عرض للطباعة
السلام عليكم شباب المنتدى
ندخل فى الموضوع :
باختصار انا قدامى بيجو 305 موديل 82 و العربيه دى تخلص ب 7000 جنيه
ايه رأيكوا ا اخدها و لا بلااااااااااااااش ..........
و لو اخدتها بحكم ان فلوسها كلام فاضى و اكيد هتكون محتاجه شده جامده من الاف الى الياء
ايه رأى الرجاله منتظر الرد بارك الله الله فيكم
بص يا سيدي
اشرحلنا بالتفصيل حالتها و احنا نجاوبك
علشان ممكن تكون مثلا محتاجه حاجات مهمه وواقعه يبقي 7000 كتير عليها
و ممكن تكون محتاجه شويه تظبيط بالكتير يعمله 3000 تبقي كلها زاقفه عليك ب 10 يبقي كويسه
فانت لازم تشرحلنا هيا محتاجه ايه
بس نصيحه مني كاخ البيجو 305 عربيه ممتازة ما شاء الله
و موديل 82 بيركب عليه موتور ال 405 ( بس بردو اتاكد )
يعني ليه مميزات كتير
و استخير قبل اي شيء
مشكوووووووووووووور يا باشا و الله يبارلك
انا قريب هروح اشوفها و ممكن اصورها و ارفع صورها و هقل لحضرتك على اللى شوفته فيها بالظبط
اشكرك جدا
اقتباس:
المشاركة الأصلية كتبت بواسطة abofarah
يا ريت و خلي بالك من اللي هقولهولك
اعرفلي العربيه دي فبريكه جوه و لا لا ؟
و كمان الموتور اللي فيها اتعمل عمره قبل كده كام مره ؟ و اخؤهم امتي
و اعرفلي حاله الموتور دلوقتي ايه
كمان العفشه
و جربلي الكبالن بتاعتها اخبارها ايه
يعني خد كده ملف بيها
و يا ريت لو تصورهالي من بره و من جوه و التابلوه كمان و الصالون
و بجد لو حالتها مقبوله تبقي حاجه روعه و حلال عليك ان شاء الله
بس سؤال معلش
انت هتشتريها من حد ثقه و معرفه و لا اعلان
اقتباس:
المشاركة الأصلية كتبت بواسطة medo84eg
المشكلة لو محتاجة موتور ده بيعمل 4000 لواحده يعنى بص لو انت بتفهم فى شد العربيات شوفها لو العربية فيها شغل شغل وانت مالكش فى الموضوع او مش فاضى هات واحدة حالتها حلوة واشترى راحتك
7 الاف مش فلوس
بس تكون عفشتها وموتورها سليم بسسسسسسسس
اقتباس:
المشاركة الأصلية كتبت بواسطة a7med_pharma
+++++++++++++++++++1
و كمان لازم الدواخل تعرف اخبارها ايه
اهم شيء الدواخل
لو حالتها واقعه خالص ودواخلها سليمة حاول تفاصل حبتين وخدها وشدها (عن فهم ودرايه والا هاتلبس) ومش هاتندم في الاخر هي احسن من 128 مع انها فئتها اعلى بس دا رنج الفلوس دي دا كمان مافيش 128 ب 7 الاف وربنا يوفقك
بس هي تقيلة في بيعها مع انها عربية محترمة جدا وقويه
عشره علي عشرهاقتباس:
المشاركة الأصلية كتبت بواسطة mbx4e
الاخ المحترم جاب الخلاصه و بجد معتقدش ممكن كلمه تتقال بعده
الف شكر للعضو المحترم
و يا ريت تكشف عليها و طمنا
و احنا هنا كلنا اخواتك