الموضوع: يا مطباتك يا مصر

[ALIGN=CENTER][TABLE....="width:70%;"][CELL="filter:;"][ALIGN=center]
تقرير عن الإصلاحات التى تمت فى الـ Week end
[/ALIGN][/CELL][/TABLE....][/ALIGN]
- روحت البيت يوم الخميس الماضى لقيت الوضع طبعا كما هو عليه العجلتين نايمين ولم أفعل جديد .
- يوم الجمعة الصبح جالى الراجل المعرفة السواق ده وفكينا العجلتين ومشينا وإحنا ماشيين قابلنا سواق قديم برضه وتم تشكيل لجنة لفحص الكاوتش مشكلة من 2 سواقين وبتاع الكاوتش وألعبد لله
- لما قلنا للراجل إن إحنا رايحين الملك الصالح نستعدل الجنوط الراجل وصف لنا واحد تانى قريب وشكر فيه جدا فقلنا نجرب كده ومش حنخسر حاجة .
- توجهنا إلى الراجل القريب ده وتم عمل إستعدال للجنطين وتركيب الكاوتش ومشى الحال على أساس إن يتم تركيب الكاوتشات اللى اتصلحت جنوطها قدام والكاوتشين التانيين ورا
- روحنا علشان نركب بقى العجلتين وإذا بى أفاجأ إن فيه عجلة ورانية كمان بايظة ومقطوعة فحصل لى نوع من الذهول .
- بكده يبقى لازم أشترى فردتين جداد بدل الإتنين البايظين .
تم التوجه أمس السبت إلى نفس الراجل وإستعدال الجنط الرابع وشراء فردتين جوديير جداد وتركيبهم قدام ونقلنا التانيين ورا وإستنضفنا فرده نعملها استبن وعملت ضبط زوايا ومشى الحال والحمد لله .
العربية وأنا رايح بيها (قبل تركيب الكاوتش الجديد) كانت مغربلة وحالتها نيلة والحمد لله بعد تركيب الجديد وعمل التباديل فى العجل وضبط الزوايا بقت كويسة والحمد لله .
وأحب أن أذكر إن المركز اللى عملت فيه الموضوع ده مركز نضيف وممكن أعمل لكم فيما بعد تقرير عن إنطباعاتى عن المركز

وشكرا لكل من ساهم فى نصيحتى وتوجيهى وسلمكم الله