الموضوع: ساعات بشتااااااااااق

المشاركة الأصلية كتبت بواسطة funnymickey

كنت عامل موضوع قبل ما المنتدي يقع بالاسم ده
وكنت حاطط فيه شويه حاجات عن ذكرياتنا الشخصيه
الموضوع ده راح ودورت عليه ملقيتوش
قررت المره دي اعمله بطريقه مختلفه


جوايا كلام كتير اوي عاوز اقوله بس مش عارف اقوله
كل ما بتجيلي الحاله دي ببقي نفس اعيط واقول انا مش عاوز افضل كده
انا عاوز ارجع لمصر بتاعت زمان مش بتاعت دلوقتي

ايام ما كان الرجاله كلها بتلبس البدله البيج اللي بجيوب او قميص وبنطلون
والستات كلها تلبس فساتين طويله وحجاب جميل عفيف
مكنش فيه بنطلونات ضيقه ولا ستريتش ولا بدي

حتي اللي كانوا بشعرهم مكنوش متكلفين
مكنوش مبهرجين
كانوا عاديين
مش ملفتين


العلم والايمان
youtube - ‫ظ†ظ‡ط§ظٹط© ط¨ط±ظ†ط§ظ…ط¬ ط§ظ„ط¹ظ„ظ… ظˆط§ظ„ط¥ظٹظ…ط§ظ† ظƒظ…ط§ ظƒط§ظ†طھ طھط¸ظ‡ط± ظپظٹ ط§ظ„طھظ„ظپط²ظٹظˆظ† ظ‚ط¯ظٹظ…ط§‬‎


فاكرين الاذان ده علي القناه التانيه ايام ما كانت بتجيب الاذان قبل ما يلغوه
youtube - ‫ط.ط§ظ† ط§ظ„ط¢ظ† ظ…ظˆط¹ط¯ ط£ط°ط§ظ† ط§ظ„ظ…ط؛ط±ط¨ ط§ظ„ظ‚ظ†ط§ط© ط§ظ„ط«ط§ظ†ظٹط©‬‎

موسيقي النشره الجويه بتاعت الراديو كنت بصحي عليها وبكرهها
youtube - ‫ظ…ظˆط³ظٹظ‚ظ‰ ظ†ط§ط¯ط±ط© ط§ظ„ظ†ط´ط±ط© ط§ظ„ط¬ظˆظٹط©.wmv‬‎


شيريهان حليمه وكريمه وفاطيما
youtube - ‫ظپظˆط§ط²ظٹط± ط´ط±ظٹظ‡ط§ظ† ط£ظ„ظپ ظ„ظٹظ„ط© ظˆ ظ„ظٹظ„ط©1987‬‎

الف ليله وليله زوزو نبيل
youtube - ‫ط§ظ„ظپ ظ„ظٹظ„ط© ظˆظ„ظٹظ„ط© - ط²ظˆط²ظˆ ظ†ط¨ظٹظ„‬‎


عندي روابط كتير اوي لذكريات وذكريات وذكريات
ومعنديش كلام اقوله
ولا حتي لو بكيت حيتعوض اللي راح
بس ياريت
نعمل لاولادنا ذكريات وماضي
يملاهم بالسعاده لما يشوفوه او يفتكروه بعد 20 سنه زينا كده
ربنا يخليلنا اهالينا اللي عيشونا في سعاده عمرنا ما عرفنا قيمتها غير اما كبرنا وشلنا مسؤليه
ويغفر لكل اهالينا اللي راحوا من غير حتي ما نقولهم كلمه شكر واحده علي حاجات كتير اوي عملوهالنا ومقدرنهاش غير لما راحوا مننا

دعوه لكل ابن او بنت مزعله امها او ابوها منها
اللي بيروح مبيرجعش
استغل كل دقيقه من وقتك انك تحبهم وتاخد رضاهم
لانك مش حتلاقيه تاني
ويمكن ييجي يوم تتمني فيه يرجعوا ساعه واحده عشان تقعد تحت رجليهم وتتمنالهم الرضا يرضوا

تصبحوا علي خير وسعاده ومستقبل جميل
في بلدنا احنا
مصر
مش بلدهم هما

أأأأاه تانى يا فانى ميكى ... كل ما ننسى تطلعولنا باللى بيفكرنا بأيام زمان تانى .... الواحد بيتعب لما بيفتكر الأيام دى .
عاوزنا نرجع زى زماااااان .... قول للزماااااان يرجع يا زمااااااان .