الواقع غير كده خااااالص والعميل هو الضحية ... ما علينا)
حد فاهم حاجة ..؟؟
ولا أنا !!
السلام عليكم
أحب انا كمان اضيف فتوه صغيره . مش قصدي ان الناس بتفتي لحد يفهمني غلط انا قصدي اني ادلو بدلوي اتا كمان
شكلي كده عكتها اكتر . ما علينا
سعر الرينو لوجان ظهر بالشكل ده من وجهة نظري لأن
لو سعرها نزل السوق بالرقم الرسمي اللي العربيه جايه بيه من المغرب + هامش الربح بتاج التاجر
هيكون ضربه موجعه و قطمت وسط لمجموعه كبيره جداً من العربيات اللي موجوده و ناجحه في السوق :patch2:
زي اللانوس و الفيرنا و البيكانتو و ال i10 و غيرها من العربيات الصيني
و في الحاله دي العربيات دي سوقها يقف و الناس كلها تقبل على اللوجان بصفتها اعلى في الإمكانيات و أنضف و اشيك و غيره و غيره
و بالتالي لازم التوكيل يحط سعر العربيه بشكل يكون منافس في الفئه السعريه دي و المكسب كله في جيب التوكيل و التجار
يعني على افتراض ان سعر العربيه رسمي حوالي 40 الف يبقى كل العربيات اللي فاتت دي هتدمر و محدش هيركب غير لوجان
لاكن طبعاً السعر ده بينافس في الفئه دي غير كده لازم الكبار يحافظو على ثبات و استقرار السوق
و كل عام و انتم بخير
ايضاح صغير : انا لما جيت اشتري اللوجان لقيت اني ممكن اركب لانوس ب 68000 هاف اوبشن و حاطط في بطني بطيخه صيفي في اعاده البيع بعد 130 سنه و اللوجان بنفس السعر فول اوبشن و راكب عربيه اوروبي لاكن مش ضامن سعر اعاده البيع و تخلف السوق المصري في اعداه بيع السيارات الأوروبي
فضلت طبعاً الأمان و الشياكه و الرفاهيه :cool (1): عن سعر اعاده البيع اللي يا عالم ممكن اعيش لحد ما ابيع العربيه و لا يورثوني فيها :36_2_33: