وبعد حيرة كبيرة اخترت Sony xplod ياريت رأيكم النهائي قبل ماتوكل على الله واشتري

السلام عليكم ورحمة الله وبركاته

بعد حيرة كبيرة في الموضوع التالي

يا جماعة عايز اجيب كاست CD Double ومحتار ! !

اقتنعت بوجهة النظر اللى بتقول << اللى يخليني ادفع 600 في حاجة مش قد كدة ازود عليهم 200-300 جنيه واشتري حاجة نضيفة تعيش معايا

بعد لف كتير في محالات كتير والسؤال هنا وهنا

اخترت الجهاز ده

Sony WX-GT77UI

صور الجهاز

http://1.bp.blogspot.com/_LJqw5Xz5qt..._WXGT77UI.JPEG

صفحته من الموقع الرسمي

http://www.sonystyle.com/webapp/wcs/...52921665801112

الجهاز سألت عليه في اكتر من مكان وارخص سعر لقيته 950 جنيه بس كلمت واحد هخلص معاه فيه على 900 مع التركيب ان شاء الله

بس سرشت على الجهاز هنا في المنتدى لقيت في ناس بتقول ان السوني فيه عيب انه بيطلع الصوت مكتوم ! ! فهل الكلام ده صح ؟ ؟

وايه رايكم الجهاز يستاهل السعر ده ؟ ولا فيه اجهزة افضل في نفس الرنج ده ؟ ؟

مع ان صاحب المحل سالته وقال ان الجهاز فيه USB بس في الصورة هنا مش باين مكانها خالص ؟ ؟ ؟ ؟

مستني رايكم لان نويت عليه ان شاء الله

الف مبروك مقدما
و انا عن نفسى بحب الجهاز ده جدا و كنت شفت كذا فيديو على اليوتيوب و ناس موصله عليه عدد و بتشكر فيه
موضوع ال USB هو بكابل من دهر الكاسيت مش قتحه فى الوش
و اعتقد فعلا انه ارخص حاجه فى الدبل الحلو
و ممكن تشوف الفيديو ده review على الكاسيت
YouTube - Sonic Electronix Video Contest Entry 2 (SONY WX-GT77UI Review)

ال usb بيبقى تقريبا كابل بتوصله فى الكاسيت من وراء وبيطلع بزى فيشة تحط فيها الفلاشة...

ومبروك عليك مقدما..

تعديل:: بيتل سبق..
:)

الله يباركم فيكم

والكبل ده بيجي مع الكاست ولا هشتريه ؟ وهل لو حبيت مستقبلا اركب جي ام وصب الكاست هيقومهم بدون مشاكل ؟ ولا هحتاج اغير حاجة معينة ؟

معلش يا جماعة استحملوني استفسار اخير

بالنسبة للناس اللى بتشكك في ال Sound quality بتاع اجهزة السوني ؟ ؟

لقيت ردود كتير في المنتدى بتقول ان الصوت ردئ ومش زي البايونير

الكلام ده صح ؟ ؟

sony xplod كماركة او نوعية ممتازة جدا طبعا انا اللي عندي مش نفس اللي حضرتك هتشتريه بس صوته رائع و مش مكتوم و لا حاجة ابدا انا مش عارف يعني ايه مكتوم اصلا لانه طالما فيه الايكولايزر انت بتظبته براحتك

الكابل ممكن يكون بيجى مع الكاسيت
و الكاسيت ان شاءاله مش هايقول معاك لا فى اى حاجه
لانه 3 خرج rca
يعنى يوصل عليه 3 جى ام
بالنسبه لنقاء الصوت فهو كويس جدا
انا سمعت سونى بس مش الموديل ده و كان كويس جدا كمان
و كان كذا حد هنا برضه شكر فى سونى
الاختلاف فى المنتدى هنا
على السماعات السونى البيضاوى :)
و مبروك عليك مقدما :)

تعديل >> الكابل بيجى مع الكاسيت لانه بيبقى خارج منه
و بيتوصل عليه فلاشه او اى بود
و دى شويه صور ليه عن قرب
و تبين اللى بقولوه
http://www.sonicelectronix.com/pictu...&picture_id=-1

جميل ربنا يباركلك فية بس ياترا بيقراء فولدرات ولا لا لحسن الموضوع دة مهم اوي.

طبعا بيقرا الفولدرات بس عيبه الوحيد موضوع الفلاشه بسلك دى ميزه و عيب فى نفس الوقت عيب انه شكله قبيح السلك اللى طالع من ورا لغاية قدام عايز يستخبى فى الدرج او اى حاجه تانى حاجه ميزه انه لو باظ مدخل اليو اس بى سهل تغير الكابل بسهوله اوى

الله يبارك فيكم كلكم فعلا موضوع سلك ال usb ده مش عارف هيطلع من التبلو ازاي ؟ ؟ ؟

عموما انا دفعت العربون وبكرة التركيب ان شاء الله

بمجرد اركب هرجعلكم برأيي ان شاء الله

تعبتكم معايا

وهل فيه بلوتوث ولا لا؟؟؟

لاء يا باشا مافيهوش بلوتوث ومن وجهة نظري البلوتوث مش الحاجة الضرورية اللى ممكن الموضوع يتوقف عليها << مجرد وجهة نظري الشخصية

الحمد لله ركبت الكاست النهارده الظهر

وبصراحة الصوت ولا احلى وشغال 10/10 على السماعات الفبريكة ومافتكرش اني محتاج اغير السماعات او اركب gm على الاقل في الوقت الحالي

بس فيه نقطة ان الكاسيت ماكنش جاي على المقاس بالظبط فمكان التبلو اوسع حجات بسيطة وقالي الراجل اني محتاج جوانب

وهي عبارة عن قطع بلاسيتك عشان تخلي الكاسيت مظبوط على مكان التبلو قلتله مافيش مشكلة هات الجوانب بكام ياعم

قالي 80 جنيه ! ! معقول حتة بلاسيتك ب 80 جنيه ؟ هل هو ده سعرها ولا عايز يعمل عليا مصلحة ؟ لان بصراحة قلتله خليها بعدين وبفكر انزل اسأل في وسط البلد لان مافتكرش ان حتة البلاستيك دي هي اللى هيكون سعرها 80 جنيه

ممكن عشان لقاك محتاجها بس و ساعتها كده
حب يطلع مصلحه
بس انا معرفش سعرها كام بصراحه

طيب بقولك ايه ماتصورلنا فيديون كده و تورينا اوبشن الكاسيت على الطبيعه
و سمعنا الصوت و كده

و الـــــــــــــــــــــــ ــــــــــف مبـــــــــــــــــــــــ ــــــــــــروك يـــا زعـــــــــــــــــيم :)

وهل فيه بلوتوث ولا لا؟؟؟

بعد اذن صاحب الموضوع هى السماعات السونى التايلاندى اللى كانت بتنزل زمان حلوه؟ll

اقتباس:

---

المشاركة الأصلية كتبت بواسطة dramir1

وهل فيه بلوتوث ولا لا؟؟؟

---

لاء يا باشا مافيهوش بلوتوث

اقتباس:

---

المشاركة الأصلية كتبت بواسطة beetleMOSH

ممكن عشان لقاك محتاجها بس و ساعتها كده
حب يطلع مصلحه
بس انا معرفش سعرها كام بصراحه

طيب بقولك ايه ماتصورلنا فيديون كده و تورينا اوبشن الكاسيت على الطبيعه
و سمعنا الصوت و كده

و الـــــــــــــــــــــــ ــــــــــف مبـــــــــــــــــــــــ ــــــــــــروك يـــا زعـــــــــــــــــيم :)

---

الله يبارك فيك يا معلم وانا برضوا حاسس انه حب يطلع مصلحة عموما انا هبقا اسال عليها في اكتر من مكان تاني

واتفضل ده فيديو صورته للكاسيت بس طبعا زي مانت عارف كاميرت الموبايل مش هتبين جودة الصوت

الفيديو اول ماصورته كان حجمه 180 MG فقللت الجودة على قد ماقدر عشان اقدر ارفعه

اتفضل
YouTube - sony xplod Sony WX-GT77UI in toyota yaris

التهنيجة اللى في الاخر دي من الاسطوانة لانها عندي بقالها كتير جدا وحالها مدمرة

عموما انا في اول الفيديو حبيت اعمل زي عرض للاوبشن بتاعه وفي الاخر حطيت اسطوانة هوسات عشان اختبار الصوت والبيز

مستني رايك يا زعيم

اقتباس:

---

المشاركة الأصلية كتبت بواسطة dramir1

وهل فيه بلوتوث ولا لا؟؟؟

---

لا يا باشا مافيهوش بلوتوث

اقتباس:

---

المشاركة الأصلية كتبت بواسطة _Ahmed_casper_

بعد اذن صاحب الموضوع هى السماعات السونى التايلاندى اللى كانت بتنزل زمان حلوه؟ll

---

خد راحتك يا باشا الموضوع موضوعك

وللاسف معنديش خلفية عن السماعات اللى بتتكلم عليها ان شاء الله اصحاب الخبرة مايقصروش معاك

شكرا على ردك يا كبير و ياريت حد مجربها يقولى . هيا عاجبانى بس يمكن علشان انا مش متخصص اوى فاممكن تكون عاديه او تعبانه

بسم الله ما شاء الله بجد
الكاسيت جمبل جدا جدا جدا
و الصوت كمان كويس ( على حسب ما باين فى الفيديو )
بصراحه انت حمستنى انى اجيب واحد d:
لانى عايز اشترى كاسيت و طبعا انا كنت مع بايونيير مدى الحياه
بس شكلى كده هاجرب السونى ده
لانه فيه اوبشن حلو كمان
كان ناقصه بس يبقى على الاقل 5 باند ايكولايزر مش 3
لو كان 7 كان هايبقى تحفه بجد
بس كده جميل جدا جدا جدا
و ربنا يباركلك فيه :)
الخطه الجايه بقى غير سماعات الفابريكه
بسماعات تانيه سواء سونى او بايونيير او كينوود
و انت هاتسمع اداء تانى برضه مختلف عن سماعات الفابريكه
و الف الف الف مبروك :)

الف الف مبروووك يا باشا
ما شاء الله الكاسيت تحفة والصوت حلو

بس سؤال صغير هوا لون نور الجهاز اخضر ولا ازرق عشان لو اخضر يبقى زي الفل عشان انا عندي لون التابلوه اخضر فلو كده يبقى ان شاء الله ممكن اشوف الكاسيت خصوصا ان سوني عاملة عروض تقسيط على السماعات والكاسيت

اقتباس:

---

المشاركة الأصلية كتبت بواسطة _ahmed_casper_

شكرا على ردك يا كبير و ياريت حد مجربها يقولى . هيا عاجبانى بس يمكن علشان انا مش متخصص اوى فاممكن تكون عاديه او تعبانه

---

الله يخليك على ايه بس

ان شاء الله اللى جرب السماعات يرد عليك او حاول انك تكتب موضوع جديد في قسم الصوتيات عشان اللى جرب السماعات يبلغك علطول

اقتباس:

---

المشاركة الأصلية كتبت بواسطة beetlemosh

بسم الله ما شاء الله بجد
الكاسيت جمبل جدا جدا جدا
و الصوت كمان كويس ( على حسب ما باين فى الفيديو )
بصراحه انت حمستنى انى اجيب واحد d:
لانى عايز اشترى كاسيت و طبعا انا كنت مع بايونيير مدى الحياه
بس شكلى كده هاجرب السونى ده
لانه فيه اوبشن حلو كمان
كان ناقصه بس يبقى على الاقل 5 باند ايكولايزر مش 3
لو كان 7 كان هايبقى تحفه بجد
بس كده جميل جدا جدا جدا
و ربنا يباركلك فيه :)
الخطه الجايه بقى غير سماعات الفابريكه
بسماعات تانيه سواء سونى او بايونيير او كينوود
و انت هاتسمع اداء تانى برضه مختلف عن سماعات الفابريكه
و الف الف الف مبروك :)

---

الله يبارك فيك هو الكاست الاوبشن بتاعه حلو ومش خسارة فيه الباكو

وصوته جميل حتى مع السماعات الفبريكة

ناقصه بس صب يظبطلنا البيز ويبقى عشرة على عشرة

بس مافهمتش قصدك ايه ب 5 او 7 بند ايكوليزر ؟ ؟

اقتباس:

---

المشاركة الأصلية كتبت بواسطة mr.aboody

الف الف مبروووك يا باشا
ما شاء الله الكاسيت تحفة والصوت حلو

بس سؤال صغير هوا لون نور الجهاز اخضر ولا ازرق عشان لو اخضر يبقى زي الفل عشان انا عندي لون التابلوه اخضر فلو كده يبقى ان شاء الله ممكن اشوف الكاسيت خصوصا ان سوني عاملة عروض تقسيط على السماعات والكاسيت

---

الله يبارك فيك

لو تلاحظ في الفيديو هتلاقي النورين موجودين في الجهاز وانت بتختار اما اللون الازرق او اللون الاخضر

يعني الاتنين موجودين وانت بتختار من الاوبشن بتاع الجهاز

انا اخترت اللون الاخضر عشان يبقى ماشي مع نور التبلوه عندي

اقتباس:

---

المشاركة الأصلية كتبت بواسطة ahmod

الله يبارك فيك

لو تلاحظ في الفيديو هتلاقي النورين موجودين في الجهاز وانت بتختار اما اللون الازرق او اللون الاخضر

يعني الاتنين موجودين وانت بتختار من الاوبشن بتاع الجهاز

انا اخترت اللون الاخضر عشان يبقى ماشي مع نور التبلوه عندي

---

تشكر يا باشا على الرد وان شاء الله انا نويت على الكاسيت

بالنيابه عن ahmod

النور حضرتك بتتحكم فيه
يا ازرق يا اخضر

اقتباس:

---

المشاركة الأصلية كتبت بواسطة beetleMOSH

بالنيابه عن ahmod

النور حضرتك بتتحكم فيه
يا ازرق يا اخضر

---

يا باشا الموضوع موضوعك :verygood:

بس ماقلتليش تقصد ايه على ال 3 , 5 , 7 بند ايكوليزر ؟ ؟ :beated:

اقتباس:

---

المشاركة الأصلية كتبت بواسطة Mr.Aboody

تشكر يا باشا على الرد وان شاء الله انا نويت على الكاسيت

---

ربنا يوفقك

الكاست انا جبتو من شارع فيصل - المطبعة

عمل 900 جنيه مع التركيب لو تحب نروح للراجل اللى اشتريت منه لاني لسه عايز اشتري منه جوانب بالمرة يظبطني في سعر الجوانب ونحاول نقلل في سعر الكاست ماعنديش مشكلة

او لو تحب تسأل برة في التوفيقية او في العتبة لان واحد صحبي قالي لو كنت جبته من هناك كان هيبقا اقل شوية في السعر لان التوفيقية بيبعو بسعر الجملة ! ! فممكن تسأل برضوا عشان تتأكد

وابقى طمني عملت ايه

معلش يا كبير مخدتش بالى من المشاركه بتاعتك
انا قصدى ان انت عندك
باند للبيز و لصوت المطرب و التربل
ده كده 3 باند ايكولايزر
لو 5 بيقى 2 بييز و واحد مطرب و 2 تربل
لو 7
بيبقى 3 بييز و واحد مطرب و 3 تربل
و دى بتديك تحكم اكتر فى تنغيم الصوت
بس كده

اقتباس:

---

المشاركة الأصلية كتبت بواسطة beetlemosh

معلش يا كبير مخدتش بالى من المشاركه بتاعتك
انا قصدى ان انت عندك
باند للبيز و لصوت المطرب و التربل
ده كده 3 باند ايكولايزر
لو 5 بيقى 2 بييز و واحد مطرب و 2 تربل
لو 7
بيبقى 3 بييز و واحد مطرب و 3 تربل
و دى بتديك تحكم اكتر فى تنغيم الصوت
بس كده

---

ولا يهمك يا معلم

تسلم على التوضيح ياباشا

lما شاء الله جبااااااااار يا باشا
الف مبروك وعقبال السماعات والصب وتكمل الوحده هههههه

اقتباس:

---

المشاركة الأصلية كتبت بواسطة mr.aboody

الف الف مبروووك يا باشا
ما شاء الله الكاسيت تحفة والصوت حلو

بس سؤال صغير هوا لون نور الجهاز اخضر ولا ازرق عشان لو اخضر يبقى زي الفل عشان انا عندي لون التابلوه اخضر فلو كده يبقى ان شاء الله ممكن اشوف الكاسيت خصوصا ان سوني عاملة عروض تقسيط على السماعات والكاسيت

---

يا ترى فين الاماكن اللى بتبيع سونى تقسيط ؟ لو كده ممكن نبئى نروح مع بعض ان شاء الله .

يا ريت يا جماعه حد يعرفنى ايه لزمة البلوتوث فى الكاسيت ؟ يعنى مثلا ممكن ابعت للكاسيت اغانى من الموبيل وللا ايه يعنى ؟

كل فروع بى تك بتبيع حاجات سونى و يتقسط كمان
و فى روكيت كمان فى روكسى
لو انت من سكان مصر الجديده
و البلوتوث فايدته الوحده استقبال المكالمات على سماعات العربيه ( و من وجهه نظرى مالهاش اى لزمه )
و ان شاء الله نروح و نجيب مع بعض يا باشا
بس انان ممكن ساعتها ابيعك و اجيب موديل تتتانى لانى لسه مش مستقر على حاجه d:

على فكرة ممكن تستقبل المكالمات على سماعات العربية لو موصل الموبايل بوصلة ال aux وجربتها كتير وبتبقا ممتازة

فروع بي تك انا عديت عليهم بصراحة الانواع اللى هناك غالية جدا ! ! بتعدي الاف وفيه بالفين

وماكنش فيه الا العادي \\ الدبل ماكنش موجود !

انا سألت في فرع بي تك اللى في نصر الدين (اخر شارع الهرم) مش عارف اذا كان كل الفروع نفس النظام ولا لاء

هو فعلا فى حاجه مش مظبوطه لان توكيل سونى بيبع اغلى من الناس بره
او الناس بره هى اللى بتبيع اقل من سونى
مش عارف ليه فرق الاسعار دى
اقل واجب بيبقى 50 70 جنيه