عرض للطباعة
السلام عليكم
معلش يا شباب ليا كام سؤال ليكم علشان اتعلكم منكم واعرف احافظ على العربيه ان شاء الله
اولا :- مقاس الكاوتش كام واظبته على 30 ولا على 28
ثانيا :- انا عايز اغير المساحات ومش عارف اجيب مقاس كام فى المساحات
ثالثا :- لما اجى اغير الذيت العربيه بتاخد كميه قد ايه يعنى بتاخد الجركن كله ال هو 4 لتر ولا بتاخد اقل فى حاله تغيير الفلتر كمان
هقدر اجاوبك علي أولاً وباقي الاعضاء الكبار إن شاء الله يجاوبوك علي باقي الاسئلة
اولا :- مقاس الكاوتش كام واظبته على 30 ولا على 28
هتلاقي جنب باب السائق ستيكر مكتوب علية مقاس ظبط الكاوتش وهو في موديلات حتي 2010 ( 32 أمامي و 29 خلفي) ويقال انة في موديل 2011 تم تغير هذة المقاسات الي( 36 أمامي و 32 خلفي ) بس عن نفسي انا أفضل المقاس الاول (32 أمامي و 29 خلفي).
ولي صديق معاة موديل 2011 وسألهم في السبع موتورز يظبط الكاوتش علي كام وكان ترشيحهم للاختيار الاول (32 أمامي و 29 خلفي).
اقتباس:
المشاركة الأصلية كتبت بواسطة e_amrawad
الف شكر يا باشا
بس هو مقاس الكاوتش كام يعنى 13 ولا 14
ا/ أحمد كيف حالك
بالنسبة لضغط الكاوتش فعلا حضرتك هتلاقيه 32 امامي و 29 خلفي في الموديلات قبل 2011
وطبعا انصحك بشده انك تملاها نيتروجين بدل الهوا
بالنسبة للزيت فالعربية بتاخد 2.7 لتر لو هاتغير الزيت وهتغير الفلتر
لو مش هاتغير الفلتر يبقي 2.5 لتر
وبالنسبة للمساحات ... بصراحة مش عارف ... ومتابع مع حضرتك ان شاء الله
ومقاس كاوتش الصني 15
خش على الموضوع ده و انت تعرف اكتر
مقادير الزيوت لنيسان صني
و على العموم زي ما استاذ حسين قالك 2.7 بالفلتر و 2.5 من غير فلتر و انت كده زكده معاك مقاس زيت حط الزيت و قيس لحد ما يوصل للمستوى المطلوب
اقتباس:
المشاركة الأصلية كتبت بواسطة sonasteel
اخبار حضرتك ايه انا الحمد لله تمام
غريبه موضوع 2.8 لتر دى انا كنت بحط فى الدايو 4 لتر كاملين بس اكيد كل عربيه وليها نظام معين
بس كويس اوى ان الكاوتش 15 علشان الثبات وكدا ولما هغير المساحات هقولك مقاس كام وجبتها منين وبكام ان شاء الله
:verygood::verygood:اقتباس:
المشاركة الأصلية كتبت بواسطة sedyrohy
بعد ما قريت الموضوع ده ... غالبا هايبقي المقاس بالفلتر 2.8 لتر وليس 2.7
أعتقد كده ...... وان شاء الله وانا رايح صيانة الالف هاسالهم هناك واشوف بيحطوا كام وابلغكم بأمر الله
اقتباس:
المشاركة الأصلية كتبت بواسطة sedyrohy
صح كدا انا هشوف المقاس وهظبط عليه بس علشان ابق عارف علشان العامل ميحطش الجركن كله ويكبر دماغه
اهلا بحضرتك في قسم نيسان و اهلا بكل استفساراتكاقتباس:
المشاركة الأصلية كتبت بواسطة احمد المصرى
أولا : حضرتك بالنسبة لمقاس الكاوتش ياريت حضرتك تلتزم باللي مكتوب في القايم او ممكن تظبط علي 32 قدام و 29 ورا لسبب هام جدا و هي العفشة لأن العفشة في عربية حضرتك مش رياضية فأرجوا الالتزام بالمقاييس المكتوبة عشان حضرتك تريح العفشة.
ثانيا : بمناسبة اننا حضرتك في فصل الشتاء يبقي دا الوقت الضروري لتغيير المساحات و كل اللي هتعمله انك تروح لمحل اكسسوارات و تخليه يجبلك المساحات علي مقاس الزجاج علي الطبيعة مع ملاحظة مهمة جدا ان المساحة الشمال هتكون اطول من المساحة اليمين عشان لما المساحة تشتغل تعطي لحضرتك اكبر مساحة للرؤية .. يعني زي الفابريكة بالظبط و ياريت ضروري تجيب افضل نوع مساحات للحفاظ علي زجاج السيارة
ثالثا : بالنسبة للزيت عشان حضرتك متعيرش الزيت غلط يبقي حط 3 كيلو بالظبط بالفلتر و متخفش مش هيأثر في حاجه و ياريت كل تغير الزيت تقوم تغير معاه الفلتر اول بأول و ارشحلك زيت شل
ارجوا اني اكون افادت حضرتك
و اي خدمة
الاعضاء قاموا بالواجب وزيادة
ومعنديش حاجة اقولها غير انى برحب بيك معانا ,بوجودك فى قسم نيسان
وبشارك كل الاعضاء الراى بالموافقة التامةةةةةةةةة فى اللى نصحوا حضرتك بيه
والقسم عندنا غنى بموضوعات كثيرة جداااااااااااااا ومفيدة, اكيد حتفيد حضرتك
واسال العضو المجتهد حسين باشا , اول ما كان عضو جديد دخل وقرا فى القسم فى اغلب الموضوعات واستفاد قد ايه , وبقا اشطر مننا كمان , واستفاد وفاد الاعضاء القدامى والجدد معاه
واتشرفنا بوجودك معانا يا فندم
وتحت امرك فى اى خدمة
تحياتى
يا بو حميد تسلم يا جميل .... الله يبارك في عمرك :)) روحي روحي روحي :36_3_10[1]::36_3_10[1]:اقتباس:
المشاركة الأصلية كتبت بواسطة ahmed.tv
انا كنت بقرأ في المواضيع القديمة علشان ناوي اعمل فصول تقوية لأعضاء الصني ... بمبلغ رمزي خاااالص صفيحة بنزين 95 من كل عضو :36_2_33:
ماشاء الله في أعضاء هنا محترمين جدا واقدم مني بكتييير ومبيتأخروش عن حد وهما اللي ساعدوني في الاول ... حتي بعد ما جيبت الصني محدش اتأخر عني في حاجة .... ربنا يجزيهم خير وربنا يديم المحبة في المنتدي هنا ياااارب
اقتباس:
المشاركة الأصلية كتبت بواسطة ahmed.tv
وانا اتشرفت بيك وبكل اعضاء نيسان المحترمين
جزاك الله كل خير
اقتباس:
المشاركة الأصلية كتبت بواسطة peaceman
الف شكر يا باشا وان شاء الله هروح اجيب مساحات محترمه وهعمل سيرفس كامل للسياره وهقولكم ايه الاخبار