غدا ستقطع المياه في منطقة التجمع والمقطم

السلام عليكم اولا

بما ان معرفة الناس كنوز فقد اخبرني كنز من كنوز المنتدي وكلمني هاتفيا لكي يخبرني

ان غدا ستقطع المياه في مناطق التجمع الاول والخامس والقطاميه من 10 صباحا الي 10 مساءا

وجاء ذللك الخبر في الراديو ونشرة التاسعة مساءا

الف شكر للاستاذ / محمد خطاب

جزاك الله خيراااا

لا يا راجل..ربنا يبارك لك والله انك قلت لنا

جزاك الله خير

جزاك الله خير
بس خسارة
فات الاوان
ما فتحتش المنتدى بالليل
ما جمعتش مية
المهم في ميه نشرب

بجد كسفتنى يا ابو عبد الله :shyy:
ولوالكمبيوتر كان موجود فى البيت كنت سبقتك بنشر الموضوع.
اللى أنا عملته دا الواجب أولا : نحو صديق انا بعتز بيه جدا و بحترمه جدا و جار عزيز .
و ثانيا : نحو منتدى انا بحترمه و بقدره و بعتبر انه بيتى الثانى و انه السبب فى التعارف اللى حصل بينا .

لغاية الآن لم تنقطع المياه في التجمع الثالث

أنا سمعت ان الميه هتقطع يوم الأربعاء اللي هو النهارده مش الخميس من الساعه 10 صباحاً للساعة 10 مساءٍ ... أتمنى انها لو قطعت ترجع فعلاً الساعه 10 مساء ومتطولش عن كده.

اقتباس:

---

المشاركة الأصلية كتبت بواسطة venomixus

أنا سمعت ان الميه هتقطع يوم الأربعاء اللي هو النهارده مش الخميس من الساعه 10 صباحاً للساعة 10 مساءٍ ... أتمنى انها لو قطعت ترجع فعلاً الساعه 10 مساء ومتطولش عن كده.

---

لا انا عامل الموضوع امبارح اللي هو الثلاثاء

اقتباس:

---

المشاركة الأصلية كتبت بواسطة moh.abdelbaset

لغاية الآن لم تنقطع المياه في التجمع الثالث

---

وانا كمان لسه مقطعتش

هو انا هضرب النهاردة و لا ايه ؟ :help1:دا كانوا كتبين الموضوع دا فى شريط الاخبار اللى فى القناة الاولى و اتاكدت منه النهاردة الصبح قبل ما انزل .

لا الخبر فعلا صحيح بس هم ممكن يكونو بيقولو كده علشان هتضعف

يعني بيخلو الميه ضعيفة مش بيقطعوها خالص

وكمان مين ده اللي يضربك ....ده انت حبيبي ........هاتووووووووووووه اوعي يفلت منكم

انا كنت سكنت فى التجمع الخامس وسبته ورجعت مصر الجديده بسبب الميه كنت بستحمه بميه معدنيه

اقتباس:

---

المشاركة الأصلية كتبت بواسطة amado318

انا كنت سكنت فى التجمع الخامس وسبته ورجعت مصر الجديده بسبب الميه كنت بستحمه بميه معدنيه

---

الكلام ده من امتي لان الوضع اتغير دلوقتي

من ثلاث سنوات

المياه مقطوعة بقالها ساعة

تمام وانا قريته برده الصبح قبل ما انزل متقلقشى مفيش ضرب كتر خيرك

اقتباس:

---

المشاركة الأصلية كتبت بواسطة mohkhattab

هو انا هضرب النهاردة و لا ايه ؟ :help1:دا كانوا كتبين الموضوع دا فى شريط الاخبار اللى فى القناة الاولى و اتاكدت منه النهاردة الصبح قبل ما انزل .

---

انا عندي في التجمع الخامس الميه ماقطعتش !!
الكهربا هي الي قطعت ههههههههههههههههه
قعدت بتاع 4 او 5 ساعات مقطوعه

موضوع الكهرباء ده اتكرر برضه في اليومين اللي فاتوا
بس الحمد لله في التجمع الثالث ما وصلتش ل 4 أو 5 ساعات
أطول مرة كانت ساعة و نص

اقتباس:

---

المشاركة الأصلية كتبت بواسطة moh.abdelbaset

موضوع الكهرباء ده اتكرر برضه في اليومين اللي فاتوا
بس الحمد لله في التجمع الثالث ما وصلتش ل 4 أو 5 ساعات
أطول مرة كانت ساعة و نص

---

طب احمد ربنا :)
انا لسه جاي دلوقتي من محطة موبيل التجمع الخامس لقيتهم موقفين شغل عشان الميه قاطعه.