يا ريت اصحاب الخبرة يسعدونى... ايهما افضل, شقة قبلى شرقى ام قبلى غربى؟؟؟
عرض للطباعة
يا ريت اصحاب الخبرة يسعدونى... ايهما افضل, شقة قبلى شرقى ام قبلى غربى؟؟؟
لو دور مش اخير
خليها قبلي غربي
ولو دور اخير اعتقد مش حتفرق كتير الا حسب العمارات اللي حواليك حتحجز عنك شمس قد ايه
لو ارضي نصحك ب القبلي الشرقي لاعتبارات صحيه
ورينا يبصرك بالخير
وشكرا
وايه وجهة نظرك فى القبلى اصلا
انا رأييى إهتم بالواجهه (اللى الشباك و البلكونات حتبص عليها) و ما يهمكش قبلى و لا بحرى
قبلى و بحرى حتتحل بتكييف مروحه اى حاجه
انما المنظر اللى حتشوفه مش حتقدر تغيره
شكرا يا باشا على الرد السريع... بس ممكن تشرحلى لية القبلى الغربى احسن من القبلى الشرقى؟؟؟ اللى الناس قلهولى ان الشرقى حتدخل فية الشمس من الصبح لحد الساعة 12 اما الغربى فحتدخل فية الشمس من بعد 12 لحد الغروب... و انت عارف ان شمس العصر بتكون حميا جدا بعكس شمس الصباح بتكون هاديا شوية؟؟ فممكن توضحلى اكتر لية القبلى الغربى افضل من وجهة نظرك؟؟؟
اهه زنقتني
بص انا مش عايز افتي اوي بس في الصيف الشمس بتكون درجه ميلها افضل فالشمس مبنكنش متركزه اوي
اتمني اون اوضحت صح
ولو حد من الاخوه يعرف يكمللنا المعلومه اكون شاكر ليه
الراجل ده جاب المفيد القبلى الغربى هوا اكتر مش بيقولك فى النشرة رياح شمالية غربية خفيفة الى معتدلة، لكن لو آخر دور الشمس هتقورك، قبلى شرق وآخر دور والعمارات اللى حواليك حايشةعنك بدرجة ما ممكن تستحمل الشمس بتاعت الصبح،
بس حكاية أرضى تبقى قبلى شرق احسن لاعتبارات صحية دى ما اعرفهاش
الغربي هواه اكتر
اكيد الشقق دي بتاع الرماية
هاتها اي حاجه وابقى ركب تكييف
بس اختار اللي بلكونتها المنظر منها احلى ومتكونش مكشوفه عالجيران
علشان لو حبيت تطلع البلكونه
كذا واحد اكدلى ان الشمس حتكون اهدى شوية فى الشرقى عن الغربى علشان شمس الصباح اهدى من الغروب و مدام قبلى فكدة كدة مش حيدخلها هوا سواء شرقى او غربى... معرفش انتوا لية هنا بتقولوا العكس وانا كدة بجد احترت زيادة!!! و على فكرة هيا الشقة فعلا دور اخير و دة اللى قلقنى من الشمس... مفبش حد يقدر يفدنى اكتر فى الموضوع ده؟؟
ما احنا ما اختلفناش طالما دور أخير يبقى نفس الرأى وبالذات لو اللى حواليك مش هيحوش عنك خليك زى ما قلت قبلى شرقى
من وجهة نظري الشرقي أحسن من الغربي، عيب الدور الأخير إن الشمس بتخلي الشقة عبارة عن فرن بالذات في الصيف، عشان كده أحسنلك تاخدها شرقية عشان الشقة الموجودة جهة الغرب بالنسبة لك تداري عنك الشمس الحامية في الصيف في الفترة من الظهر لحد قرب المغرب لما الشمس تهدى، بس بردو هتلاقي إن الشمس هتسخن لك الشقة أثناء فترة الظهر لأن أشعة الشمس بتكون نازلة بشكل عامودي على سطح الأرض،و هتحس بيها قبل أذان الظهر بساعة لحد بعد أذان الظهر بساعة كمان، عشان كده أنا شايف إن بلاش من الدور الأخير ده أصلاً و لو ما لاقيتش غيره يبقى واجهة شرقية أحسن.
ارجو المساعدة بالنسبة لشراء شقة دور اخير مع الروف ما الافضل واجهة العقار غربي والجانب بحرى ام الواجهة شرقى والجانب بحري ؟