السلام عليكم
أنا كنت سمعت حاجة عن الفتيس الأوتوماتيك للأوبترا إن تمنه جديد في التوكيل ب47000 جنيه. يا ترى يا جماعة حد عنده معلومة عن الموضوع ده أو يعرف السعر فعلا كام. و حاجة تانية إنه ما ينفعش يتصلح و لازم يتغير بالكامل لو حصله حاجة.
أنا مش قادر أصدق إنه نص ثمن العربية. و شكرا مقدما.
اتصل بالتوكيل
اعتقد انة صعب اوى
ممكن فعلا تسأل فى التوكيل
أنا سألت في التوكيل و طلع ثمنة 32000 جنية شامل الضريبة و مالوش طقم إصلاح يعني لو ضرب يترمي و تجيب غيره.
إزاى يبقى الأتوماتيك يبقى ثلث ثمن العربيه. دى مصيبه. يعنى لو الأوتوماتيك باظ أغيره ب 32000 جنيه. الصراحه أنا مش فاهم ياريت لو حد فاهم يفهمنى
تمنه غالى جدا على العربيه انا ليا واحد قريبى غير جير بوكس لباسات كان عامل حوالى فى حدود 20 الف جنيه مش فاكر الرقم بالظبط
أمال تعمل أيه فى عربيه زى الأسكود لو الوساده الهوائيه اللى جنب السائق فتحت بتبوظ التابلوه و تمن التابلوه أكتر من30000 برضه (مش الأوكتافيا بس ده أى عربيه فيها 2 وساده)
يا شباب لما تكون الباسات عربيه قريبه من ال300 الف جنيه يبقي ال20 الف تمن فتيس اوتوماتيك ده سعر مش عالي جدا يعني حوالي نسبه 6% لكن لما تكون عربيه زي الأوبترا في حدود 95 الف ويبقي الجير الأوتوماتيك بتاعها ب 30 الف يعني 31% من تمن العربيه ده كلام يخش المخ اكيد فيه غلط في الحساب ولا ايه رأيكم
ارجوكم قولي لي فيه غلط ولا لأ لاني عايز اجيب اوبترا اوتوماتيك :eek:
انا رأيي بلاش اوتوماتك في الكوري عموما ..... اعطالة بتبقي رهيبة ....اقتباس:
المشاركة الأصلية كتبت بواسطة tayson54
اتوماتك يبقي ياباني .. الماني .. بيجو ..امريكي .........لكن كوري .... لسة شوية عليهم في الموضوع دة .....لكن المانيوال ... زي الفل ......ده رأي شخصي
وبعدين 32000 ليه
ده انت تبيع العربية وتجيب غيرها أوفر
انا برده بقول الرقم ده صعب اوي عموما انا بعت ميل لمنصور شيفروليه عايز اعرف سعر الفتيس كام وهكلم خدمه العملاء علي المغرب كده اعرف برده
بس برده ليه الأوتومايتك في الكوري مش كويس وهل شيفروليه هتجازف وتحط علامتها التجاريه علي عربيه ممكن تسوء لها سمعتها تماما لو كان ليها مشاكل متكرره في جزء مهم جدا من العربيه زي الفتيس ؟؟؟
وبفرض انها عربيه كوري صرف ملهاش علاقه بشيفروليه هل فيه حد سمع او عاصر مشكله في اوتوماتيك عربيه كوري قل كده يحكي عليها بحيث نستفيد ؟
طول ما انت بتحافظ على زيت الفتيس فى مكانه ... انسى ان الفتيس الاوتوماتيك يبوظ والدليل..... اوتوبيسات هيئة النقل العام كلها اوتوماتيك وعمرها ما باظت . ولو - لا قدر الله باظ - يبقى بعد عمر طويل يكون المستوردين جابوا لك فتيس استيراد ب 3 الاف جنيه بس !
متشكر يا دكتور محمود ده كلام منطقي وده فعلا اللي وصلنا برده في مناقشات مع اصحابي في الشغل
وبرده اتا هسئل في التوكيل لاني لازم عارف الرقم الغريب ده اتقال ازاي لانه مفيش عربيه تلت تمنها عباره عن فتيس ثم اقولك علي حاجه ....الفرق بين الأوبترا مانيوال واوتوماتيك حوالي 5000 جنيه ونفس الكماليات في الأتنين مش ده معناه ان الفتيس بس زود سعر العربيه بالرقم ده ؟؟؟
اعتقد ان الرقم ده هو المنطقي والمقبول (نسبه 5000 الي 95000 سعر العربيه هي 6.3% ودي تقريبا نفس النسبه اللي في الباسات اللي وصلنا لها)
لاحظ حتي ان الفرق في اغلب العربيات المانيوال بتاعها والأوتوماتيك هو من 5 الي 7 الاف جنيه
با عم لو فتيسك باظ هاته استيراد و اشتري دماغك .. بالنسبه لو عندك مانوال و عاوز تركب اوتوماتيك .. مانصحكش :d
انصح انك تروح المحلات اللى بتركب اوتو ماتيك اى فتيس
بالنسبة لحوار الاستيراد هيبقى تمنه كام 20 او 25
ولو عايز تجيب اتوتوماتيك هات النترا موتورها اقوى ويشيل اوتوماتيك
انا عندي سيارة اوبترا وخرب علي الجربوكس وسعر الجربوكس وئلت في الوكالة حصلتة سعرة 12 الف ريال يعني قيمة سيارة الجمعة 28 جمادى الأولى 1430
الاوتوماتيك فى الكورى لا يرتقى للاوتوماتيك فى اليابانى والالمانىاقتباس:
المشاركة الأصلية كتبت بواسطة tayson54
وان كان فى كيا والهيونداى ليس سيء جدا
لكن الاوتوماتيك فى الدايو ظهر فيه الكثير من المشاكل سواء فى اللانوس او النوبيرا ( من أكثر من شخص وبعضهم تجار واصحاب معارض)
والكل يعلم ان شركة شيفروليه لم تقم بأضافة اى تعديل فى اللانوس او الاوبترا (نوبيرا 3) او كروز (لاسيتى) الا وضع علامت شيفروليه بدل دايو
بخصوص التجارب سعر الاوتوماتيك فى الدايو اقل أو تساوى المانيوال فى حالة اعادة البيع واى تاجر لا يرغب فى شراء اى سيارة دايو اوتوماتيك ويفضل المانيول
يمنه فى التوكيل كان 45000 جنيه , معرفش رخصوه دلوقتى و لا ايه.
تمنه 32000 جنيه
والفتيس يابانى مش كورى
هو تمنه فعلا 32000 جنيه ودة عيب قاتل فى الاوبترا الاوتوماتيك
الرفاهية مش ببلاش
يا جماعة يا ريت اللى يتكلم فى حاجة ما يكونش سمعها لازم يكون شاف بعيونه أو عاش التجربة بنفسه،،،، أما موضوع انا سمعت أو واحد حكالى دا كله كلام فاضى وقاعدة مصاطب،، وكنبة البواب؟؟؟؟؟؟؟؟؟؟؟؟؟؟؟؟؟
- بالنسبة للاوتوماتيك،، مين اللى قال انى الكورى فى الاتوماتيك مش كويس، (علما بأن الأوبترا تقفيل كورى وليست كورية)ما تشوفو الهيونداى كل موديلاتها حاليا فيه أوتوماتيك،، وما فيش منها شكوى حتى الآن،، فمابالك بالأوبترا مش ممكن هاتكون أقل من الهيونداى بأى حال من الأحوال،،،
- على فكرة الموضوع زى ما بنقول "قرف"فى ناس وشها يقطع الخميرة من البيت،،، ممكن يشترى السيارة النهاردة وبكرة يلاقى فيها خمسين عيب،، وممكن يكون ده بسببه،، ويقعد يعيط ويشكى لطوب الأرض ويلعن اليوم اللى اشترى فية السيارة؟؟؟؟؟؟ أنا اعرف واحد اشترى مازدا 6 وبعد اسبوع المكينه ضربت،،،خلاص كدة المازدا تعبانه وفاسدة وا وا..... والله بصراحة فى ناس هنا فى المنتدى بتقرفنى من طريقة كلامهم وبحس انهم دخلوا المنتدى غلط زى الأخ اللى كتب موضوع ........ يخص الأوبترا وطبعا الناس مشكورين كتبوا آرائهم وفى الآخر بيقول لا أنا مش هاشترى الأوبترا علشان فيها عيب؟؟؟؟؟؟؟؟؟؟؟
- على فكرة أنا راكب مرسيدس شبح حجمها 300 موديل 91 أوتوماتيك سمراء اللون(ولله الحمد على النعمة)،،،ولما بسوق الأوبترا بتاعتى موديل 2009 بحس أنى مرتاح أكثر والله العظيم بتكلم جد،،،،
-يا جماعة كلمة أخيرة،،، العربية اللى تعجبك وشفت انها مناسبة لك اشتريها واستمتع بها وخللى اللى يتكلم يتكلم،،،
السلام عليكم
بصراحه يا جماعه انتو كده خوفتوني....انا بكره انشالله هستلم عربيتي- اوبترا اوتوماتيك
كمان ردا علي موضوع بلاش كوري اوتوماتيك انا سمعت النصيحه دي في عربيتي اللانوس بس مديتش اهتمام و عمر ما حصل معايا اي حاجه ابدا بالعكس العربيه كانت زي الفل لحد ما بعتاها.
ده للي بيسأل علي تجربه الاوتوماتيك في الكوري - مضمون 100 100