حق الجار ....لو جارك رزل

عرض للطباعة

19-01-2011, 05:39 PM
A7MED_PHARMA

حق الجار ....لو جارك رزل

السلام عليكم

بقالي يومين دماغي بتزن ..ومش بعرف أنام
جاري بــــ يبني
صوت الخلاطة والصداع من الفجر ..لدرجة إني مابقتش عارف أنام
لله الأمر
لازم أتحمله
لكن النهاردة ..برضو
أصحى من النوم على صوت الخلاطة..والصداع ووجع الدماغ
وأجي أخرج بالعربية
ألاقي المنظر ده
http://dc01.arabsh.com/i/02572/ri7lrgdq70t1.jpg

أكوام من الرمل..قصاد البوابة بتاعتنا وش
ساب الشارع كله..وجي حط الرمل قدام البوابة
مش عارف أطلع
أتكلم ..يقولي معلش يادكتور
طيب عاوز أطلع
معلش يادكتور.ساعتين ونخلص
ساعتين إيه ياعم الحج..عاوز أخرج
وبعد صداع
ووجع دماغ
وقرف
وكانت هتوصل للخناق
نص ساعة كاملة وأنا واقف فوق السطوح دمي بيغلي ..لحد مالعمال شالوا الرمل من قدام البوابة
طيب
جارك تستحمله
بس لأي درجة
19-01-2011, 06:11 PM
zago

كنت اخدت عربيته وروحت بيها
او حفولك حكمتي الابديه ...
أشتري عربيه جيب

بص يا دكتور انت مضطر طبقا للدين والشرع واحاديث الرسول عليه الصلاه والسلام انك تتعامل معاه كويس
ويمكن بكره انت اللي ترزل عليه مين عارف ؟
19-01-2011, 06:32 PM
dr.hazem

عارف يا احمد
اتعرضت لموقف قبل كده وحكيته هنا
في رمضان وكنت بقالي 18 ساعه مش نايم وجيت ومفيش مكان اركن لقيت عند العماره اللي قدامنا علطول مكان
ركنت وناديت بوابهم قلتله انا فلان الفلاني في الدر كضا لو حد عايزني اشيل العربية آدي بوابنا فلان ابعتهولي وهنزل علطول اشيلها
نمت وصحيت على صوت انذار العربية وجاري الموقر نازل خبط في العربية برجله وكسر المساحه الاماميه
قال ايه عشان تزمر وانزل اشيلها
فمكنش مني الا اني رديت عليه ده مش شارع ابوك (وهوا راجل كبير للاسف) وقالي كلام مش ظريف يعني وانا عمالي اقوله كلمني كويس تاخد كل اللي انتا عايزه....
الخلاصه
اني بست على راسه في الاخير وهديته عشان كان عامل عمليه في عينه وحالته حاله
وقلتله انتا لو مكنتش قد والدي كان هيبقى تصرف تاني معاك عشان يعرف اني مش خوفا ولا ضعفا انما شفقه عليه سبته
والا غير كده كان زمان كل حته منه في جار في معمل الباثولوجي
ههههههههههههههههههههههههه ههههه

وانا اسوأ ما عندي ان جار يسئ ليا
لان الجار المفروض يكون كويس مع جيرانه ولو عالاقل ليأمن شرهم

ربنا يكون في عونك لكن انا لو مكانك وورايا معاد مكنتش هستناه الصراحه ساعتين
كنت هرد واقوله انا احترمتك وجيت كلمتك بالذوق
هما دقيقتين بعدها لا هتلاقي تراب ولا هتلاقي عمال يشتغلو وكفايه اننا مستحملين اذاك والازعاج بتاعك من الفجر....

تحياتي
19-01-2011, 07:10 PM
rosebox

بمناسبة الجيران واحد جارنا عامل نزوله (مش عارفه الواحد يسميها ابه, انما هى اسمنت كده عشان يسهل على عربيته انها تنزل و تطلع الرصيف) و الحركه دى غايظانى جدا جدا جدا لإنه حاجز مكان بصف مستمرررررررره لعربيته لإن محدش يقدر يركن ادام التنزيله دى لإن الشارع ضيق. حاجه بصرااااحه تحرق الدم
19-01-2011, 07:19 PM
A7MED_PHARMA

اقتباس:

المشاركة الأصلية كتبت بواسطة rosebox

بمناسبة الجيران واحد جارنا عامل نزوله (مش عارفه الواحد يسميها ابه, انما هى اسمنت كده عشان يسهل على عربيته انها تنزل و تطلع الرصيف) و الحركه دى غايظانى جدا جدا جدا لإنه حاجز مكان بصف مستمرررررررره لعربيته لإن محدش يقدر يركن ادام التنزيله دى لإن الشارع ضيق. حاجه بصرااااحه تحرق الدم

اعمل انت طوبة قدام التنزيلة دي,,,وإحجز مكان لعربيتك
أو إعمل نفسك مش واخد بالك...إركن مكانه بالظبط
19-01-2011, 07:36 PM
نور القمر

ايه الناس الرزلة دي
في شارع بابا الناس محترمة . بابا زمان قالهم كلنا نركن صف واحد ورا بعض عشان اللي يدخل واللي يطلع يبقه مرتاح
يجي حد رخم جديد يركن في الصف التاني وقفل الشارع ومحدش قادر عليه وسابهم ومشي
راح واحد من الجيران القديمة معاه عربية قديمة معرفلهاش نوع بس مصفحة
وطلع جري بعربيته خبط خبط خبط زي المجانين في عربية الرجل ده ههههههههههههههه شر البلية ما يضحك صحيح
19-01-2011, 07:38 PM
rosebox

اقتباس:

المشاركة الأصلية كتبت بواسطة a7med_pharma

اعمل انت طوبة قدام التنزيلة دي,,,وإحجز مكان لعربيتك
أو إعمل نفسك مش واخد بالك...إركن مكانه بالظبط

ده انا ركنت مره واحده قدام التنزيله دى و عرضت عربيتى انها تتخبط لإن ماكانش فيه مكان ساعنها خالص و ماكانش هو راكن احوا بعتولى عشان انزل ابعدها لإنه يا حرام مش عارف ينزلها من فوق انزل الاقيه هو راكن و لا فيه مشكله و لا حاجه خالص طلعتلهم اكلمهم الاقيهم و لا هنا خالص و مش عايزين يفتحوا الباب اصلا.

هما ناس عجيبه الصراحه ماينفعش الواحد يبلغ الحى؟؟؟ اصل اظن ان ده مخالف اصلا
19-01-2011, 07:43 PM
KHALED AYMAN

ده انتو محترمين اوى :) انا مش هتكلم عن نفسى احسن بدل ما تفكرونى بلطجى ...بس فى المقابل الى انتو بتحكو عليه ده ميجيش حاجه فى الى كان بيحصل معانا
19-01-2011, 07:47 PM
A7MED_PHARMA

اقتباس:

المشاركة الأصلية كتبت بواسطة khaled ayman

ده انتو محترمين اوى :) انا مش هتكلم عن نفسى احسن بدل ما تفكرونى بلطجى ...بس فى المقابل الى انتو بتحكو عليه ده ميجيش حاجه فى الى كان بيحصل معانا

عارفك بلطجي
هههههههههههههههههههههه
19-01-2011, 07:49 PM
Hazeeeeem

والله اصناف الجيراااان كتيره جدا وربنا يرحمنا ويهدى الجميع ,,
انا مثلا كنت كل ماجى اركن العربيه اعمل مشكله مع الجار بسبب انه عنده ورشة الوميتال فى الشارع وما شاء الله الورشه كبيره لكن تقول ايه بئى ما يحلالوش يشتغل الا بره الورشه ويقفل الطريق وتيجى تقوله بعد اذنك وسع عشان اركن يبصلك بقرف زى ما اكون بشتمه ,,, ومشكله فى مشكله لحاااااااد ما تعبت وقلت اركن بعيد او على الشارع الرئيسى احسن والحمد لله ركنت ع الشارع الرئيسى كسرو العربيه وسرقوها !!! شوفتوا اخرة اللى يتقى شر الجيران
19-01-2011, 08:17 PM
KHALED AYMAN

اقتباس:

المشاركة الأصلية كتبت بواسطة A7MED_PHARMA

عارفك بلطجي
هههههههههههههههههههههه

ههههههههههه مهو بيكون غصب عن الواحد :argue1:
19-01-2011, 08:23 PM
M.Nasr

متابع وعايز اعرف الجار الرزل الواحد يتصرف ازاى معاه
20-01-2011, 01:47 AM
A7MED_PHARMA

اقتباس:

المشاركة الأصلية كتبت بواسطة m.nasr

متابع وعايز اعرف الجار الرزل الواحد يتصرف ازاى معاه

تكون أ رخم منه
20-01-2011, 07:20 AM
misoalex

معلش يا دكتور فيه ناس لما بتكلمها بأسلوب كويس بتستعبط فيها

بس المشكله ان الواحد لما بيحط نفسه مكان جاره وهو الى محتاجه

بس حنعمل ايه مهو هنا فى مصر الناس ماشيه بمبدأ الجار للجار والناس لبعضيها

بس يبقى المبدأ ده على عينى وراسى لما الناس كلها تمشى بيه ويبقى كل الناس لبعضيها مش ناس تستغل ناس
20-01-2011, 09:09 AM
احمد المصرى

اخى الكريم

جارك ال بيبنى بيته دا برضوا عنده ظروف وهيا انه لازم يحط كميه رمل بكميه كبيره ولازم تستحمله انا عارف ان الصوت غريب ومزعج جدااااااااااااااااااا بس واجب عليك تستحمله وافتكر ان المونه بتاخد ايام مش اكتر والرمل دا بيخليه ايام بس لحد لما يبنى الخرسانه

وربنا يهون عليك صداع الخلاطه بس لو انت بتبنى مكانه هل يوجد حل تانى والعمال بيشتغلوا من الفجر قبل الحر فى الصيف وقبل المطر فى الشتاء علشان يخلصوا بسرعه
20-01-2011, 10:29 AM
shaddadfalcon1

انا شايف برده انك تستحمله يادكتور والراجل ممكن بيعمل كده من عشمه

يعني هل هو دايما بيرزل ولا عشان ظروف البناء بس؟

لو علي البناء فده المفروض مش هياخد ايام ولازم تستحمله لكن لو جار دايما بيرزل زي الورش والحاجات فدي لازم تشوف معاها حل طبعا
20-01-2011, 10:52 AM
LORD.ADeL

طب دة رمل وهيتشال يا دوك
طب بقا اللى عندي مش عارف اعمل معه حاجه ومحترم نفسي لانى اذا اتكلمت مع شخصيه زي دى يبقى بهزق نفسي؟
البيه مقاول تمام وعندة بقا ايه عربيتن نص نقل دبابة دي وعربيه مرسيدس وتريله اة والله
البيه بقا ايه ركنهم كلهم فى شارع امام العمارة واصلا عمارة كلها فيها 4 عربيات بيااا اوكي
باشا بقا بيركن كل دول فى شارع وشارع مكفي بالعفيه تريله دي بقا ميهسه وبفوت يجي بقا ايه رافع ظهر العربيه اكنه هينزل رمل
ويقعد بقا يصلح فيها يعمل ورشه ودخان وصوت غربي ودوشه وانتم عارفين بقا صوت تيرليه وهيا بتتصلح ماتورررر وانا اساكن فى الاول ومفيش اي نوع من زوق وتكلمنا معه كذا مرة يقولنا يعنى اركن فين مش قدام بيتي طب راعى ان معاك جيران ومعهم عربيات يكنو فين يرد وانا اركن فين طيب بياخد كل الامكان ومشكله انه مش رسي ع مكان بينوع اللى يلاقيه فاضي يركن وانتم اخبطو راسكم فى حيط وطبعا كل كلامى دة غير بقا ايه انه بيعمل كار كير كامل فى شارع وتعرف بقا غسيل تيريله فى شارع اي نتياجه عفرة وطينه وحجات بجد مش عارفين نعمل ايه معه وبنعمله بحق جيرة مع ان لسه اعوذ بالله سب وشيتمه وقرف بجد كل يوم بحسبن ع ام صاحب العمارة القديم انه سكن شخصيه زي دة معنااا واللعلم العمارة كلها ناس محترمة جدا دكاترة ومهندسين ومحامي يعنى بجد مش عارفين نعمل ايه عندكم انتم حل بقااا مع شخصيه زي دي ((:
20-01-2011, 01:07 PM
A7MED_PHARMA

ياشباب

أستحمله عادي مفيهاش مشكلة..خاااااااالص والله
بس ركزوا في الصورة كويس

أدي العربية جوه البيت .. وأدي البوابة...أدي الشارع والرمل إلي سادد مدخل البوابة
http://dc01.arabsh.com/i/02572/ri7lrgdq70t1.jpg
الصورة دي بعد ماشالوا أكتر من نص الرمل

كانوا قفلين البوابة بتاعت البيت ..والعربية جوه
أطلع أنا إزاي ...وأشوف أكل عيشي
ولا أقول جاري ..وأستحمله
وأروح شغلي ماشي على رجلي ..وأسيب العربية نايمة في البيت
علشان البيه جاري ..حط الرمل قدام البوابة على طووووول .حتى من غير مايستأذن أصحاب البيت إلي هما إحنا
وكأن الشارع بتاع أبوه
20-01-2011, 01:27 PM
Mahmoud Mosaad

اقتباس:

المشاركة الأصلية كتبت بواسطة a7med_pharma

ياشباب

أستحمله عادي مفيهاش مشكلة..خاااااااالص والله
بس ركزوا في الصورة كويس

أدي العربية جوه البيت .. وأدي البوابة...أدي الشارع والرمل إلي سادد مدخل البوابة

الصورة دي بعد ماشالوا أكتر من نص الرمل

كانوا قفلين البوابة بتاعت البيت ..والعربية جوه
أطلع أنا إزاي ...وأشوف أكل عيشي
ولا أقول جاري ..وأستحمله
وأروح شغلي ماشي على رجلي ..وأسيب العربية نايمة في البيت
علشان البيه جاري ..حط الرمل قدام البوابة على طووووول .حتى من غير مايستأذن أصحاب البيت إلي هما إحنا
وكأن الشارع بتاع أبوه

بص يا أحمد بس عشان تبقى عارف إن مش كل الناس زي بعضها وبيفكروا زيك
أنا عارف إن اللي مضايقك إن اللي عملوه دة قلة ذوق عشان إنت حطيت نفسك مكانه ولقيت إن إنت كنت هتستأذن الأول
وهو أما عمل كدة غالباً مش كان قاصد أو ما كنش واقف والرمل بينزل وده غلطة اللي نزله
أنا مش بدافع عنه بس بحول أوصلك تفكيره ممكن كان إيه وهو بيعمل كدة
وناس كتيير أوي بتعمل حاجات قليلة الذوق من وجهة نظرنا ومن وجهة نظر المنطق لكن من وجهة نظرهم هما انها عادي والناس لبعديها بقى والكلام ده
أرجو انك تكون فهمت قصدي وهدي نفسك كدة يا رجل شوية عشان شكلك كدة عصبي
20-01-2011, 03:17 PM
shaddadfalcon1

اه صحيح مش يمكن الراجل اللي نزل الرمله حطها وخلاص؟
20-01-2011, 03:29 PM
فادى محمد

في مره ركنت قدام راجل كبير واقف يرش الشجر اللي قدام بيته بالميه ولقيته فجاه بيرش عربيتي بالميه ولما سالته ليه بتعمل كده علي صوته وشتم ومد ايده ومسك هدومي . والراجل بتاع 70 سنه ماهيستحملش اي خبطه مني وممكن اعمله اعاقه او يموت فيها ,الحقيقه انا افتكرت قول ربنا سبحانه وتعالي (والكاظمين الغيظ ) نزلت ايده واتكلمت بزوق ولما الناس اتلمت طبعا قالوا الراجل ده (انا)مش غلطان والراجل اللي المفروض كبير مش محترم سنه ,قولتلهم خلاص انا مسامح ..مرت ايام وهو جاري بس مايعرفنيش لقيته بيخبط علي ازاز العربيه وانا بسخنها الصبح وبيقوللي ماتزعلش مني انا عندي ضغط وسكر واعصابي بتبوظ بسرعه ..نزلتله وسلمت عليه وصافي يالبن .من يومها والراجل ده تصرفاته اختلفت تماما بعد الموقف ده مع كل الناس .فياريت كل واحد يكون عنده شيء من الصبر وسعه الصدر وبالذات مع كبار السن.