الموضوع: الستيكر اللي عامل زي الكربون فايبر

ألف شكر يا باشا وعايزين لو حد يعرف بيتباع فين يقولنا يا جماعة ولو حد يعرف سعر أقل من كده برده يقول

المشاركة الأصلية كتبت بواسطة a7med_pharma

بيركب في الصالون

شوف الصورة دي

هو ده شكله جامد قوي بس أنا حاسه ده مش ستيكر أصل حاسه بيلمع قوي والستيكر متهيألي بيبقى مطفي ولا إيه ؟؟ هو أنا نفسي يكون فيه ستيكر بيلمع يا ريت لو حد يعرف هو بيلمع ولا بـيبقى مطفي يقول

اولا بيكون شكلوا حلو اوى
ثانيا ممنوع فى المرور يعتبر ملصقات
ثالثا بيتباع فى احمد سعيد
رابعا غالى فى احمد سعيد , انزل التوفقيقة هتلاقيه مرمى هناك
رابعا ليه اسلوب معين فى التركيب لازم هواء سخن وواحد بيفهم يركبوا علشان ما يكنش بايظ

ألف شكر يا باشا وبنسبة لممنوع أنا عايز الزقو على اجزاء من التابلوه جوه مش بره و شكرا للمعلومة الواحد أما ينزل التوفيقية بقى يبقى يشوفو إن شاء الله

انا جايب متر و نص مربع
ب 45 جنيه من التوفيقيه
و مجلد بيه التابلوه عندى( و فايض منى كمان )
و هو بيتحسب بالمتر الربمع
لان العرض ببيبقى حوالى 122 او 124 سنتى
فى الطول اللى انت عايزه
و بيتلزق على اى حاجه
بس او حاجه فيها كرفات
بيبقى رخم شويه

شكرا عالمشاركة يا باشا بس كنت عايز أسألك إنت لزقته بنفسك ولا الراجل هو اللي عملهولك ؟؟ وانا بنسبلي أصْلي الحتة اللي عايز الزقو فيها هي آه عبارة عن كيرف كبير شوية