للي جرب كاوتش نسر و غيرو

**Omar_H** · 18-01-2011 02:12 PM

أنا كنت عايز أسأل الناس اللي جربت الكاوتش النسر وغيرته بعد كده بماركة محترمة ... هل الكاوتش النسر يعتبر ناشف قوي ولما بيتغير بيفرق كتير الماركات التانية خصوصا لو حاجة محترمة زي بريدجستون مثلا ؟؟ الواحد بيحس بفرق في الراحة والصوت والثبات ؟؟
أصل الحج ربنا يخليهولنا بيشجع الصناعة الوطنية وبيركبلنا نسر فالعربيات والصراحة أنا حاسه ناشفففف جداااا زي الخشب مش كاوتش طبيعي أبدا يعني كل كبيرة وصغيرة فالطريق بيحسسني بيها و ده مش من العفشة لأ ده باين قوي إنه نشفان كاوتش بحس فعلا إنه كاوتش عجلة حربية من بتوع زمان الخشب دول
فـعشان كده قلت أسأل الناس المجربة هنا عشان يمكن الاقي كلمتين اوريهم للحاج فـيقتنع يغيروا عشان أنا بحاول اقنع فيه بقالي سنين وهو ابدا حبيبه النسر ده ويقولي إنه عمره ماعمل معاه موقف مش ظريف وهو الصراحة معاه حق فالحتة دي الكاوتش نادرا مابيفسي والحمد لله عمره ما فرقع ربنا بيستر يعني الحمد لله بس طبعا أنا برده باقعد أشتمله فيه إنما مش جايب نتيجة

فـيا ريت الناس تشارك كده وتقول رأيها في الكاوتش النسر بس عن تجربة مش أي كلام وخلاص

**Ashraf_Ibrahim** · 18-01-2011 11:35 PM

انا عربيتي جاية بكاوتش نسر -بتاع الفبريكة- فيرنا 2010
حاليا عامل عليه 16500 كم
في الحقيقة ككاوتش معقول
ناشف طبعا دي مفيهاش كلام واحساسك بخشونة الطريق والمطبات عالي زيادة عن اللزوم
ناهيك عن ان الثبات بتاعه سيء جدا ولو على سرعة بيزحف معاك في الفرامل مبيقدرش يثبت معاك على الطريق كويس ودي حاجة مش كويسة اطلاقا
انا عن نفسي هصبر عليه شوية واغير بريدجستون ان شاء الله عشان اريح دماغي واريح نفسي من وش الطريق
يا راجل دانا حتى وانا قاف الازاز ومشغل التكييف بتاع العربية ببقا سامع صوت وش الطريق ودبدبة الكاوتش على الطريق -الأسفلت كمان مش المطبات -

**x_gomgom** · 19-01-2011 12:03 AM

انا هرد بس رد واحد و الله مش عشان تهويل او بعمل فرقعه....
عربيتي القديمه اللي هي اصلا عربيه الوالد(بولونيز 1990) كان الفابريكه بتاعها نسر تعرف قعد كام كيلو (مع رغم كرهي الشديد له)....
80 الف و غيرت انا الطقم لاني زهقت من شكله مش عشان حاجه تانيه!!!!!!
بس فرده زلط انا اخدت مطب بيها الجنط اتكسر و الفرده طلعت سليمه!!!!!
لا انصح به اطلاقاً لاي عربيه حديثه هيبهدل العافشه....
يا رب اكون افدت

**Omar_H** · 19-01-2011 12:11 AM

المشاركة الأصلية كتبت بواسطة x_gomgom

انا هرد بس رد واحد و الله مش عشان تهويل او بعمل فرقعه....
عربيتي القديمه اللي هي اصلا عربيه الوالد(بولونيز 1990) كان الفابريكه بتاعها نسر تعرف قعد كام كيلو (مع رغم كرهي الشديد له)....
80 الف و غيرت انا الطقم لاني زهقت من شكله مش عشان حاجه تانيه!!!!!!
بس فرده زلط انا اخدت مطب بيها الجنط اتكسر و الفرده طلعت سليمه!!!!!
لا انصح به اطلاقاً لاي عربيه حديثه هيبهدل العافشه....
يا رب اكون افدت

هو الصراحة عليهم أشكال غريبة بجد تحسها ولا العربية النقل ولا المتوسيكل الجاوا مع إن المفروض إن نقشات دي ليها معنى ولازمة مش حاجة منظر وخلاص وأكيد ماحدش يقنعني إن نسر بقى اخترعوا النقشات الجبارة بتاعتهم اللي بتدي ثبات فـتحسهم بيرزعو أي شكل عالعجلة وخلاص

وده والله زي ما قلت فوق العفشة عندي بـتصعب عليَّ ملي بيحصل فيها منه

وألف شكر يا باشا عالإهتمام

**M.Osman** · 19-01-2011 01:13 AM

يدوبك عليه سواقة هادية داخل المدن و هيكون مش مريح برضه
لكن طريق سريع لأ لأ لأ

بس اهم حاجة متروحش تركب بريدجستون ناشف :)

**Omar_H** · 19-01-2011 01:20 AM

يعني إيه متروحش تركب بريدجستون ناشف ؟؟ d:

**M.Osman** · 19-01-2011 01:27 AM

المشاركة الأصلية كتبت بواسطة ohw27

يعني إيه متروحش تركب بريدجستون ناشف ؟؟ d:

bridgestone potenza دا كاتوش ناشف للأداء الرياضي (مركبه عندي للأسف)

اما turanza انعم و صوته اهدى...

فيه انواع تانية بس مش فاكرها...

الفكرة ان معظم الماركات المحترمة في منها الناشف الرياضي وفي الطري .. :)

**Omar_H** · 19-01-2011 01:40 AM

المشاركة الأصلية كتبت بواسطة M.Osman

bridgestone potenza دا كاتوش ناشف للأداء الرياضي (مركبه عندي للأسف)

اما turanza انعم و صوته اهدى...

فيه انواع تانية بس مش فاكرها...

الفكرة ان معظم الماركات المحترمة في منها الناشف الرياضي وفي الطري .. :)

آه ماشي شكرا عالمعلومة يا باشا ولو ركبت هركب ال turenza إن شاء الله بس هو الحاج يحن علينا بس ويغيروا أصلا

**AkramArafa** · 19-01-2011 09:28 AM

المشاركة الأصلية كتبت بواسطة m.osman

bridgestone potenza دا كاتوش ناشف للأداء الرياضي (مركبه عندي للأسف)

اما turanza انعم و صوته اهدى...

فيه انواع تانية بس مش فاكرها...

الفكرة ان معظم الماركات المحترمة في منها الناشف الرياضي وفي الطري .. :)

عشان كنده النسر عملاه ناشف عشان يرضي متطلبات الشعب الرياضيه
و انا من هنا بقول ان النسر كاوتش رياضي عشان ناشف ونشفانه ده علي حسب دراسه متطوره عن دراسات بردج ستون