عندي استفسار هل يمكن وضع التلاجة وجمبها علي طول البوتجاز؟
هل دة ممكن يضر التلاجة؟؟مع العلم انهم حيبقي الفرق بينهم بتاع 5 سم؟
مساحة المطبخ 2.25 طول و 1.90 عرض
عندي استفسار هل يمكن وضع التلاجة وجمبها علي طول البوتجاز؟
هل دة ممكن يضر التلاجة؟؟مع العلم انهم حيبقي الفرق بينهم بتاع 5 سم؟
مساحة المطبخ 2.25 طول و 1.90 عرض
السلام عليكم
طبعا غلط واكبر غلط وهاتلاقي مكتوب كده في الكتالوج بتاع التلاجة . البوتاجاز بيطلع حرارة عالية جدا وخصوصا في الصيف لو شغلت الفرن بتاعة البوتاجاز هاتطلع حرارة جامدة جدا من اجنبي البوتجاز وده طبعا غلط على التلاجة جدا .
ده اصلا بيقولك لازم تسيب مسافة مش اقل من 20 سم مابين التلاجة والحيطة عشان حرارة موتور التلاجة ماتاثرش عليها . مابالك بقى بوتاجاز ؟؟
حاول تغير المكان ان امكن وربنا معاك ان شاء الله
وجهة النظر بتاعتى
الكلام اللى فوق صح
كمان التلاجة عاملة زى الردياتير
بتبادل الحرارة مع الجو حولها
هتحطها فى مكان ساخن
يبقى تبريدها سيء
مبدئيا كل الردود السابقة سليمة وده اللى هياكدوه شركة الغاز (لو البوتاجاز جديد وهيركبوه) او شركة التلاجة لو كلمتهم تسالهم.
لان كان عندى نفس مشكلة المساحة وغيرت مكان التلاجة لما عرفت انه كمان غلط التلاجة تبقى جنب ماسورة الغاز.
البوتاجاز على الاقل 10 ل 15 سم بعيد عن الماسورة والتلاجة على الاقل 60 سم
بص يابشا مفيش مشكلة بالنسبة للغاز حيث ان التلاجة لو حطتها جمب البوتاجاز حيبقي في فرق بين ماسورة الغاز والتلاجة حوالي 60 سم او اكتر اللي هما فرق البوتجاز لان الماسور حتنزل بعد البتجاز وليس بين التلاجة والبوتاجاز
كنت قريت رد للاستاذ سبعاوي قال انه مفيش اي مشكلة من وجود الاتنين جمب بعض ححاول اوصل للرد او ان استاذ سبعاوي يشرفني بالرد هنا
هو غلط زي مالجماعة وضحوا بس لو مضطر و مافيش غير المكان ده ممكن أقترح عليك تعمل طبقة عازل فوم كويسة 10 سم تقريبا وتكسيها بصاجة وتبقي زي جدار فاصل بين ال2
أنا ماجربتهاش بس نظريا ممكن
http://www.tradenote.net/images/user...ges/183271.jpg
http://www.marinemegastore.com/image...LA_35637_L.JPG
أكيد كل حاجه تنفع...
بس على حساب الكفاءات...
معدل تبريد التلاجه حيكون وحش جدا.+إستهلاك كهرباء عالي+عمر إفتراضي قصير لموتور التلاجه.
إن لم يكن هناك مفر..العازل الحراري اللي البشمهندس محمد قال عليه مفيد نوعا ما..
و إن كان بردو مش حيعمل الكفاءه.
إن التلاجه موتورها بيشتغل عشان يسقع..
و هي جنب مصدر حراره..
و من الطبيعي مثلا إن الموتور لو حيشتغل حيشتغل ربع ساعه مثلا..ويوصل لدرجة الحراره المطلوبه..و بعد كده حيفصل...و يفضل فاصل شويه ..و بعدين يشتغل تاني..
إنما فى حالة إن البوتاجاز جمبه..يبقى الموتور شغال عشان يبرد..و جمبه مصدر حراره بيسخن..
هو يبرد..وده يسخن..
ولو فصل..هما دقيقتين اللي حيفصل فيهم...ويرجع يشتغل تاني لأن درجة الحراره اللي نزلها..حترجع تطلع تاني بمعدل أسرع من الطبيعي تحت تأثير حرارة البوتاجاز..
مكتوب على فكره في الكتالوج إن لو الجدار اللي ورا التلاجه...الشمس ضاربه فيه..يفضل وضع التلاجه على بعد ربع متر تقريبا أو حاجه زي كده..
الكلام ده سواء تلاجه أو تكييف..
يارب أكون أفدتك
هوا مفيش مكان متاح في أي حته من الشقه غير المكان ده؟؟
ولو حيتحطوا جمب بعض...حتكون المسافه بينهم قد أيه تقريبا..؟
بص ياباشا انا مش بقتنع بوجود التلاجة برا المطبخ انا عندي عرض الطول 2.3
اول ما تدخل علي الشمال التلاجة ودي عرضها 70 سم وجمبها البوتجاز 70 سم برضه يتبقي لينا 90 سم منهم 60 سم بروز رخامة و30 سم وحدة ادراج اليموتال
من الممكن احط الوحدة ال 30 سم بين التلاجة والبوتاجاز لكن انا مش حاببها هنا
من الاخر انا بقالي 3 سنين حاططهم حنب بعض عشان مكنش ينفع غير كده ....
ومش حاسس بأي تأثير على الثلاجة ( بسم الله ماشاء الله ) عشان الواحد مايحسدش نفسه ....
لو انت معندكش حل غير كده توكل على الله وخليهم يونسوا بعض في البرد اللى احنا فيه ده ....
معلش انا فهمت من كلامك لإن المطبخ فيه تلاجه..وفيه وحدة أدراج ألوميتال..
بس حضرتك عايز تحط البوتاجاز-التلاجه- وحدة الألوميتال..
مش كده؟
طيب ليه..؟
متحطها في النص بينهم..
هو ده أحسن طبعا ميه الميه.
بس مادمت مصمم..هو هندسيا حل مش مقبول...
بس إستعين بالعوازل طبعا..
أو ممكن تتصرف في الرخامه اللي طالعه دي لو ملهاش لازمه..
إستهلاك الكهرباء اللي كان قصدي عليه..هو إستهلاك يبان معانا إحنا في المعادلات..
بس حيفضل بردو فيه فرق لو حضرتك شيلت التلاجه من جمب البوتجاز.وده طبعا على إستهلاك التلاجه لوحده..
وده عمر محضرتك حتحس بيه..إلا لو ركبت عداد على التلاجه لوحدها وشوفت الفرق في الحالتين.
خلي بالك ان الثلاجات الجديده بيبقي مواسيرها فى الاجناب فلازم تخلي الاجناب متهوية يعنى في مسافه بينها وبين اي شئ جنبها