محتاج رايكم
اجيب منين مرايات جنب لادا 2107 الروسى , و اسعارهم كام
عرض للطباعة
محتاج رايكم
اجيب منين مرايات جنب لادا 2107 الروسى , و اسعارهم كام
انا ركبت اللي بتنزل في الادا المصري وشكلها حلو وسعر الجوز تقريبا 60 جنيه علي مااتذكر
60 او 80 جنيه وكويسين جدا
اقصد النوع الصينى
انا شايف انك نجيب حاجة من اثنين ....
يا إما تنزل عالتوكيل تجيب الأصلي ودي غالية نسبيا بس الرؤية ممتازة فيها عن المصري شوية
أو تشوف واحد بتاع قطع غيار مرسيدس تقوله عاوز مرايتين مرسيدس 200 ..... هتلاقي ظهرها ستاينلس والرؤية فيها ممتازة عالآخر والسعر على حسب ممكن تلاقيها بــ 100 جنيه وممكن ب 200 جنيه انا سمعت السعرين دول لنفس المرايات بالظبط :) وبتركب بالمللي و بتبان شيك جدا جدا جدا ....
احسن حاجه تجيب مرايا صينى اللى بتنزل فى الموديلات الجديده شكلهم احسن بكتير
الصينى بتاع اللادا الجديده الجوز ب80 ج
انا مركبهم عندى فى ال1500 بتاعتى و حلوين جدا و شيك جدا بس خد بالك المرايات دى مبتتقفلش فيها سوسته بس علشان لو اتخبطت متتكسرشاقتباس:
أو تشوف واحد بتاع قطع غيار مرسيدس تقوله عاوز مرايتين مرسيدس 200 ..... هتلاقي ظهرها ستاينلس والرؤية فيها ممتازة عالآخر والسعر على حسب ممكن تلاقيها بــ 100 جنيه وممكن ب 200 جنيه انا سمعت السعرين دول لنفس المرايات بالظبط :) وبتركب بالمللي و بتبان شيك جدا جدا جدا ....
و ده موضوع فيه صور عربيتى http://www.nilemotors.net/Nile/173842-1500.html
معلش يا بسام يعنى ايه مبتقفلشى( يعنى مينفعش اضمها ؟؟) ....وايه موضوع السوسته ده يعنى لو حد خبط فيا لبره مش هتاخد معاه فهتتكسر؟؟؟؟
ومعلش انا طمعان فى كرمك هيا الرؤيه فيها ممتازه فعلا ؟؟؟.....وهل هيا مقعره يعنى نكشف الطريق كله وكدا
واخيرا...اسف طولن عليك وشكرا جزيلا لك
انا جبت الأصلي استعمال خارج الاتنين ب 70 جنيه
ماهى المشكله ان الاصلى ده اى كلام اصلا ...ارجوكوا يا جماعه حد يفيدنى فى موضوع مريات المرسيدس دى هل هيا فعلا مبتتقفلش ...وهل هيا مقعره ( يعنى بتكشف الطريق كله ولا لأأ)
بتكشف الطريق كله أكيد .... ومسألة بتتطبق .. بس استناني أتأكد من عربية صاحبي بكرة وهأرد عليك
السلام عليكم
اولا آسف جدا على التأخير بس كان عندى ظروف و الله
ثانيا ايوه مرايات المرسيدس مينفعش تضمها بس هى فيها سوته زى باب البار اللى بيتحرك فى الاتجاهين علشان لو اتخبطت متكسرش (يعنى لو اتخبطت حتفتح او تقفل سنه بسيطه و ترجع تانى مكانها لوحدها)
ثالثا الرؤيه فيها ممتازه بس هى مش مقعره مستويه عاديه بس المرايا بتاعتها زرقاء فالشمس و النور العالى بتاع اللى وراك مش حيدايقك اوى
رابعا ولا اسف ولا حاجه يا باشا احنا كلنا اخوات :)
و لو احتاجت اى حاجه تانيه انا تحت امرك
اخوك بسام
الأستاذ باسم رد على موضوع الضم .. كنت هأقوله حالا ..... و أنصحك بيها فعلا ..... وأنا ناوي أركبها بس مش في حاجة ماسة ليها حاليا علشان عربيتي لسه جديدة والمراية مش مزعلاني ...... وطلب صغير لو سمحت لو اشتريتها ياريت تقولي آخر أسعارها كام دالوقتي ولك جزيل الشكر
للاسف انا قررت اصرف نظر ومشتريهاش لان رغم من مميزتها الكتير اللى حضرتكوا ذكرتوها الا ان فيها عيب خطير بالنسبالى موضوع انه مينفعش اضمها هيعملى مشكله لانى بضطر اغطى العربيه فى كثير من الاحيان وبالتالى كدا مش هينفع اغطى العربيه والمرايات مفتوحه روحت اشتريت بتوعها الاصلى من عند حمدى لادا ب120 جنيه ومش بطالين يعنى كويسين ... والله الموفق
مبروك ... واختيار موفق و انا شغال بيهم و مش محتاج أغيرهم ... أفضل بكتير من المصري في الرؤية .... و ماتاخدش في بالك على موضوع الأسعار لو انا أخدت قرار الشراء هأقول على سعر الي اشتريته بيها ان شاء الله :)
فيه مرايات كهرباء للادا؟؟؟؟؟؟؟؟؟؟
اعتقد لأ
في مرايات عند بتوع الكماليات كهرباء وبعضها بيبقى شكلها حلو على العربية بس المشكلة في مكان السويتش الي هتظبط بيه المرايات ...
ده ان ماكانش حضرتك بتتكلم على مرايات ضم يعني بتضم لما تقفل السنتر بتتوصل مع دائرة القفل في جهاز اإنزار على كابل اسمه Aux شوفه فالدايرة لو هتعمله بنفسك او سيب الكهربائي يعمل شغله وخلاص لإنها عاوزة شوية دقة.... بس دي نادر لو لقيت حاجة تركب في المثلث بتاع اللادا انا شخصيا ماشوفتش حاجة مناسبة
مرايات الادا المصري شكلهم حلو أفضل من بتوع الشاهين ورؤيتهم أفضل الآصلي بتوعها أكيد أفضل بس للآسف صغيرين جدا
انا جبتهم ب 100 الصيني العريض سرقني واللا ايه؟