إستفســــار عن وضــع زيت 5000 كم أم 10000 كم لأوبتــــرا 2007

**TAMER KHASHABA** · 01-11-2007 01:59 AM

انا ابتراوي جديد يا جماعة وعجبني المنتدي بتاعكم ده اوي
وحبيت اشترك معاكم انا معاي اوبترا مانيوال 2007 وناوي اعمل صيانة ال 10 الاف كيلو
هل احط زيت 5الاف واعمل الصيانة اللي جايه علي 15 الاف ولا احط زيت شل 10 الاف زي ما قال الاخ ابوعمار انه احسن واعمل صيانة علي 20 الف
افيدوني ياجماعه العداد دلوقتي وصل 9الاف و700 كيلو وصوت الموتور بد يعالي شوية وحاسس اني لازم اغير زيت وما استناش لغاية ال 10 بالظبط ;)

**معاذ الشرباصى** · 01-11-2007 02:00 AM

يفضل الزيت التخليقى اللى بيتغير كل 10 الاف

**mohaismail** · 01-11-2007 02:44 AM

بص يا استاذ تامر انت هتحط زيت يتغير كل 10000 كيلو ده افضل للمحرك
بالنسبة للصيانة اعمل صيانتك عادى جدا كل 5000 كيلو علشان تربط العفشة ويتم الكشف على السيارة بالكامل وكده ان شاء الله عربيتك هتفضل جديدة تماما وربنا يباركلك فيها بس متنساش موضوع الزيت كل 10000 كيلو ده محسوم

**أبو عمار** · 01-11-2007 08:57 AM

بص يا باشا الزيت التخليقى مهم جدا فى الـCold start لأن المحرك بيحتفظ بطبقة رقيقة منه على البساتم و السلندر و هذا مهم جدا لعملية الزييت فى بداية دوران المحرك بالإضافة إلى أنه لا يتحلل و لزوجته تزيد مع درجة الحرارة .....
سألت مرة مهندسين من mobil على الفرق بين الـنوعين بالنسبة للمحرك قالى إن عمر محرك يضرب فى 1.5 مع الزيت التخليقى أى لو محرك ماشى 150 ألف كم مع موبيل 1 يوازى حالة نفس المحرك وهو ماشى 100ألف مع xhp
أما بالنسبة للصيانة فى رأيى إن كل 10 آلاف معقول جدا أن عن نفسى بعد ما خلص ضمان عربية والدى(تويوتا 2001) كنت بغير زيت برة و أروح التوكيل كل 30 ~ 40 ألف أدفعلى حسبة 2500 (تغيير كل الزيوت و الفلاتر و السيور و التيل .....) و العربية تمام التمام ;)

**osman hisham** · 01-11-2007 09:28 AM

لازم الصيانه الدوريه بموعداها كل 5000 كم فى التوكيل لمدة 3 سنوات الضمان علشان لو حصل عطل لا قدر الله تفدر تغير اى قطعه ببلاش فى الضمان من غير ماحد ما يقولك حاجه

**TAMER KHASHABA** · 02-11-2007 12:23 AM

بس يا جماعة انتوا مش شابفين ان تكاليف الصيانة غالية شوية انه يغيير زيت ويربط علي العفشه وياخد 130 جنيه

**د.محمود صلاح** · 02-11-2007 11:29 AM

موافقك تماما دول كمان ما بيكشفوش على الموتور بالكمبيوتر فقط كما ذكرت تربيط عفشة وغسيل طنابير ونفخ فلتر الهواء

**rami** · 28-02-2008 09:58 AM

السلام عليكم ورحمة الله وبركاته

انا عضو جديد في المنتدى وبصراحة عجبني كتير انهم خصصوا ركن كامل لسيارات شيفرولية وخاصة الاوبترا ..

انا مصري بس مقيم في السعودية واشتريت سيارة اوبترا موديل 2006 وبصراحة انا استخدامي للسيارة مش كتير يعني هي معايا دلوقتي بقالها سنتين وثلاث شهور وامبارح بس دخلتها الوكالة عشان اعمل صيانة العشرين الف .. وبصراحة فوجئت لما لقيتهم بيقولوا لي انت ليه ماجبتهاش للصيانة بتاع الـ 15000 كيلو لاني ماكنتش اعرف ان في صيانة عند الـ 15000 وكمان مش مكتوب في كتيب الضمان الى بيجي مع السيارة ..

المهم انا عايز دلوقتي اعرف هي في ضرر على السيارة لاني ماعملتش صيانة الـ 15000 وخاصة اني مابمشي مسافات طويلة يعني اكبر مسافة مشيتها بالعربية هي من جدة لمكة حوالي 160 كيلو رايح جاي والسرعة مابتزيدش عن 140 ك

شكرا لكم مسبقا

وارجو من الاخوة الرد على استفساري

**rami** · 01-03-2008 09:38 AM

صباح الخير عليكم جميعا

ياريت حد من الاعضاء وخاصة الى عندهم خبرة يردوا علي

شكرا لحسن اهتمامكم

الموضوع: إستفســــار عن وضــع زيت 5000 كم أم 10000 كم لأوبتــــرا 2007

LinkBack

أدوات الموضوع

عرض

-

-

المواضيع المتشابهه

اول صيانة للرينو بعد 5000 ولا 10000

سؤال للناس اللى عدت 5000 و 10000 كيلو ؟

زيت 1000 و 3000و 5000 و 10000

أعمل صيانة ال 5000 ولا اطنش واعمل ال 10000؟؟؟

أيهما أفضل للموتور زيت 5000 ولا 10000 كم

الكلمات الدلالية لهذا الموضوع

المفضلات

المفضلات

ضوابط المشاركة