الموضوع: 1000 دينار كويتى لكل مواطن

المشاركة الأصلية كتبت بواسطة dr-mohamed

حضرتك غيرت كلامك بين ليلة وضحاها
يعني امبارح كان التبرع لاعمال خيرية في مصر
النهاردة بقة التبرع لدعم مشاريع القطاع الخاص العربي
يعني مش لمصر
لولا انى صححت معلوماتك اعتقد انك كنت هاتتركها كما هي ويبقي تبرع لمصر

وانا اتعاملت مع كويتيين كتيرين من جميع القبائل تقريبا ومن الحضر وبرغم لك رايي هو ما قلته
وبقولك ان الاغلبية بتمن على مصر بالذات باي شئ حتى لو غير حقيقي كما فعلت انت حين قلت ان ال2 مليار تبرع لمصر
وكثيرين في الكلام فقط يفعلوا مثلك ويقولوا مصر ام الدنيا ووووووووو لكن عند اول مشكلة تبقي مصر فيفي عبدة والمصريين .......... و ............ و................ وطبعا انت عارف كويس مكان النقط دي ايه

هو أسمحلي في رأي النابع برضه عن تعاملي سنين طويلة مع جميع الأعمار والفئات والمستويات من الجانبين مصري وكويتي الموضوع مش كده بالظبط
كل دولة فيها الكويس والوحش(الكمال لله وحده)..........الوسطي والمتعصب..........القبلي والحضري.........أهل الشمال وأهل الجنوب........المتعلم والأمي.
الصورة بتتكون عن الأخر حسب القدر(الحظ).......... الواحد أتعامل مع مين بالظبط فابيكون صورة ما صحتها أو دقتها بتختلف حسب معطياتها
موضوع فيفي عبده وكده بيمسك فيها في المعظم بعض الشباب المراهق السطحي ألي تفكيره لم ينضج وألي الفن الهابط أليي بيطلع من عندنا ليه دخل رئيسي فيه
الحق يقال الكويت كدولة لها أعمال خيرية في العالم أجمع وميزتهم حقيقي أنهم لايمنون به......... لاكن بسيرش علي النيت هاتوضح الصورة مشاريع+نشر للدين الأسلامي....... ألخ
الكويتي لاينكر بالمرة الدور الحيوي للأنسان المصري الجوهري والمباشر في التنمية لدولته
موضوع المن فهو من المتعصبين من أي من الجانبين المصري أو الكويتي .............المصري يقولك أحنا ألي معلمينكم والكويتي يقولك بفلوسنا...........هههههههههه ال 2 صح لكن الأسلوب(المن) ألي مش صح......تحياتي

المشاركة الأصلية كتبت بواسطة gta10

رأى dr-mohamed يحترم و فوق راسى و شكرا على رأى حضرتك فى اهل الكويت و فى النهاية كلنا اخوات الحكاية مش مستاهلة و حضرتك انا ماغيرتش كلامى انا ده و الله اللى سمعته و سمعته من مصريين و اتاكدت من الاخبار بعد رد حضرتك لكن و الله مش حكاية تغيير راى او تكبر و على فكرة انت لو شوفتنى مش هاتصدق ان انا كويتى علشان انا عايش فى مصر بقالى حوالى 15 سنة و اطبعت بطباع المصريين و والله مافيش فرق بين مصرى و كويتى و ياريت ما تزعلش من الغلطة بتاعتى

في الحقيقة انا كنت أتمنى من الجميع عدم التعصب والتعميم

كل البشر من جميع الاجناس فيهم الكويس والوحش وفيهم الموضوعي والسطحي وفيهم المهذب والقليل او المنعدم الاخلاق

وكل إنسان بيفرض على اللي بيتعامل معاه طبيعة التعامل

و الفضل لله سبحانه وتعالى ومفيش حد له فضل على حد

للأسف لو فيه ناس من اهل الخليج ليهم طبيعة مرفوضة واخلاق لا تحتمل , فايضا هناك من المصريين كذلك ومنهم ايضا من يذكر الأخرين وفي كل حين ان لمصر فضل عليهم سواء في التعليم او في الدفاع عن اراضيهم او او

وهؤلاء نسوا اننا كلنا مسلمين " ألا ‏ ‏إن ربكم واحد وإن أباكم واحد ألا لا فضل لعربي على أعجمي ولا ‏ ‏لعجمي على عربي ولا لأحمر على أسود ولا أسود على أحمر إلا بالتقوى"

وان الحدود التي تفصلنا هي من صنع الاستعمار والمفترض ان ارض المسلمين واحدة و جنسياتهم الاسلام ولهم حرية الحركة بين اراضى الاسلام

وان المسلم من مصر لو عمل في بلد كالسعودية او الكويت فهو يتقاضى أجر نظير عمل ولا يتقاضى " صدقة "

وقد نسينا ان الرسول صلى الله عليه وسلم عندما وجد المسلمين بدأو بالتعصب والقبلية قال

دعوها فإنها منتنة

يا ريت نوحد كلمتنا ولو على النطاق الصغير في المنتديات او النت ونكون كشعوب وكمجتمع مسلم افضل من حكامنا ومن يتحكموا فينا وفي مقدراتنا وطريقة تفكيرنا وتوجهاتنا

..........