الموضوع: الرأي مع ال i10

عربيه زي الفل

انا معايا الاوتو بئالها 5 شهور وعامله تقريبا 6500 كيلو

عيوبها:

الكاوتش رفيع والتوكيل بيرفض يغيرو وبيقولو تطلع من الضمان

الموتور بيضيع يا حرام في المطالع خصوصا ان معايا اوتوماتيك

سعرها بئا غالي اوي بعد الزياده الاخيره في الاسعار


ممزياتها:

التقفيل نضييف جدااا

واسعه من جوه بالنسبه لحجمها وكل اللي يركبها يقول ايه ده انا متوقعتهاش كده

سواقتها بجد ممتعه الروئيه واضحه جدا والدركسيون باور كهربا بيتقل مع السرعه وبتتركن في اي حته :d

الفرش برضو حلو اووي هو جلد في قماش

استهلاك البنزين حلو جدااا محسبتوش بالظبط بس هو قليل اوووي

شكلها طبعا شيك جداا من بره ومن جوه

بص من الاخر عربيه تحفه وانا بحبها جدااا وعمري ما ندمت اني جبتها

لو عند اي سؤال معين قولي وانا تحت امرك ولو عايز صور لحاجه معينه قولي وانا اصورهالك

ربنا يخليك

خلي بالك برضو الاوتو بيبئا حمل على الموتور اكتر من المانيوال فلما بيبئا في مطلع انا شخصياً بطفي التكيف لو مشغلاه عشان مش بحب احمل جامد على الموتور

وانا بتكلم على المطالع الجامده هي اللي بعمل فيها كده

بس غير كده هي ماشيه زي الفل وكل طرقي طرق سربعه ومعندهاش مشاكل خالص في الطرق السريعه

ياريت لو سمحتي صورة قريبة للعدادات و صورة للكاسيت او الكونسول بصفة عامة و شكرا مقدما

حاضر هاصورها واجيبلكو الصور بكره ان شاء الله

مستنيييييين الصور بلهفة :d نسيتينا ولا اييييييييييييه

معلش اتأخرت عليكو والصور طلعت عيني على ما عرفت ارفعها


ديه العدادات





وده التابلوه كامل