شباب الحزب الوطنى ملو النت حاسس لو فتحت الحنفيه هلقيهم

شباب الحزب الوطنى و رجالته مل النت و المواقع

حاسس انها بقيت مبتذله اوى ومفضوحين اواى واساليبهم تشل

حاجه بقت تقرف

و الله عندك حق حاجة تقرف

فعلا شئ بقى ملفت للنظر ..........ومش هم بس حتى المسؤلين تغيرهم المفاجأ بقى ملفت هو كمان ..امبارح فى برنامج مصر انهارده المذيع بقى مش مصدق اللى بيعمله الوزراء واعضاء مجلس الشعب وصفوت الشريف ....عشان الراجل اللى حرق نفسة

لو شرح مبسط للمشكله هنفهم

السلام عليكم و رحمة الله و بركاته

أنا بصراحة ماشوفتش حد من بتوع الحزب الوطنى لحد دلوقتى, بس دول اليومين بتوعهم اليومين دول, على أساس أنهم موالين للحزب الظالم -قصدى الحزب الحاكم- و بالتالى عاوزين يغيروا فكر الشباب كله فى مصر, و كمان أنا ملاحظ أن كل وسايل الاعلام بتحاول تتعامل مع موضوع تونس, على أنهم عملوا كده عشان الظروف عندنهم وحشة و صعبة و مفيش حرية دينية و لا ديمقراطية و لا حرية صحافة , لكن الوضع عندنا فى مصر مختلف و أننا مش كده خاااااااااااالص.

حتى أنا كنت شفت لقاء للمذيعة الأمورة منى الشاذلى مع مجموعة ناس من تونس بعد ما زين العابدين هرب, أنها عمالة تقول للست اللى كانت موجودة شوية أسئلة مفؤوشة, زى مثلا, ممكن تعمليلنا مقارنة بين حرية الصحافة فى تونس و مصر , ممكن تعمليلنا مقارنة بين أحوال المعارضة فى تونس و مصر ,على أساس أن تونس دى فى الحضيض و أننا احنا اللى بنعلم العالم كله, الحرية و الديمقراطية و الكلام ده, حسستنى أننا مش فى مصر, أننا فى انجلترا و لا فى السويد و بصراحة بعد ماكنت بحترم منى الشاذلى و بحبها عشان هى أمورة, نزلت من نظرى جدا, لدرجة أنى ماعدتش شايفها خالص .