تانى مصرى يشعل النار فى نفسه. ارجوا من الاداره عدم الحذف

**abo_anas** · 18-01-2011 06:29 PM

المشاركة الأصلية كتبت بواسطة A7MED_PHARMA

يعني تكونوا بتصلوا في مسجد واحد..
وماتعرفوش بعض

هو الدكتور احمد وانا من منطقه واحده بس ماحصليش الشرف بمعرفته الشخصيه .طبعا هو علم من اعلام نايل موتورز وانا عضو جديد.

بس انا عرفت على طول ان dr ahmed نايل هو دكتور احمد جارى بعد ما عملت بحث فى جوجل وشفت صورته فى مقابله اسكندريه.

شوفت بقه يادكتور فارما الدنيا صغيره ازاى

**abo_anas** · 18-01-2011 06:45 PM

وادى كمان واحد ناوى على اللسوعه اهو :

هدد موظف بـ"مـصر للطيران" يدعى محمد عاشور بحرق نفسه أمام نقابة الصحفيين اعتراضا على عدم تنفيذ رئيس قطاع الأمن بمصر للطيران الأحكام القضائية التى حصل عليها عاشور برفع الجزاءات التأديبية عنه.

وقال عاشور ذو الـ53 عاما لـ"اليوم السابع" إنه يشعر بظلم شديد من رئيس الأمن بالشركة "الذى نقله أكثر من مرة من القطاعات التى كان يعمل بها من قبل، حيث تم نقله فى البداية من إدارة المعلومات بدون مبرر للعمل فى قطاع الأمن المكملة ثم أمن المنشآت وأخيرا أمن البضائع.

وأكد عاشور أن نقله للعمل فى أمن البضائع يمثل مشكلة كبيرة وخطيرة بالنسبة له لعدم حصوله على تصريح بالعمل فى هذا القطاع الخطير الذى يتعلق بأمن البضائع والصادرات والواردات قائلا "إن أى مشكلة تقع فى أمن البضائع ممكن ألبس فيها أنا وأشيل الليلة كلها".

وكان عاشور قد توجه اليوم إلى مبنى رئاسة الجمهورية ومعه بنزين لكى يشعل فى نفسه النار إلا أن مدير عام العلاقات العامة برئاسة الجمهورية سمع شكواه وطمأنه بسرعة حلها بعد أن أجرى اتصالا هاتفيا، وبعدها قال مدير العلاقات العامة له "متقلقش إنت آمن فى مصر".

وكان بصحبة عاشور أخوه عصام الذى أكد أنه جاء ينقذ أخاه من قراره بحرق نفسه قائلا "أخويا اتعرض لظلم كبير محدش يستحمله".انتهى

اليوم 7

وبعدين فى الموضوع ده كده المفروض يصرفولنا كل واحد جركن بنزين وعودين كبريت علشان لو العودالاول ماولعش يبقى فى عود احتياطى

**abogogo** · 18-01-2011 07:05 PM

مدام الموضوع ده بيكبر كده ... احنا نيجي في ميدان التحرير مكان موقف الباصات اللى بقالهم 500 سنة محدش عارف هما بيعملوا فيه ايه ونولع نار ضخمة ونلبس قطعة واحد من الملابس طبعا اللى تحت ونحط ريش ونلون وشنا بالالوان وكل واحد يمسك رمح ونفضل نلف حوالين النار ونردد " هونجا بونجا وح وح وح " وكل شوية واحد ينط في النار يولع نفسة لحد لما الحكومة تستجيب لطلبنا وتعمل تغير وزاري يشيلوا فيه وزير البيئة ووزير الصرف الصحي ووزير التكاتك " جمع توك توك " ويجيبوا ناس قلبها على ميدان التحرير

**wesam_salom** · 18-01-2011 07:06 PM

ههههههههههه

خايف بكره الاقى

الى كريم منير القاطن فى نايل موتورز

لو مخليتنيش عضو ماسى اناهولع فى نفسى

الى دكتور احمد

لو موقفتش الراجل اللى بيتمشى فى بروفايلك هولع فى اللى جنبى

الى دكتور احمد فارما

لو مقلعتش النظاره اللى انت لابسها هولع فى الجمل

**ashouhdy** · 18-01-2011 07:31 PM

مقال رائع

ط¥ط¨ط±ط§ظ‡ظٹظ… ط¹ظٹط³ظ‰ ظٹظƒطھط¨: ط§ظ„ط¥ط¬ط§ط¨ط© طھظˆظ†ط³ | ط§ظ„ط¯ط³طھظˆط±

**shaddadfalcon1** · 18-01-2011 08:08 PM

الموضوع شكله هيبقي يومي ويبقي حاجه زي عروس النيل بس بدل ماكانت واحده بتموت غرقانه هيبقي واحد يموت محروق

الموضوع ده بيفكرني بفيلم كتكوت

اكلوني عشان اعرف افرفر

**human** · 18-01-2011 09:31 PM

و طلع مضطرب نفسيا ولا لأ؟

**نور القمر** · 18-01-2011 09:47 PM

ههههههههههههههه مضطرب طبعا
المواطن اللي ربط نفسه في عامود نور النهاردة احتجاجا على اوضاعه المعيشية والوظيفية كان في مكالمة تليفونية على برنامج 90 دقيقة اول جملة قالها انه غير مضطرب نفسيا او عقليا ومفيهوش مشكلة غير انه عمل عملية قلب من فترة

**cayman69300** · 20-01-2011 09:20 PM

المشاركة الأصلية كتبت بواسطة نور القمر

ههههههههههههههه مضطرب طبعا
المواطن اللي ربط نفسه في عامود نور النهاردة احتجاجا على اوضاعه المعيشية والوظيفية كان في مكالمة تليفونية على برنامج 90 دقيقة اول جملة قالها انه غير مضطرب نفسيا او عقليا ومفيهوش مشكلة غير انه عمل عملية قلب من فترة

ما ممكن واحد حلو يطلع و يقعد يقول اصلى اللى ربط نفسة فى العمود كان عامل عملية فى قلبه
و نظرا للعملية دى الدم اللى واصل للمخ بقى قليل
و دة سبب تلف و ضمور جزء كبير اد كفة الايد فى المخ
و من هنا ان الزبون غير مستقر مخيا و بقى بيسقط و يهيس
ههههههههههههههههههههه
عجايب