تنتيش وتبطيل

**No Comment** · 20-01-2011 02:09 PM

المشاركة الأصلية كتبت بواسطة hm414

للمعلوميه
الاوتوماتيك مجرد متشيل رجلك من عالبنزين بيبقى كأنك حاطه ان
لانه بيفصل الكلتش بدليل حاجتين لما تشيل رجلك من عالبنزين
الار بي ام بص عليه هتلاقيه نزل لمجرد انك شلت رجلك من عالبنزين هتلاقيه نزل للواحد (كأنك ممور)
ولو معندكش ار بي ام الاوتوماتيك مفيهوش engine break
يعني لما تشيل رجلك من عالبنزين العربية مبتتكلبشش بفعل المحرك,,,,,,

تحياتي

لا طبعاً ... لما بشيل رجلى من على البنزين مبيبقاش زى الـ n خالص ... لأن لما بشيل رجلى و جايب d العربية بتبقى واخدة غيار على السرعة الأولى وبتدنها ماشية بيها لحد ما تزيد السرعة تبتدى تنقل على السرعة الثانية فى الأوتوماتيك .
لاكن وضع الـ n ده موور يعنى بيكون فاصل الكليتش ... فمبتتحركشى العربية الا اذا كان فيه ميل فى الطريق .

**dr.hazem** · 20-01-2011 02:23 PM

المشاركة الأصلية كتبت بواسطة no comment

لا طبعاً ... لما بشيل رجلى من على البنزين مبيبقاش زى الـ n خالص ... لأن لما بشيل رجلى و جايب d العربية بتبقى واخدة غيار على السرعة الأولى وبتدنها ماشية بيها لحد ما تزيد السرعة تبتدى تنقل على السرعة الثانية فى الأوتوماتيك .
لاكن وضع الـ n ده موور يعنى بيكون فاصل الكليتش ... فمبتتحركشى العربية الا اذا كان فيه ميل فى الطريق .

يعني انتا لما بيتشيل رجلك الار بي ام بيعلى ولا بينزل زي ما انا قلت؟؟
في المانيوال معروف بتشيل رجلك هوب تلاقي الار بي ام بيعلى والعربية بتتكلبش

العكس تماما في الاوتوماتيك بس تلاقيك مخدتش بالك

هوا الاوتوماتيك وظيفته كده وده اللي بيحصل
اما انها تنزل لحد متفضل ماشيه عالاول فده اللي انا قلتهوله بحيث انه يديها غيار الاول ويسيب مسافه بينه وبين اللي قدامه

وعشان ااكدلك كلامي
الفرق بين المانيوال انه لو داس فرامل بدون ميفصل الدبرياج العربية هتطفي
انما الاوتوماتيك العربيه بتقف
تفتكر لو مكنش الفتيس اتمور مش المفروض كانت تطفي بقا؟؟؟؟

فكر فيها هتفهم كلامي كويس

تحياتي

**dr.hazem** · 20-01-2011 10:24 PM

المشاركة الأصلية كتبت بواسطة Rerii

العربية اللى معايا حاليا اتوماتيك على فكرة

كل اللى عاوزة اقولهولك اسمع صوت العربية وانت واقف فى الاشارة ومديها ال d وطبعا لازم تكون رجلك عالفرامل واسمعه بقى لو اديتها n او p

بتحس ان العربية مرتاحه فى حالة ال n او p

هلا وسهلا اختي العزيزه

ايون معروف كلامك برضو
لكن لو كانت الكلتشات متصله كانت العربية طفت
عموما الاختلافات دي تجعل الاوتوماتيك له تصميم مختلف عن المانيوال ومينفعش يتقارنو ببعض

عشان كده المقارنه مش صحيحه اساسا هما حاجتين مختلفتين تماما في الفكر والعمل

ومش بتكلم على راحة ماتور اطلاقا برضو
لان برضو المانيوال مبيرتحش الا لما تمور اللي هوا يعادل الان في الاوتوماتيك

سيبكم من الكلام ده كله ولا يقدم ولا يأخر وان شاء الله تكون مشكلة الراجل الاساسيه وضحت

تحياتي للجميع