ارجو المساعده الضروريه :help1: البلى الامامى للانوس العربيه عامله 88الف كيلو ومغيرو لغايه دلوقتى 4 مرات:36_1_31: و الاصلى بتعها قعد 55 الف كيلو ياريت البلى الاصلى اجيبه من فين وياريت صوره للبليه الاصليه وبكام علشان عند بتوع قطع الغيار بلى مضروب
عرض للطباعة
ارجو المساعده الضروريه :help1: البلى الامامى للانوس العربيه عامله 88الف كيلو ومغيرو لغايه دلوقتى 4 مرات:36_1_31: و الاصلى بتعها قعد 55 الف كيلو ياريت البلى الاصلى اجيبه من فين وياريت صوره للبليه الاصليه وبكام علشان عند بتوع قطع الغيار بلى مضروب
يا باشا اهم حاجة تجيب البلي الاصلي و خلي بالك و انت بتركبة عشان لو اتدق علية يبقى هتغيرة بعدها بأسبوع .. بلي العجل بيركب بمكبس
لو معاك علبة من البلي القديم خد مقاسه وانزل وسط البلد لمحلات متخصصة في البلي مش محل قطع غيار عربيات
وبصراحة من المحلات المضمونة العنتيبي ودة قدام نقابة المهندسين في شارع رمسيس
تقريبا نوع skf ده انضف نوع موجود...
طالما بتغير بلى بالمكبس و بيبوظ منك
كدة اكيد محتاج تغير صرة العجل
اكيد ملوحة
صعب اى بلى حتى لو مضروب يبوظ بالسرعة دى طالما راكب صح
اى مطب جامد
ممكن اى سبب تانى
انا غيرتهم على 10 كم
و انت بتقول 88 الف انسى كلمة الزيرو
اكيد فى حاجات بتحتاج تغيرة
عادى
بس باكد عليك صعب البلى بيوظ بسرعة كدة طالما التركيب سليم
و مفيش حاجة البلية بتمسك فيها ممكن تتلوح غير الصرة
فا علشان متفضلش تجيب فى بلى على الفاضى هات صرة مش هتخسر حاجة سعرها حوالى 60 جم
ممكن تكشف عليها بانك تفك العجل و سبت اى حاجى زى مفك مثلا عامودى على الطنبورة --|
و دور العربية و خلى الطنبورة تلف و شوف الخلوص البين المفك و الطنبورة فى رفة ولا كويس
هات سره وبلي استيراد وريح دماغك
انا هكشف عليها
فا علشان متفضلش تجيب فى بلى على الفاضى هات صرة مش هتخسر حاجة سعرها حوالى 60 جم
اجبها من فين هى الصره بتيجى بالبلى[/quote]
لا
كل حاجة بتيجة لوحدها
الصرة دى الجزء الحديد الى مسامير الجنط بتمسك فية
محلات قطع الغيار المضمونة الى اعرفها هيا المنير فى اول فيصل و ابو الحسن فى ش المرور فى بين السريات
فى فالتوفقية حارة البلى اول متخش الشارع بتاع الاكسسوار فى شارع على اليمين
كانو بيبيعو نوع اسمع skc او حاجة زى كدة فى علبة ازرق فى ابيض
بيقال انة صناعة يبانى (و الله اعلم) بس كان شكلة نظيف
دا كان نوع كويس
ممكن تسئل
حضرتك البلية الاصلية موجودة بس غالية جدا بتوصل 180 جنية
وهيا يابانى ماركة NSK موجودة عن تاجر أمين انا بعاملة فى الحرفيين لو حضرتك عايز تليفونة مستعد اديهولك على الخاص
ودى صورة البلية الى طالعة من العربية الاصلية http://im.gulfup.com/2011-01-20/12954759431.jpg
ودى صورة البلية الاصلية الى اشترتها
http://im.gulfup.com/2011-01-20/12954759442.jpg
تحياتى للجميع
انا دلوقتى جبت صوريتين الواحده 85 وجبت بلى skf الوحده 80 بس الخراط قبل مايركب الجديد خليته كشف على الصره القديمه على المخرطه وقال مفهاش حاجه بس انا ركبت الجديد علشان ارتاح بس هل ممكن ان الصره تعمل ده ولو الجنط العجل فيه حاجه يعمل كده بس العربيه بجيب بيها سرعات عادى مفيش اهتزاز فى الدركسيون
:verygood:خالص تحياتى للمنتدى :verygood:
مستحيل تكتشف اى عيب فى الصرة بالعين المجردة الكشف بيكون بالطريقى الى قلتلك عليها
مبروك و انشاء الله ميحصلش مشاكل تانى
السلام عليكم انا كان عندى نفس المشكله فالنوبيرا و قعدت سنه و نص بعانى من البلى ده و جربت كل الانواع و غيرت فالتوكيل ب 500 جنيه البليتين و برضه كانت بترجع نفس المشكلة خلال ايام او شهر بالكتير المهم الميكانيكى الى بتعامل معاه صعبت عليه و قالى احنا لازم نشوف حل قلتله ايدى عالكتفك فكينا الطنابير و وديناها الخراط و هناك اكتشفنا المشكله فين....
المشكله كانت ان المسافه بين الكوبلين و الطنبوره الى الصاموله بتضغط عليها عشان تمسك الطنبوره فالكوبلين صغيره فكان اى حد يركب البلى و يجى يقرط عالصاموله كانت البليه تبوظ لانها مضغوطه فعشان كده مش بتعيش و فعلا لاقينا الطنبوره من جوه فيها اثر احتكاك البليه فى الطنبوره و كان الحل ان احنا لازم نطول المسافه عشان البلية ماتبقاش مكبوسه و فعلا روحت جيبت وردتين يعوضوا الفراغ الى فالطنابير من جوه فالصاموله ماتتغطش على البلى و الحمد لله لغايه دلوقتى بقالى شهرين مفيش صوت خالص مع العلم انى جيبت ساعتها احقر انواع البلى الى هو الكورى ابو 50 جنيه عشان بس قلت هجرب موضوع الورده ده لو مانفعش هغير الكوبلين عشان تبقى المسافه مظبوطه بس الحمد لله الموضوع نجح مع اسوأ انواع البلى
انا حبيت احكى تجربتى يمكن تنفع ناس عندهم نفس المشكله
شكرا و بالتوفيق
شكرا على التجربه ديه بس انا طب انا دلوقتى اروح للمكانيكى واركب وردتين بس انا العربيه راكب فيها ورده وحده اروح للميكانيكى ولا لاء بس العربيه ده لانوس وحضرتك معاك نوبيرا هلا ممكن يكون فى اختلاف ولا لا
علشان انا فعلن تعبت من العربيه ديه ومن البلى ولا غالى نافع ولارخيص :36_1_31:
انا حاسس بيك و الله لانى عانيت زيك و اسوا حاجه صوت البلى خاصه مع السرعه و لا لو انت كمان بتحب تسمع الكاسيت هيجيلك صداع رسمى .
انا مركب وردة واحده لكل عجله مش اتنين فى العجله الواحده ممكن تكون الورده الى انت مركبها رفيعه فبرضه الصاموله بتقرص عالبليه لازم تتاكد ان البليه هتسد الفراغ ده عشان البليه ماتتضغطش و الميكانيكى الى انا عملت عنده ده حته محل صغير تشوفه تقول ده مابيفهمش فحاجه بس هو بيشتغل بذمه و بروحله فالحاجات الى زى ديه عشان بيفيدنى و بيتعب معايا و الحمد لله لاقينا الحل لو عاوز تيجى يشوفهملك انا تحت امرك
معلش يا رجالة اتعبكوا معايا عشان انا مش فاهم حاجة وحغير البلى قريب بأذن الله....
يعنى وانا عند الميكانيكى اقوله يركب وردة فين بالظبط ؟؟؟؟
عشان انا مش بفهم اوى فى الحاجات دى وبيضحك علىَّ كتير اوى :( .....
شكرا يا رجالة...
مفيش تعب و لا حاجه احنا يهمنا انك ترتاح من العذاب الى انا شوفته قبلك
هنبتدى ان شاء الله الاول نروح للميكانيكى و نفك الطنابير و نبص عليها من جوه هنلاقى اثر احتكاك البلى بالطنبوره (الى هو الزنه الى انت بتسمعها) اول مالميكانيكى يشوفها هيفهم و لو مافهمش الخراط هيفهم هتقوله الحل ايه هيقلك الكوبلن ده قصير فلما بتقرط عالطنبوره بنضغط عالبليه فتحك فالطنبوره من جوه طول ماانت ماشى و تبوظ يا اما تجيب كوبلن جديد طويل عشان البليه ماتتضغطش او نحط حاجه تسد الفراغ الى بين الطنبوره و البليه زى الورده..
طيب نعمل ايه دلوقتى أقلك ياسيدى هتاخد الطنبوره و تروح لخردواتى عنده ورد انواع و اشكال تمام؟و تخليه يجيبلك ورده على قد الفاتحه بتاعه الطنبوره من جوه و تكون فنفس الوقت الورده طخينه عشان لما تقرط على الطنبوره بالصاموله البليه تبقى بعيد و الورده الى تتضغط ,فالبلى مايحكش فالطنبوره و تعيش معاك
انا كان نفسى احط صور لكن للاسف ماعنديش هحاول ادعبس كده لو عرفت هحط عشان اساعدك
او انك تيجى للميكانيكى الى عندى هو فاهم الموضوع و تريح دماغك و ماتقلقش فالفلوس