عايز رأيكم يا اهل الخبره ضروري بحصوص تسقيط المكنه
السلام عليكم
هخش في الموضوع دغري
يا جماعه انا دلوقتي معايا هوندا سفسك 93 فيها مكنه D15B8 كاربتير اتوماتيك .... العربيه بطه جدا و عملت كل حاجه ممكنه و في الاخر عرفت انها 70 حصان بس
دلوقتي واحد صحبي في الحرفيين هيدلي مكنه D15B Vtec بالكنترول و ضفيره ب2800 و هخليها اتوماتيك زي ما هي علي نفس الفتيس و قالي هيشتري المكنه القديمه ب500 عشان هتبقي خلع وكلام ده....مكتوب في الويكبيديا ان مكنه دي 128 حصان
وكمان هيدلي طرمبه بنزين و يعدلي في التانك
الاسئله:
1- هل المكنه جديده ديه فعلا 128 حصان ؟
2- هل سعر شراء و البيع كويس ؟؟
3- هل ممكن بعد ما اجيب المكنه قلقيها مفووته او حالتها وحشه ؟
4- ايه اكتر حاجه ابوص عليها و اهتم بيها لما اجرب المكنه اول مره ؟؟
5- هل النجكشن في الهوندا عيويو كتير ؟
6- هل الاتوماتيك هيبوظ السحب و الاداء ؟
