الموضوع: عايز ارخص سلاح مسدس

المشاركة الأصلية كتبت بواسطة amz2011

متشكر جدا جدا على المشاركة و على سرعة الرد.
بص ياباشا انا بشتغل فى توكيل اجهزة مساحية و التوكيل داه بتاع والدى. المهم كتير بناخد شغل فى الصحراء الغربية و الشرقية و الساحل الشمالى زى قرى سياحية و مزارع و المنتجات و تتراوح القطع 2000 فدان و ساعات 10000 فدان و يكون اقرب طريق لينا على بعد خمسين كيلو مثلا المهم اخطر حاجة بتقابلنا الثعابين و العقرب و الديابة و الثعالب و الكلاب الضالة فى الصحراء و كتير جدا الحيوانات دية بتهجم علينا. هو داه الهدف الرئيسى من ترخيص السلاح المهم انى كلمت ناس اعرفهم واحد قالى عات 60000 جنية و انا هطلعلك التصريح و ناس قالت 40000 و اخر عرض قالولى 30000 من محامى و قالى ان اللى هيساعدو لواء فى الداخلية و ان الفلوس ديه مش ليه بس انا شايف ان المبلغ كبير جدا و احنا مش بنسرق و المبالغ ديه كبيرة . فى ناس قالتلى ان الديابة تخاف من صوت ضرب نار فناس نصحيت بحمل مسدس صوت و بعد كده ناس قالتلى ان داه غلط و ممكن يعملى مشاكل من الشرطة لما انا محتار!!!!!!

السلام عليكم
كدا المفروض إن حضرتك من حقك إنك ترخص سلاح لإن ده يعتبر من متطلبات شغلك وممكن تتقدم بإلتماس لزير الداخليه مبينا ً فيه دواعى الترخيص الملحه على أن ترفق بطلبك كل مايفيد ويؤكد ذلك من سابقة أعمال إلى السجل التجارى وماشابه ذلك
بالنسبه للأسعار طبعاً ده كلام فارغ جداً جداً منتدفعش حضرتك حاجه من ده كله إحنا عندن االأمور بتمشى عادى خالص أى نعم بطول بس بتم طالما طلبك قانونى وأنا بتكلم على فترة خمس سنين مش عارف الزضع دلوقتى عامل ازاى
أما عن الطبنجه الصوت اطمن حضرتك لايجرمها الفانون إطلاقاً بس هى المشكله فى الغلاصه يعنى لوقابلك حد من الأشكال اياها لازم حضرتك تكون عارف ايه الفرق بين الطبنجه الصوت والحى علشان تعرف تقنعه لإنه فى الغالب بياخدها ليه
بالنسبه حضرتك للذئاب فهى تخاف بشده من صوت ضرب النار وطبعاً مش بتفرق بين الحى والصوت
لعلمك الذئاب حيوانات جبانه وليس كما عو معروف عنها وبمجرد رؤويتها لأى بريق معدن أو سماع صوت لاترى منها شىء

المشاركة الأصلية كتبت بواسطة dojuar

انا كنت فاكر المسدس و الطبنجة نفس الحاجة

ممكن الفرق ما بينهم من باب العلم بالشئ؟

السلام عليكم
الفرق بين المسدس والطبنجه كالأتى
المسدس حضرتك اللى هو بيكون فى حاجه مدوره عامله زى الساقيه ويتم إدخال الطلقات كل واحده على حده فى مكانها على التوالى ويتم إطلاق النار فيه عن طريق التناوب بين فتحات الساقيه(يعنى الساقيه بتلف بمعدل حركه واحده فى كل ضغطه على الحرك)
أما الطبنجه فهى التى يتواجد فيها الجزء العلوى الذى يسمى بالأجزاء ويتم سحبه للخلف عند البدء فى إطلاق النار ويتم إدخال الطلقات(التعمير)عن طريق مايسمى بالمشط وهو جزء يتم فصله نهائياً بالضغ على زر معين ويتم وضع الطلقات واحده فوق الأخره(معذرة النت بطى للغايه كان بودى أوضحلك بالصور)
أتمنى تكون الصوره وضحت لحضرتك....كفاكم الله شر السلاح ولا أحوجكم له أبداً

المشاركة الأصلية كتبت بواسطة amz2011

بص حضرتك انا لسه مرخصتش اى حاجة انا عمال اسال علشان اتاكد من سعر الترخيص

حضرتك ماتقلق من مصاريف الترخيص كلها حاجات لاتذكر قد لاتتعدى ألفين جنيه فى هذه الأيام
وأسعار الأسلحه زى ماذكرت لحضرتك تبدأ من حوالى 4 ألاف جنيه وإلى ماشاء الله بعنى ممكن حضرتك تشترى مسدس ب50 ألف جنيه لكن طبعاً مالوش لزمه خصوصاً إن حضرتك مش هاوى علشان كدا الحلوان هتأدى الغرض معاك
ياريت إميل حضرتك على الخاص علشان أبعتلك قانون الأسلحه والذخائر بس اعذرنى مش هينفع النهارده للأسف

المشاركة الأصلية كتبت بواسطة amz2011

متشكر ليك ياباشا على اهتمامك فى ناس قالتلى انى اعمل محضر فى القسم بحمل مسدس صوت علشان لو جية ضابط خلس اورريله المحضر ايه رايك ياباشا؟!!

السلام عليكم
كلام مظبوط ياباشا 100%بس أنا سمعت مؤخراً إنهم أختزلوا مدة المحضر فى 3أيام بس(بقول سمعت)ياريت تخليه يكتبلك نوع الطينجه فى المحضر بالتفصيل
على فكره ياباشا الموضوع مش مستاهل ده كله الطبنجه الصوت لايجرمها القانون إطلاقاً
ولو هتجيب صوت هات بريتا 9مللى وفى ناس هتقولك مفيش 9 علشان يبيع ال8مللى اللى عنده لكن أنا بقولك ياباشا فى صوت 9مللى المشط ال9طلقات تعمل حوالى 700جنيه ولوحد هيخدمك ممكن تاخدها ب400جنيه لإنهم بيكسبوا بالهبل
وتحت أمرك فى أى إستفسار

الاخ hhoo كنت سمعت ان فيه ناس بتقلب المسدس الصوت الى مسدس حي الموضوع ده ممكن ولا لاء ... الاخ amz2011 في فترة من الفترات كنت شغال في مواقع مشابه للي انت شغال فيها كنا بنقوم بأعمل مساحية بأجهزة التوتال استيشن ومثيلتها وكنت انا شغال محاسب في هذه المواقع كنت بحمل مسدس بس كان صوت مازال معي لا تفرقه عن الحقيقي في شئ ومعه جراب يعلق بحملات على الصدر ايضا معي مسدس بيطلق بلي رصاص عن طريق الغاز وده من الممكن الاصابة به واصابات ممكن ان تكون خطيرة اما ترخيص السلاح فعلا بيكون مشوار صعب لاني مشيت فيه قبل كده ومكملتش المشوار من بدايته فعلا لو تعرف تشترك في نادي رماية وترخص بندقية رماية خرطوش هيكون افضل

المشاركة الأصلية كتبت بواسطة abogogo

الاخ hhoo كنت سمعت ان فيه ناس بتقلب المسدس الصوت الى مسدس حي الموضوع ده ممكن ولا لاء ... الاخ amz2011 في فترة من الفترات كنت شغال في مواقع مشابه للي انت شغال فيها كنا بنقوم بأعمل مساحية بأجهزة التوتال استيشن ومثيلتها وكنت انا شغال محاسب في هذه المواقع كنت بحمل مسدس بس كان صوت مازال معي لا تفرقه عن الحقيقي في شئ ومعه جراب يعلق بحملات على الصدر ايضا معي مسدس بيطلق بلي رصاص عن طريق الغاز وده من الممكن الاصابة به واصابات ممكن ان تكون خطيرة اما ترخيص السلاح فعلا بيكون مشوار صعب لاني مشيت فيه قبل كده ومكملتش المشوار من بدايته فعلا لو تعرف تشترك في نادي رماية وترخص بندقية رماية خرطوش هيكون افضل

السلام عليكم
[warning][warning]حذارى ثم حذارى ثم حذارى من عملية قلب المسدس الصوت إلى حى بالله عليكم ياجماعه الموضوع ده مسألة حياه أو موت...والله كان بيدور فى خاطرى أن أذكر الأخ صاحب الموضع بهذه النقطه وأنسانى الشيطان فجزاكم الله خيراً على هذا السؤال القيم والمفيد
الطبنجه الصوت لايستطيع أن يفرقها عن الحى إلا خبير(حد بيفهم يعنى)وحذارى إن حد يستخدمها فى مواجهة لص أو ماشابه ذلك لأن الشخص الذى لديه خبره فى الأسلحه يستطيع التفرقه عن قرب بين الصوت والحى[/warning][/warning]