الموضوع: اجراءات ترخيص السيارة فى المرور بالاسعار

طبعا انا عارف ان مشوار المرور دة مقرف جدا لكل واحد بيجدد او بيرخص عربية جديدة

انهاردة هقولكوا اخر التطورات فى المرور بالاسعار

اولا:

تروح المرور الخاص بيك لو عندك تاريخ الفحص ميعادة خلص يبق هتعمل الاتى :

1: شراء ورق تجديد حسب عدد السنين التى يتم تجديدها يعنى كل سنة ليها ورقة ب12.5 وشوية طوابع ودمغات

2: يتم فحص السيارة ( بصمة الماتور + بصمة الشاسية + عادم السيارة + طفاية الحريق)

سعر طفاية الحريق لو مدة صلاحيتها خلصت بتبقى ب121 جنية

3: تروح تعمل تأمين على السيارة ( التأمين الاجبارى ) السنة بتقف ب 104

4: تروح على شباك يتم استخراج منة رقم باللوحات القديمة عشان يشوفلك عليها مخالفات ولا لأ ( بالنسبة اللى معاة نمر ارقام وحروف ) ويتم اعطاءة الرخصة وهو هيديك كارت فية رقم اللوحات القديمة وتابعة لمرور اية

5: تروح نيابة المرور وتخليهم يختمولك الكارت دة لو طلعت النمر خاصة بمرور غير المرور بتاع النمر الجديدة
وبعد كدة تطلع على المرور دة تستخرج شهادة مخالفات وبراءة ذمة وتشوف عليك مخالفات لاقدر الله ولا لأ , مافيش عليها مخالفات هتدفع عشرة جنية وتاخد ورقك وتمشى

6: تروح نيابة المرور بتاعتك وتقوم باعطاءهم شهادة المخالفات (التى تم استخراجها من المرور القديمة) والرخصة وتنتظر الى ان يتم الكشف على المخالفات لو مافيش مخالفات هتروح تدفع 10 جنية تانى وتاخد ورقك

7: تعمل استعلام مباحث على صورة الرخصة

8: تاخد صورة الرخصة وتديها للعسكرى اللى ماسك الملفات عشان يودى الملف بتاع عربيتك لشباك التجديد

9 : تقدم ورقك كلة مع الرخصة وصورة الرخصة والبطاقة وهيديك ورقة تروح الخزنة وتدفع مبلغ وقدرة للمحركات من 1301 الى 1600 سى سى قدرها 220.20 قرش للسنة الواحدة

10: يتم الانتظار لحين صدور الرخصة الجديدة مع كارت بيتلزق على الزجاج فية تاريخ الانتهاء

11: تأكد تماما من ان جميع بيانات الرخصة سليمة( نفس رقم ماتورك , شاسيه السيارة , نمر السيارة , عدد سنوات التجديد , اسم المرور , اسم المالك , تاريخ الفحص والتجديد )

ونقولك مبروووووووووووووووووووووو ووووووووووووووك وعقبال ماتروح تانى وتدفع