المية الخضراء والريداتير

**hanyhikel78** · 19-01-2011 12:09 AM

السلام عليكم ورحمة الله وبركاته لكل أعضاء المنتدى الكرام
عندى عدة أسئلة يا ريت تفيدونى بالرد عليها
1/ هل الفيبرة بتاعت السخن فى الريداتير بتتغير وبكام لأنى عندى نشع بسيط فيها ؟
2/بعد ما غيرت المية فى الريداتير بمية خضرا ظهرت تنفيسات فى أماكن كثير من الخراطيم يا ترى ايه العلاج ؟
انتظر رأى حضراتكم أفيدونى بالله عليكم
شاكر لسعة الصدر

**jojowork1** · 19-01-2011 04:35 AM

انا مش عارف ايه الفبرايه بتاعت السخن ديه
التنفيسات بعد المياه الخضره ده طبيعي لان اكيد كان في صدا واكل كتير من الدوره ولما حطيت مياه خضرا نضف الدوره وسبب في فتح الاماكن اللي كانت متاكل من الصدا قدامك حل من الاتنين اما تحط مياه مقطره ومتسئلنيش تجبها من فين لان تقريبا مفيش مياه مقطره في السوق اصلا عشان تلحق نفسك او تتحمل وتغير كل الاجزاء اللي تلفت من المياه العاديه وتبدي تحط مياه علي نظيف وما تستعملش غير المياه الخضرا من ماركه نضيفه قدر الامكان

**hanyhikel78** · 20-01-2011 02:02 AM

شاكر لاهتمام حضرتك
الفيبرة دى اللى فى الريداتير فى الناحية الشمال وأنت واقف أمام العربية
وهل استعمال المية المقطرة هيرجع الأمور زى ما كانت؟

**Akram** · 20-01-2011 11:19 AM

بالنسبة للتنفيس فده مش عادي ,

أحسن حل انك تغير الكوليات و تحط حوالين كل ماسورة سيليكون حراري و بعدين الخرطوم و تتأكد من ربط الكوليه ,

بالنسبة للفبرة بتاعة الريداتير فدي بتتغير بس اللي موجود في السوق هتلاقيه في الغالب صيني و بتعمل حوالي 100ج جديدة ,

و بتتغير عادي بس عند بتاع ريداتير كويس علشان يقفلها صح ,

و على فكرة انا عندي ريداتير مش محتاجه , و الفبرتين سلام ,

لو عايزه ممكن نظبط موعد و بدون مقابل .

..........................

**JAM** · 20-01-2011 12:31 PM

طول عمرك سباق بالخير يا أكرم باشا

**Akram** · 20-01-2011 04:48 PM

المشاركة الأصلية كتبت بواسطة jam

طول عمرك سباق بالخير يا أكرم باشا

ربنا يبارك فيك , احنا كلنا أخوات

**jojowork1** · 20-01-2011 07:22 PM

المياه المقطره مش هيعالج الموضوع بس مش هايزود لاكن العلاج لازم تحل اللي حاصل اللي يتغير يتغير واللي يتربط ربطه انا برده مازلت مش عارف ايه الفبرايه اللي بتتكلموا عليها ديه يعني ايه فبرايه السخن ياريت حد يوضحهالي لاحسن مش عارف ايه اللي بتتكلموا عليه ده وعمتا لو نجحت انك تغير كل اللي تالف وتعالج الموضوع وناوي تغامر شويه تاني استمر في استخدام المياه الخضرا وما تسفرش بالعربيه لغايه ما تطمئن ان دوره المياه سليمه وبعدها استعمل مياه خضره علطول

**hanyhikel78** · 20-01-2011 11:41 PM

شاكر جدا لمشاركتم
وبخاصة الأستاذ / أكرم ربنا يبارك فيك ويعزك
وكذلك الأستاذ / jam و jojo
بس هل السيلكون ده مش هيتأثر بالحرارة الشديدة للموتور
وبالنسبة للفيبرة فأنا هشتريها بس للأسف فعلا الموجود صينى وبشكر حضرتك يا أستاذ / أكرم على ذوقك العالى

**Akram** · 21-01-2011 12:41 AM

على ايه يا أ/هاني ,

انا بعد ما غيرت الفبرة دي عندي لقيت الريداتير فيه خرم و بيسرب فغيرته كله ,

و انا ما زال عرضي قائم لو عايز الريداتير و الفبرتين سلام ,

على العموم انا ساكن في المريوطية/فيصل و شغلي في المعادي ,

بالنسبة للسليكون ففيه نوع بيتحمل الحرارة و علشان كده اسمه سيلكون حراري .

...........

**hanyhikel78** · 22-01-2011 11:16 PM

شاكر لحضرتك يا أ/ أكرم
أنا عملت بنصيحة حضرتك وخليت بتاع الريداتيرات حط سيلكون حول الخراطيم والحمد لله
المشكلة انى وجدت غطا القربة بعد كدة بينفث والدينامو عمل صوت فظيع وخاصة بعد الشغل اللى عمله بتاع الريداتير
تنصحنى حضرتك بايه ,وسعر الدينامو جديد كام واستيراد كام ,وغطا القربة بكام
مش عارف الواحد يعمل ايه الحمد لله
أسف للاطالة
وشاكر جدا لعرض حضرتك .

الموضوع: المية الخضراء والريداتير

LinkBack

أدوات الموضوع

عرض

المية الخضراء والريداتير - انشر الموضوع فى :

-

-

-

-

-

-

-

المواضيع المتشابهه

استخدام الجلسرين بدلا من المية الخضراء

المية في قربة العربية بتنقص ولما ابطل العربية المية تغلي في القربة لمدة دقيقة

المية الخضراء

المية بتنقص في قربة المية اية السبب

لسة بردة المية بتنقص فى اربة المية!!!!

الكلمات الدلالية لهذا الموضوع

المفضلات

المفضلات

ضوابط المشاركة