عايز اركب Xenon فى ال Fog lights . منين و بكام ؟

**mark_milad_95** · 19-01-2011 11:29 AM

صباح الخيير على البروتونييين الجامدين .

ايه الاخبار ؟! يا رب كله كويس .

انا عندى فانوس Fog مكسور , و التانى طفى امبارح مش عارف ليه !! اللمبة اتحرقت ولا ايه اللى حصل مش عارف .

فعايز اركب Xenon فيهم .
حد يعرف مكان و نوع و سعر ؟ باربت لو حد مركب يقولى جابه منين . و برده اعمل ايه فة الفانوس المكسور دا . اجيبه منين و بكام .

و شكرا جدا .

**salama_ahmad** · 19-01-2011 03:07 PM

السلام عليكم ورحمة الله وبركاته

الاخ البروتونى العزيز

انا ركبت اضائة زينون لعربيتى الساجا من 5 شهور وكانت تقريبا ب650 علشان العالى والواطى فى نفس اللمبة

فى انواع بيكون العالى لوحدة والواطى لوحدة

النوع الى جبتة اسمة hid تقريبا

وهوا صينى ومعاة ضمان 6 شهور على المديولى الى بيركب فى المبة
اما اللمبة مبيكونش عليها ضمان

انا ركبتة عند واحد اسمة هانى كان شغال فى محل سبييد فى مدينة نصر

بس هوا سابة وفتح محل خاص بية فى المعادى

هوا كويس وشاطر وبيركب وحدات رفع كمان

**sayed911** · 19-01-2011 03:29 PM

الوش بتاع الفوج لايت ده ميزة مشتركة في الجين 2 والساجا والبيرسونا يعني عند اي بتاع قطع غيار مش ها تغلب همة الـ 3 نفس الشكل للوش ..

**spiderloking** · 19-01-2011 03:43 PM

عندك ممكن تركب في التوكيل بس غالي شويه الفوج لوحدوا الزينون ب590 بس ماركه كويسه جدا و عليها ضمان سنتين اعتقد

و العالي و الواطي مع بعض ب 850 تقريبا و بردوا نفس الكلام

او ممكن برا التوكيل بقي اي حد كويس يركبهولك اسمع ان الصيني مع الرعاش بيتحرق بس بيقولوا في منوا حاجات كويسه و في ناس مركباها و شغال معاهم تمام

**saryrabie** · 20-01-2011 06:06 PM

متاااابع باهتمام
بس ايه الافضل اركب في الفوجات زينون ؟ ولا اركب زينون في العالي بس بتاع الكشاف ولا اركب زينون ف الاتنين الفوجات والعالي بس بتاع الكشاف ؟
لأني بسافر كتيير وبحس ان الاضاءه بتاعة العربيه مش كفايه.
خالص تحياتي

**MEGAREKAB** · 20-01-2011 09:46 PM

أخى الفاضل / سارى

سلام الله عليك ورحمته وبركاته ...

نصيحتى أنه إذا كانت سيارتك فى فترة الضمان فلا تحاول ان تركب أى شىء خارج التوكيل حفاظا على الضمان..

وأؤكد لك ان التوكيل يقبل من العميل أى شىء أو إضافه يريدها لسيارته بإستثناء دائرة الفرامل والعفشة والمحرك ويتم محاسبة العميل على مصنعيه التركيب فقط لاغير وهذا عن سؤالى بتوكيل عز العرب بالاسكندرية عندما أبديت رغبتى فى تركيب وحدات رفع وتحويل الزجاج الخلفى لساجتى الى زجاج كهربائى.

مع خالص الدعاء من القلب بدوام النعمه والفضل من الله تعالى......

وأن يهديك لما فيه خير لك ولسيارتك

وأن يحفظك ويحفظ ما وهبك من كل شر وسوء ومن كل نفس أثمه ومن كل عين حاسدة.....

وأن يكتب لك حسنه فى كل خطة تخطوها بسيارتك ويحط بها من ذنوبك.........

وقدر الله لك وكتب عليك فاعل الخير وراحة البال والغنى عن السؤال.........

أخيك
محمد عبد المجيد
مدير إدارة المشتريات الخارجية والاستيراد
الاسكندرية للإضافات البترولية ( اكبــــا)
0116007025

**sayed911** · 20-01-2011 10:11 PM

استاذ محمد ممكن حضرتك تفصل هل تقبل التوكيل فكرة الزجاج الخلفي الكهربائي ووحدات الرفع وكم كان الثمن بعد اذن حضرتك ..

**MEGAREKAB** · 20-01-2011 10:29 PM

المشاركة الأصلية كتبت بواسطة sayed911

استاذ محمد ممكن حضرتك تفصل هل تقبل التوكيل فكرة الزجاج الخلفي الكهربائي ووحدات الرفع وكم كان الثمن بعد اذن حضرتك ..

أخى الفاضل / سيد

سلام الله عليك ورحمته وبركاته..

بالنسبه لسؤالك .....

أنا سألت مدير التوكيل نفسه فى إسكندرية بخصوص الروافع للزجاج الخلفى وتحويله لزجاج كهربائى وزى ما قلت مدير المركز قاللى أوك ولا مانع طالما إن اللى هتزوده أو تبدله فى عربيتك برا الموتور أونظام التعليق أوالفرامل

أى حاجة تانيه غير كده وتكون جايبها من برا التوكيل بيركبوهالك وبياخدوا ثمن المصنعية بس..

أى نعم مصنعيتهم غاليه حبتين لكن مش مهم ومش أوى أوى والاهم إنهم بيركبوا الحاجة صح ومايخرجوش أى حاجة فى العربية برا الضمان وخصوصا ضفيرة الكهربا اللى عليها الشغل كله.

بالنسبه للأســعـــار ....

كل ماسبق كان مجرد إستفسار أثناء تركيب الزجاج الخلفى للسيارة ( البربريز) وماعملتش لسه أى حاجة من دول لكن ناوى بمشيئه الرحمن أركب الحاجات دى الاسبوع الجى لما أروح التوكيل عشان أعمل صيانة الاف الاولى لساجتى.

ثمن الزجاج الخلفى كان غالى حبتين لكن مدير المركز عملى تخفيض جامد.

الحساب كان 1150 جم وتم تخفيضه الى 900 جم

والحساب ده شامل ثمن الزجاج وثمن أنبوبتين سليكون وثمن مصنعية التركيب وضريبة المبيعات.

أى إستفسار أخر انا فى الخدمه وتحت أمرك

وإن شاء الله بمجرد ما أركب الحاجات اللى انا عاوزها فى التوكيل ، هبقى أقولك على التكاليف تفصيليا
وأسف جدا على الإطالة

مع خالص الدعاء من القلب بدوام النعمه والفضل من الله تعالى......

وأن يهديك لما فيه خير لك ولسيارتك....

وأن يحفظك ويحفظ ما وهبك من كل شر وسوء ومن كل نفس أثمه ومن كل عين حاسدة.....

وأن يكتب لك حسنه فى كل خطة تخطوها بسيارتك ويحط بها من ذنوبك.........

وقدر الله لك وكتب عليك فعل الخير

وراحة البال والغنى عن السؤال.........

أخيك
محمد عبد المجيد
مدير إدارة المشتريات الخارجية والاستيراد
الاسكندرية للإضافات البترولية ( اكبــــا)
0116007025

**sayed911** · 20-01-2011 10:39 PM

بارك الله فيك وعليك وزادك علما وايمانا ويقينا بالله يا استاذ محمد انا بشكر حضرتك جدا جدا جدا ولكن انا الل بفكر فيها بشكر رسمي فعلا فعلا هوة وحدات الرفع لأني عارف انهم خارج التوكيل بـ 45 جنيه ومش طالبة خروج خالص من الضمان فعشان كده لو سمحت حضرتك لما تركبها ها اكون منتظر رد حضرتك عشان اعرف كم تكلف من الوقت والمال تركيب وحدات الرفع وعاجز عن الشكر يا استاذ محمد والله انا بحس فعلا انه لبيد وحضرتك والأستاذ صلاح حكيم زملاء بل إخوة في الكفاح المسلح .. ..

**spiderloking** · 21-01-2011 01:00 AM

انا معاك ان شاء الله يا سيد في الموضوع ده لو كدا نروح حتي نعملهم سوا والله انا كمان عاوز اركب وحدات رفع و زجاج كهرباء خلفي ان شاء الله

الموضوع: عايز اركب Xenon فى ال Fog lights . منين و بكام ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

عايز اركب ستائر جرار زي اللي موجودة في عربيات الجيش ، منين و بكام ؟

عايز أشتري رادياتير ستروين ax منين و بكام ؟

عايز اركب فرش جلد للفيرنا , منين و بكاااااااااااااااااااااااام ؟

يا جماعة..انا عايز اشترى كيا بيكانتو ..حد عارف منين او بكام

يا جماعة...انا عايز اشترى كيا بيكانتو ..حد عارف منين او بكام

الكلمات الدلالية لهذا الموضوع

المفضلات

المفضلات

ضوابط المشاركة