إحترســـوا من الشـــراء من توكيــــل شيفروليــه (منصـــــور)

هذه قصتى مع منصور شيفورليه والأفيو خاصته
- قمت بالحجز يوم 17/11/2007 من توكيل منصور شيفورليه
نفسه ودفعت 1000جنيه مقدم حجزمع وعد بالتسليم قبل
31/12/2007
- يوم 8/1/2008 أتصل مندوب الشركة حتى أقوم بسداد باقى
المبلغ وقدره 73000جنيه علشان هما محترمين ومش
يزودوا فى سعر السيارة لأنى حاجز على السعر القديم
- وبالفعل قمت بالتصرف سريعا وقمت بسداد ال73000جنيه
المتبقيه فى 16/1/2008
مما تسبب لى فى خسارة ما بين 6000إلى 7000جنيه
- بالفعل قمت بسداد باقى المبلغ على أساس أنى سأستلم خلال
يومين
- خسرت ما يقرب من سعر السيارة إتصالات بالمندوب والمركز
الرئيسى بالقاهرة وفرع الكيلو 28
وكلها ردود محترمة لم يعطينى أى مسئول منهم ميعاد
للأستلام بل قالوا أنه على الأنتظار وحسب ولما سألت إلى
متى؟؟؟؟ فكان الرد لا نعلم !!!!
حسيت منها كأنى أستثمرت فلوسى فى الريان
** وحتى ساعته لم يتم أى شئ علما بأنى طلبت فلوسى
فأغلقوا الموبيلات ولازلت فى الأنتظار السيارة أو
ال74000جنيه التى قمت بسدادها .

متسكوتش انا رضيت عليك فى

http://www.nilemotors.net/Nile/showp...91&postcount=6

http://www.nilemotors.net/Nile/showt...791#post161791

عليك وعلى حماية المستهلك

هما دلوقتي مشمرين لبتوع التوكيلات.. وإن شاء الله ربنا يصلح حالك يا باشا

وياريت تتابعنا بالأخبار إذا سمحت


===========

أرجوا الإلتزام بقواعد المنتدى بخصوص الكتابة باللون الأحمر حيث أن الأحمر مقتصر على الإدارة لسهولة التمييز للأعضاء و شكرا

إدارة المنتدى 3

انتا بتتكلم بجد ؟؟؟؟؟
دا أنا لو باشتري (عجلة) بخمسمائة جنيه و أخروها عليا شهر !!!!
دا انا كنت قلبت عليهم الدنيا
روح الفرع الرئيسى و حماية المستهلك و اعمل محضر كمان لو ممكن (و ايه حكاية على وعد بالتسليم) دي ؟؟؟ انت بتشتري حشيش ؟؟؟ المفروض يكون في بند في ايصال الحجز فيه أقصى موعد للتسليم ...
ما تسكتش علشان الناس دول لازم يعرفوا انهم بيعاملوا بني ادمين مش حاجة تانية
و حضرتك client يعني أهم واحد في الشركة
لو سمحت تاني مرة

(((ماتسكتش)))

I Recommend You To Contact With The Head Office Through E-mail And They Will Press Them To Give You Ur Car ....the Same Story Occured With My Friend And He Wrote A Complain And Then They Delivered Him The Car

Look For Their Official Website And Wrote A Complain And Submit It
Good Luck

أولا : ألف شكر على كل من ساهم بالنصيحة
ثانيا : لست سلبيا أو دسيسة ولا أكن لك أى ضغينة بالعكس أعلم أنها ثورة من اللى حكيته أنا
ولكن هذا بأختصار ولم أذكر الكثير من المواجهات وللعلم أتصلت أكثر من مرة بجهاز حماية المستهلك لهم رقم مختصروهو
(19588) لا يعمل ورقم سويتش وهو (0235380380) ورقم رئيس الجهاز وهو (0235380381) جلست أتصل بهم يوم كامل دائما مشغولين وعلى فكرة الرابط الذى وضعته لى فى مشاركتك لا يعمل
وللعلم كنت فى طريقى لعمل محضر بقسم الشرطة ولكنهم قالوا أنه سيستغرق الكثير من الوقت والأجراءات.
- ولقد توجهت اليوم لفرع الشركة لسحب فلوسى من فرع سان أستيفانو وهو الفرع الذى قمت بسداد
المبلغين فيه فأجابوا بضرورة التوجه لفرع الشركة بالعامرية لأستردادها لأنهم فرع إيداع فقط
فقمت بالأتصال بالمندوب المكلف بالتعامل معى والذى أكد بضرورة التوجه إلى الفرع الرئيسى
بالعامرية ليتم صرف المبلغ لى وأعلمته أننى سأتوجه باكرا حيث لن أتمكن من اللحاق بموعد الخزينة
- قام أحد الأصدقاء المقربين بنصحى بالتروى وقام بالأتصال بمدير عام المبيعات بالقاهرة والذى أخبره بما يشبه التأكيد بأنهم يقومون بعمل حصر لكل من قام بالسداد وعمل قائمة بالأسماء وألوان السيارات المطلوبة لتوجيهها ألى المصنع لتحديد ميعاد للتسليم وحدد أن يوم الخميس القادم سيتم الأتصال بجميع العملاء الذين قاموا بالسداد لتحديد مواعيد التسليم حسب أولوية السداد.
المشكلة أننى حائرا الأن بين أن أذهب غدا لأستعادة فلوسى أو أن أنتظر ليوم الخميس كما نصحنى البعض

أرجوا صدق النصيحة

اقتباس:

---

المشاركة الأصلية كتبت بواسطة ayman2008

I Recommend You To Contact With The Head Office Through E-mail And They Will Press Them To Give You Ur Car ....the Same Story Occured With My Friend And He Wrote A Complain And Then They Delivered Him The Car

Look For Their Official Website And Wrote A Complain And Submit It
Good Luck

---

ألف شكر على أهتمامك ولقد قمت بمراسلتهم بالفعل بالأمس على الأميل ولكن لم يصلنى أى رد

انت عايز العربية ولا خلاص اتقرفت منها ؟؟؟؟
لو انت عايزها استنى ماتاخود فلوسك لحد الخميس
بس برض من باب الاحتياط لازم برضه تبلغ عن التأخير في الشرطة (ده مجرد محضر هايخودلوا ساعتين ولا حاجة- معلش استحمل) .
و حاول تاني مع حماية المستهلك
لأنك زي ما بتقول يوم الخميس (سيتم تحديد ميعاد التسليم) يعني ممكن يديلك ميعاد مخدر تاني أو ميعاد صادق و ممكن يكون بعيد ...

أما لو خلاص مش عايز العربية يبقى تروح تاخد فلوسك

اقتباس:

---

المشاركة الأصلية كتبت بواسطة attos

ألف شكر على أهتمامك ولقد قمت بمراسلتهم بالفعل بالأمس على الأميل ولكن لم يصلنى أى رد

---

في رأي الشخصي انك تسحب فلوسك اضمن .. ولما تلاقيها واقفة في معرض او جاهزة للاستلام الفوري ... يبقى ادفعهم تاني

مش عايز اتسرع اقولك سيبك من السيارة خالص .. بس يعني حضرتك ازاي ترضى تدفع مبلغ السيارة " كـــاملا ! " بدون متستلم ؟؟

انا توكيل فيات الي بقول فيهم العجب .. حجزت ب 1000 جنيه بعد اسبوع السيارة وصلت رحت عاينتها حتة حتة ! و فكرت عليها و ختملي كتاب الضمان باسمي .. اديته شيك بباقي المبلغ !

اقتباس:

---

المشاركة الأصلية كتبت بواسطة Ahmed Samy

انت عايز العربية ولا خلاص اتقرفت منها ؟؟؟؟
لو انت عايزها استنى ماتاخود فلوسك لحد الخميس
بس برض من باب الاحتياط لازم برضه تبلغ عن التأخير في الشرطة (ده مجرد محضر هايخودلوا ساعتين ولا حاجة- معلش استحمل) .
و حاول تاني مع حماية المستهلك
لأنك زي ما بتقول يوم الخميس (سيتم تحديد ميعاد التسليم) يعني ممكن يديلك ميعاد مخدر تاني أو ميعاد صادق و ممكن يكون بعيد ...

أما لو خلاص مش عايز العربية يبقى تروح تاخد فلوسك

---

شكرا جزيلا لأهتمامك

بصراحة عايز العربية لأنى تعبت فى مشوارها جدا وكمان مش عارف أشترى ايه بدالها وكمان أسعار السيارات زادت وأنا خسرت بالفعل لتدبير فلوسها ومش قادر أخسر تانى

اقتباس:

---

المشاركة الأصلية كتبت بواسطة CryptonX

في رأي الشخصي انك تسحب فلوسك اضمن .. ولما تلاقيها واقفة في معرض او جاهزة للاستلام الفوري ... يبقى ادفعهم تاني

مش عايز اتسرع اقولك سيبك من السيارة خالص .. بس يعني حضرتك ازاي ترضى تدفع مبلغ السيارة " كـــاملا ! " بدون متستلم ؟؟

انا توكيل فيات الي بقول فيهم العجب .. حجزت ب 1000 جنيه بعد اسبوع السيارة وصلت رحت عاينتها حتة حتة ! و فكرت عليها و ختملي كتاب الضمان باسمي .. اديته شيك بباقي المبلغ !

---

أنا فكرت إن ده المعمول به لدى الشركة كما قالوا الدفع ثم الأستلام خلال يومين ومن المفروض إن دى شركة ضخمة ولها إسمها فلم أتوقع ما حدث بالفعل
وبرضه بعد فترة وجيزة من الدفع وعدم إلتزامهم بالتسليم فكرت بسحب الفلوس وشرائها فورى كما ذكرت إلا أننى وجدت فارق السعر تجاوز ال4000جنيه وظللت فى طريق المماطلة التى لم أعلم أنها ستمتد حتى الأن

أنا رأيي الشخصي ،،

تصبر شوية ،،

و متقلقلش قوي كده ،، ده توكيل كبير و ليه اسمه ،،

مش هيسرق الفلوس ،،

اعتبر تعبك ده نتيجته توفير الثلاث الآف جنية اللي العربية سعرها زادت بيهم

علي فكرة أنا ليا واحد صاحبي حاجزها بعدك و قسط كمان و استلمها خلاص ،،

بس مش عارف يرخصها عشان مفيش لوح ،، ههههههه

اصبر هما مش حرامية و نصابين بس دي مصر يعني مفيش إدارة و نظام ،،

كان من الأولى أنك تقول أوعى من فخ حجز العربيات
اللى حصل معاك فى الأفيو حصل مع واحد صديقى فى الهوندا سيفيك
و مع أخر فى هيونداى
و ثالث فى أسبيرانزا
و أنا شخصياً فى دايو لانوس بس الكلام دة من ثلاث سنوات

أحنا فى الهوا سوا نفس اللى بتقوله حصل معى ولازلت مثلك ويرضه حددوا لى أن يوم الخميس سيصلهم من المصنع قائمة بميعاد التسليم وده كلام مدير المبيعات وأسمه سالم هيكل
ويوم الخميس سأرد عليك ماذا حدث معى

أنا طبعا أشركتم فى الموضوع من الأول ولازم أفضل مخليكم على علم بكل شئ أحترما منى لحسن تعاونكم معى وأهتمامكم
اليوم أتصلت بمندوب الشركة المسئول عن سيارتى وكان الموبايل مغلق وبعدها بفترة كبيرة فتح الموبايل ولكنه لم يرد على أتصالاتى وأتصلت بالفرع الكيلو28 حيث يعمل ورد زميل له وأقسم أنه فى تدريب ولذلك هو أغلق الموبايل أما بالنسبة له فيعلم أن هناك أخبار جديدة جيدة ونصحنى بعدم التسرع وسحب ما قمت بدفعه
قمت بالأتصال بالمركز الرئيسى فى القاهرة بمدير المبيعات ورد مباشرة وسئلنى هل سددت المبلغ بالكامل ثم سألنى عن لون السيارة بالحجز وبعد تصفح لأوراق أمامه (كان واضح صوت تصفحها بالتليفون)
رد أن السيارات سيستلمها هو أيام 13،14،15/2 أما بالنسبة لى فالأستلام سيكون يوم 17/2
فأعدت عليه هل هذه مماطلة جديدة فقال لى هل سبق فى أتصالاتك السابقه وأعطيتك ميعاد فقلت لا
حيث بالفعل لم يقوم هو بأعطائى أية مواعيد فى أتصالاتى السابقة
وسئلته إذا كان سيحررون معى عقد حتى ذلك الحين فرد بأن ذلك يبحث مع المندوب المكلف بى
وأنا فى أنتظار أن أتصل بهذا المندوب مساءاٌ
معلش طولت عليكم وحكيت حرفيا لكن والله ده من أحترامى لكم

والله يا اخى نشكرك لحسن اخلاقك وربنا يخليهم يسلموهالك بسرعه وفعلا اطلعنا اول بأول واحنا معاك لغايه مينتهى الأستغلال من البلد دى

احنا اخوات ورنا يملالك العربيه خير وبركه يا رب

صراحة جديدة حكاية منصور شيفرولية دي و أنا رأي التروي منصور من أحسن الوكلاء في مصر

واضح أن كل ده مشترك معى فى نفس الردود أنا حاجز لون فضى وقالى الأستلام حيكون فى حدود يوم 17أو18فبراير لكن اللى قالقنى أن المندوب بيقول أن مش الكل حيستلم فى الميعاد ده لأن عدد السيارات تحل 75% من الأزمة دى والتسليم حسب أقدمية الحجز أو السداد
ودا مفهامتوش كويس الطبيعى إنهم يسلموا الناس اللى دفعت الأول وليس الحجز
ربنا يستر بعد الصبر دا كله

وعلى فكرة بالنسبة للرابط الخاص بجهاز حماية المستهلك الموجود بالموضوع لا يعمل زى تليفوناتتهم اللى مشغولة طول اليوم بدون إنقطاع وكمان الرقم المختصر بتاعهم لا يعمل لدرجة أنى أسأل هل هناك جهاز بالأسم ده فعلا وهو فين من اللى بيحصل فى البلد فى حاجات كتير جدا وليس منصور شيفورلية فقط
لـنـــــــا الـلـــــــــــــــــــــ ـــــــــــــــــــــه يـا بـلــــــــــــــــــــــ ـــــــــــــــــد

متخفش انا دفعت و استلمت تانى يوم بس انا قبل مدفع اتاكت انى فى عربية و خت رقم شاسية من الاخر العملية كلها تظبيت لانى استنيت الميل الى بيجى لمسؤل المبيعات بارقم الشاسيهات المتاحة و خلتوة يشلى واحدة ليا قبل مدفع

متخفش مش هبنصبوا عليك وا/ سالم كويس جدا هما فعلن معندهمش عربيات و بيخدوا من الناس الفلوس علشان الى بيدفع كلوا هوا الى بيستلم

اقتباس:

---

المشاركة الأصلية كتبت بواسطة shady_elkady

متخفش مش هبنصبوا عليك وا/ سالم كويس جدا هما فعلن معندهمش عربيات و بيخدوا من الناس الفلوس علشان الى بيدفع كلوا هوا الى بيستلم

---

حضرتك أشتريت قبل كده ولا معرفة شخصية
وبعدين اللى ياخد الفلوس علشان يسلم يأخذها قبلها بيومين ...بأسبوع لكن المدة دى كلها ....غريبة
ليس القلق هو العامل الأكبر ولكن الغضب فلو كان الفلوس طلبوها منى النهارده كان زمان ال74000جنيه أصبحوا معى 81000جنيه تقريبا

This situation happened with me with VW but I'm in vienna and for the 3 days delay they apologized and gave me a replacement car until my car arrived. bas 7'alas

جزيل الشكر لكم جميعا

http://www.nilemotors.net/Nile/showthread.php?t=16515