السلام عليكم ورحمه الله وبركاته عندي استفسار بسيط انا معايا لادا 2107 موديل 2004 فوجئت من كام يوم بلمبه عليها علامه تعجب بتنور جمب الولاعه وفوق الكاسيت وبعدين طفت بعد شويه ياتري دي لمبه ايه ارجو الرد للافاده وشكرا
عرض للطباعة
السلام عليكم ورحمه الله وبركاته عندي استفسار بسيط انا معايا لادا 2107 موديل 2004 فوجئت من كام يوم بلمبه عليها علامه تعجب بتنور جمب الولاعه وفوق الكاسيت وبعدين طفت بعد شويه ياتري دي لمبه ايه ارجو الرد للافاده وشكرا
راجع زيت الفرامل تقريبا
بصيت لقيته تمام
غالبا بتبقى لمبة الضباب ملامسة مع ضوء الفرامل
ممكن برده
هي فعلا لمبة زيت الفرامل ودي مرتبطة بالخزنة اللي فيها زيت الباكم بتاع الفرامل وبتبقي فيها عوامة (في الغطا بتاع الخزنة وليها زرار كده لو ضغطت عليه تلاقي اللمبة تنور بس لازم يكون الكونتاكت مفتوح) ساعات بتنور لما نسبة الزيت بتقل أو لما العربية بتميل مع المطبات وكده ساعات بتحصل معايا برضة وأبص علي الزيت ألاقيه مليان وترجع تختفي تاني
لكن لو بتنور علطول والزيت مليان يبقي ممكن بقي يكون الجلدة بتاعة العوامة معلقة أرجو إني أكون أفدتك
في عربيتي موديل 2009 الي عاليمين فوق الولاعة مباشرة مؤشر زيف الفرامل ... هات علبة زيت فرامل دوت 4 في نوع بيتقال عليه الفرنساوي في علبة حمراء الكبيرة بحوالي 12-15 جنيه على حسب المكان الي هتشتري منه
اللمبه دى مؤشر على نقصان زيت الفرامل من الخزان المخصص له يابت تزودها وتشوف حتاخد قد ايه لو اخدت كثير يبقى حضرتك لازم تروح للميكانيكى يكشفلك على دورة الفرامل اما لو قليل يبقى حضرتك تتابعها فترة لو نورت تانى ولو اخدت حبه صغيرة بس لتانى مرة يبقى بردوا لازم تروح للميكانيكى وعلى فكرة مش شرط ان يكون فى تسريب لكن ممكن يكون التيل خلص ولازم يتغير
زيت الفرامل يا باشا
متشكر جدا من كل الناس اللي رديت انتم فعلا ناس محترمه وافدوتني