مش ممكن يا جماعة ع الخندق ده:
انا باتصفح الموقع و بجد اندهشت لما لقيت الموضوع ده عن الخندق اللي لبسته من اسبوع تقريبا, مع اني عارف مكانة بحكم سفري الاسماعيلية بس يومها يظهر سرحت و كنت ماشي حوالي 80 بس لبستة لبسة السنين الفردة اليمين قدام, نزلت بصيت لقيت الدنيا سليمه بس ده طبعا كان الساعة 1 باليل, كملت طريقي للاسماعيلية وانا طبيعي بجري جامد حتي يومها الطريق كان رايق و كنت ماشي 190- 200, المهم تاني يوم و انا نازل الصبح لقيت الطاسة متنية لبره اتاري الجنط معوج طينة, استغربت جدا ع الجري بتاع امبارح و ازاي محستش بيه و حمدت ربنا مليون مرة بجد عللي كان ممكن يحصل, عدلت الجنت و سافرت مشوارين القاهرة تاني لاقيت العربية بتحدف شمال جامد , قلت اظبت زوايا , الراجل قالي ان المشكلة مش في العجل بس المساعد اليمين شكلوا اتعوج و هتحتاج زرجينة , روحت النهارده لعفشجي هنا في الاسماعيلية و قالي المقص اليمين حادف و هنطر نفك المقص الشمال و نزرجنه!!! مافهمتش هوا عاوز يعوج الشمال علشان يبقي زي اليمين ولا ايه !!!!! بيني و بينكم ماردتش و قلت انا رايح صيانه ال35 الف الاسبوع الجاي و اقولهم, مش عارف ايه رايكم ياتري التوكيل هايظبتها و يظبتني و لا ايه
المفضلات