عايز ارخص سلاح مسدس ياترى حد يعرف ايه الخطوات وياترى الموضوع داه يتكلف كام لحسن انا بسمع ارقام غربية
عرض للطباعة
عايز ارخص سلاح مسدس ياترى حد يعرف ايه الخطوات وياترى الموضوع داه يتكلف كام لحسن انا بسمع ارقام غربية
السلام عليكم
بالنسبه لترخيص الأسلحه الناريه لابد من وجود سب للترخيص يعنى تكون حضرتك رجل أعمال تمتلك حيازه زراعيه تمتلك نشاط تجارى مش سجل تجارى يعنى حاجه مثلاً زى محل صرافه........مع ان القانون ينص على السجل التجارى لكن طبعاً حضرتك عارف ان السجل التجارى عند البقال والسوبر ماركت
وممكن حضرتك تشترك فى أحد نوادى الصيد وترخص سلاح للصيد بس الإجراءت صعبه وخصوصاً اليومين دول
بالنسبه للتكلفه نوعان
تكلفة الترخيص والمصاريف النثريه وده طبعاً حاجات فاصيه بالنسبه لحمل سلاح
ثانياً ثمن السلاح(مسدس أو طبنجه)
بالنسبه للمسدس بيبدأ من750جنيه ساقيه 5طلقات 9مللى ومعرفش نوعه لإنى مبحبش المسدسات
بالنسبه لطبنجات تبدأ من حوالى 4 ألاف جنيه وهى الطبنجه الحلوان يرمز لها بحلزان920 وفى ناس بتقول عليها حلوان 92 وفى ناس بتسميها سوبر حلوان ولم يصدر منها الا 2 حلوان نوع قديم وال920 وجميعها 9 مللى
تقييمى للمسدس الحلوان مسدس عملى قطع غيار متوفره سهل الصيانه والفك والتركيب يؤدى الغرض ولكنه لايدخل فى منافسه مع الاسلحه العالميه(تفرق كثير لوحضرتك هاوى)
مروراً بعد كاد بالبريتا الإيطالى ثم الولتر الألمانى ثم السى زت ثو الأسبانى فالجروك وهى ذات طلقات 9و8و7.5مللى
مع أمشاط مفاوتة الأحجام(أى متوافر مناه أكثر من موديل)
يارب أكون أفدتك
نصيحه أخيره:أذا لم يكن هناك سبب مقنع وملح لإقتناء السلاح أتمنى أن تعدل عن هذه الفكره خصوصاً لوحضرتك شاب أو مما لايستطيعون السيطره على أعصابهم ولوكنت مما يمتلكون الهدوء والثبات الإنفعالى أتمنى أيضاً أن تعدل عنها
الاستاذ amz2011 بيسأل عن خطوات الترخيص,,,مش عن المسدسات...
شكرا أخونا hhoo على المعلومات القيمة
بخصوص الترخيص فإجابته: للأسف مش هتعرف إلا بواسطة تقيلة
غير كده حاول بس 99% وأكتر مش هتعرف
الشروط فظيعة
ولو عرفت هتكره الترخيص لأنه لازم يتجدد كل سنة بنفس الخطوات مش كل 3 سنين مثلا زى العربية
متشكر جدا جدا على المشاركة و على سرعة الرد.
بص ياباشا انا بشتغل فى توكيل اجهزة مساحية و التوكيل داه بتاع والدى. المهم كتير بناخد شغل فى الصحراء الغربية و الشرقية و الساحل الشمالى زى قرى سياحية و مزارع و المنتجات و تتراوح القطع 2000 فدان و ساعات 10000 فدان و يكون اقرب طريق لينا على بعد خمسين كيلو مثلا المهم اخطر حاجة بتقابلنا الثعابين و العقرب و الديابة و الثعالب و الكلاب الضالة فى الصحراء و كتير جدا الحيوانات دية بتهجم علينا. هو داه الهدف الرئيسى من ترخيص السلاح المهم انى كلمت ناس اعرفهم واحد قالى عات 60000 جنية و انا هطلعلك التصريح و ناس قالت 40000 و اخر عرض قالولى 30000 من محامى و قالى ان اللى هيساعدو لواء فى الداخلية و ان الفلوس ديه مش ليه بس انا شايف ان المبلغ كبير جدا و احنا مش بنسرق و المبالغ ديه كبيرة . فى ناس قالتلى ان الديابة تخاف من صوت ضرب نار فناس نصحيت بحمل مسدس صوت و بعد كده ناس قالتلى ان داه غلط و ممكن يعملى مشاكل من الشرطة لما انا محتار!!!!!!:help1::help1::help1:
هات مسدس صوت ومتخافش من المشاكل لان هو الى عرفته انه مش ممنوع ولكن الظباط بيرخمو على الى شايله لو شافه معاك
واظن انت مش بتتفتش كل يوم
انا كنت فاكر المسدس و الطبنجة نفس الحاجة
ممكن الفرق ما بينهم من باب العلم بالشئ؟
بص يا باشا المنتدى دة مصرى مخصص للصيد والسلاح هتلاقية بيجاوب على كل استفساراتك
GOLDENHUNTER.NET
شكرا يارجاله على المناقشة و الاهتمام
السلام عليكم
كدا المفروض إن حضرتك من حقك إنك ترخص سلاح لإن ده يعتبر من متطلبات شغلك وممكن تتقدم بإلتماس لزير الداخليه مبينا ً فيه دواعى الترخيص الملحه على أن ترفق بطلبك كل مايفيد ويؤكد ذلك من سابقة أعمال إلى السجل التجارى وماشابه ذلك
بالنسبه للأسعار طبعاً ده كلام فارغ جداً جداً منتدفعش حضرتك حاجه من ده كله إحنا عندن االأمور بتمشى عادى خالص أى نعم بطول بس بتم طالما طلبك قانونى وأنا بتكلم على فترة خمس سنين مش عارف الزضع دلوقتى عامل ازاى
أما عن الطبنجه الصوت اطمن حضرتك لايجرمها الفانون إطلاقاً بس هى المشكله فى الغلاصه يعنى لوقابلك حد من الأشكال اياها لازم حضرتك تكون عارف ايه الفرق بين الطبنجه الصوت والحى علشان تعرف تقنعه لإنه فى الغالب بياخدها ليه
بالنسبه حضرتك للذئاب فهى تخاف بشده من صوت ضرب النار وطبعاً مش بتفرق بين الحى والصوت
لعلمك الذئاب حيوانات جبانه وليس كما عو معروف عنها وبمجرد رؤويتها لأى بريق معدن أو سماع صوت لاترى منها شىء
السلام عليكم
الفرق بين المسدس والطبنجه كالأتى
المسدس حضرتك اللى هو بيكون فى حاجه مدوره عامله زى الساقيه ويتم إدخال الطلقات كل واحده على حده فى مكانها على التوالى ويتم إطلاق النار فيه عن طريق التناوب بين فتحات الساقيه(يعنى الساقيه بتلف بمعدل حركه واحده فى كل ضغطه على الحرك)
أما الطبنجه فهى التى يتواجد فيها الجزء العلوى الذى يسمى بالأجزاء ويتم سحبه للخلف عند البدء فى إطلاق النار ويتم إدخال الطلقات(التعمير)عن طريق مايسمى بالمشط وهو جزء يتم فصله نهائياً بالضغ على زر معين ويتم وضع الطلقات واحده فوق الأخره(معذرة النت بطى للغايه كان بودى أوضحلك بالصور)
أتمنى تكون الصوره وضحت لحضرتك....كفاكم الله شر السلاح ولا أحوجكم له أبداً
حضرتك ماتقلق من مصاريف الترخيص كلها حاجات لاتذكر قد لاتتعدى ألفين جنيه فى هذه الأيام
وأسعار الأسلحه زى ماذكرت لحضرتك تبدأ من حوالى 4 ألاف جنيه وإلى ماشاء الله بعنى ممكن حضرتك تشترى مسدس ب50 ألف جنيه لكن طبعاً مالوش لزمه خصوصاً إن حضرتك مش هاوى علشان كدا الحلوان هتأدى الغرض معاك
ياريت إميل حضرتك على الخاص علشان أبعتلك قانون الأسلحه والذخائر بس اعذرنى مش هينفع النهارده للأسف
السلام عليكم
كلام مظبوط ياباشا 100%بس أنا سمعت مؤخراً إنهم أختزلوا مدة المحضر فى 3أيام بس(بقول سمعت)ياريت تخليه يكتبلك نوع الطينجه فى المحضر بالتفصيل
على فكره ياباشا الموضوع مش مستاهل ده كله الطبنجه الصوت لايجرمها القانون إطلاقاً
ولو هتجيب صوت هات بريتا 9مللى وفى ناس هتقولك مفيش 9 علشان يبيع ال8مللى اللى عنده لكن أنا بقولك ياباشا فى صوت 9مللى المشط ال9طلقات تعمل حوالى 700جنيه ولوحد هيخدمك ممكن تاخدها ب400جنيه لإنهم بيكسبوا بالهبل
وتحت أمرك فى أى إستفسار
الاخ hhoo كنت سمعت ان فيه ناس بتقلب المسدس الصوت الى مسدس حي الموضوع ده ممكن ولا لاء ... الاخ amz2011 في فترة من الفترات كنت شغال في مواقع مشابه للي انت شغال فيها كنا بنقوم بأعمل مساحية بأجهزة التوتال استيشن ومثيلتها وكنت انا شغال محاسب في هذه المواقع كنت بحمل مسدس بس كان صوت مازال معي لا تفرقه عن الحقيقي في شئ ومعه جراب يعلق بحملات على الصدر ايضا معي مسدس بيطلق بلي رصاص عن طريق الغاز وده من الممكن الاصابة به واصابات ممكن ان تكون خطيرة اما ترخيص السلاح فعلا بيكون مشوار صعب لاني مشيت فيه قبل كده ومكملتش المشوار من بدايته فعلا لو تعرف تشترك في نادي رماية وترخص بندقية رماية خرطوش هيكون افضل
السلام عليكم
[warning][warning]حذارى ثم حذارى ثم حذارى من عملية قلب المسدس الصوت إلى حى بالله عليكم ياجماعه الموضوع ده مسألة حياه أو موت...والله كان بيدور فى خاطرى أن أذكر الأخ صاحب الموضع بهذه النقطه وأنسانى الشيطان فجزاكم الله خيراً على هذا السؤال القيم والمفيد
الطبنجه الصوت لايستطيع أن يفرقها عن الحى إلا خبير(حد بيفهم يعنى)وحذارى إن حد يستخدمها فى مواجهة لص أو ماشابه ذلك لأن الشخص الذى لديه خبره فى الأسلحه يستطيع التفرقه عن قرب بين الصوت والحى[/warning][/warning]
بالنسبة لقانون الترخيص: ده اللى لقيته على النت:
. يجب أن تتوافر إحدى العوامل المؤهلة لحمل سلاح ( امتلاك أرض زراعية لا تقل عن 5 أفدنة - أو مزرعة كبيرة - أو شركة برأس مال لا يقل عن ؟؟؟ ) ثم استمارة طلب ترخيص سلح ناري من القسم التابع له - موافقةالأمن العام " إدارة التصاريح " - موافقة أمن الدولة " بعد التحريات " - و خلال شهر تحصل على التصريح ولا يصرح الا ب 9 مللى
وممكن تسال برده عند فتح الباب اللى فى وسط البلد امام نقابة المحامين
ولاننى بطلع سفارى كتير فاقدر انصحك ب :
الثعابين و العقرب : رش شبة حول منطقة العمل
الديبة و الثعالب و الكلاب الضالة فى الصحراء : ولعوا نار بخشب فى شكل كتل متفرقة على بعد 5 متر من بعضهم.
الفرق بين مسدس الصوت والحى هو الاتى
خامة المسدس الوصت بيدخل فيها مادة الانتمونيا ودة لو تم تحولية ممكن يسبب اصابة قاتلة لحاملة علشان كدة بلاش
المسدس الحى بيبتدى سعرة من 2000 جنية ودة الحلوان ومعاك لحد 50 الف المستورد
انا انصحك تجيب مسدس صوت هيعمل حوالى 1000 جنية الكويس ولو هتشترية اشترى 8 مللى علشان طلقاتة ارخص من ال9 مم
هتلاقى كل انواع المسدسات الصوت وقوانين التلراخيص موجودة على منتدى جولدن هنتر
GOLDENHUNTER.NET
طيب الانواع الكويس ايه حضرتك انا اسمع ان فيه تركى وفيه صينى بيقولو عليه تركى وحاجات كتير الواحد مش عارف الكويس من الوحش
والطلقات ال 8 مللى بكام
وهل ال 8 مللى الظباط وكده عارفين انه مش حى ولا برضه ممكن يشكو فيه
وبالنسبه للصوت الى بيطلع هل فيه فرق بين ال 8 وال9
معلش اسئلتى كتير بس انا نفسى فى حد فاهم من زمان فى الموضوع ده
من الشركة الاهلية للأسلحة ومكانها امام سنترال العتبة تليفونهم 25902625
وفي محل بجوار نقابة المحاميين وفي محل في شارع الجمهورية بعد البنك المركزي الجديد في اتجاه ميدان رمسيس ومحل في اول شارع عدلي من ميدان الاوبرا تقريبا... انا كنت شاري الصوت ب500 جنيه وكان ايطالي من حوالي 10 سنين حاجة محترمة اما البلي كان ب400 جنيه والماني الاسعار الان اكيد بتختلف والانواع كمان
الاخ hhoo في الفرد محلاوي الصنع وده بيضرب طلق خرطوش من بتاع بنادق الصيد بيكون بروح واحدة او روحين ماسورة واحدة او ماسورتان تقريبا اسمة المقروطة بيصنع تحت بير السلم وشفت خناقات كتيرة استخدم فيها وشوفت انواع شكلها محترمة من حوالى 5 سنين كان ب 150 جنيه ده تقريبا مش خطر في استخدامة اما الصوت لما يقلب حي سمعت انهم بيغييرو الماسورة وابرة الضرب تقريبا فامشعارف ازاي المسورة بتتغير حاسس انها صعبة
الموقع بتاع جولدن هانتر ده جامد جدا
السلام عليكم:
الفرق بين المسدس الحى والصوت إن الصوت بيكون بيت النار(الماسورة التى يخرج منها المقذوف)مصنوعه من مادة لاتتحمل ضغط مقذوف الرصاص عند خروجه وأظنها مصنوعه من الاألمونيوم أام المسدس أو الطبنجه الحى يكون مصنوع من الصلب أو مواد أخرى لها القدره على التحمل حسب الماركه والشركه المصنعه وهذا ماتفضل به أحد الأعضاء سابقاً ولكنى فضلت تكرار الإجابة لإن السؤالكان موجهاً لى فلايمكن تجاهله
فى من الصوت 9مللى و8مللى وإذا سمحت إن أخوك الصغير يصحح كلمه صغيره اسمها طلقات مسدس صوت لأن الرصاص لايكون موجود إلا فى الزخيره الحيه وهو مايسمى بالمقذوف الذى يصيب الهدف وهو الجزء البارز(الرصاص)
السلام عليكم
حضرتك المسدس البريتا من أفضل أنواع المسدسات الصوت الموجوده فى مصر(زى النوكيا مثلاً)
أى من ناحية الاستعمال والاصلاح وقطع الغيار
الطلقه المعمره للمسدس الصوت سواء 8أو9مللى قد لاتتعدى ثلاثة جنيهات وبعدين حضرتك مش هاوى فمش هتضرب كل يوم وكمان لو هاوى مش هتشيل صوت انت عايز حاجه تأدى الغرض فحتى لو كما تفضل أحد الأعضاء وذكر أن الطلقه ال9مللى مرتفعة الثمن شيئاً ما عن مثيلتها ال8 مللى فاأنا أنصحك بال9 مللى لأنه سيكون هناك فرق فى الصوت(اللى هو منطق السلاح)لصالح ال9 مللى
الفرق بين الطلقه الحى والصوت يتضح من الوهلة الأولى لأن الطلقه الحى تكون فى مقدمتها المقذوف الرصاص الذى يعير بين النار ويصيب الهدف المراد اصابته
أما الطلقه الصوت فهى لاتحتوى على المقذوف البارز كما أنها لاتحتوى إلا على بارود لايزيد مدى تأثيره بأى حال من الأحوال عن 80سم(والتأثير يكون عباره عن حروف بسيطه إن كان الهدف شخص ما مثلاً ولايؤثر على الأجسام الصلبه كالمعادن والأخشاب والتأثير المذكور فى مدى ال80سم) والطلقه يكون فى مقدمتها بدلاً من المقذوف الرصاص قطعه بلاستيكيه وهى لاتخرج كمقذوف بل تعمل هذه القطعه على مايشبه مكبس للبارود ليرتفع الصوت الناتج ويخترقها البارود من وسطها أى أنها تبقى موجود مع الفارغ الذى يخرج من بيت الرمى(الموجود يمين المسدس والذى تخرج منه الطلقات الفارغه)
تحت أم حضرتك فى أى اسئله وأنا بتكلم على قدر جهلى قد أصيب وأخطىء
فإن أصبت فنتمنى أن نكون أفدنا حضرتك وإن أخطئنا فيتفضل أهل الخبره ويصححوا لنا
السلام عليكم
بالنسبه للفرد الخرطوش هناك نوعين
الاول الفرد القديم المستورد من الخاراج والموجود منه فى قلعة محمد على وهو نوع جيد جداً وتعرفه من الوهلة الأولى حيث تشعر بأن بين يديك شىء مصنع من قبل مصنع وليس ورشة فى بير السلم وبالطبع هو نوع جيد لكنه لايفى بالغرض بالنسبه للهاوى أو من يستخدمه للدفاع الشخصى إلا فى حالة الأخ صاحب الموضوع فهو يفى بالغرض لأنه لن يحتاج لإطلاق عدة طلقات متتاليه كما أن تعمير الفرد لايأخذ إلا ثوانى معدوده وأنا أقصد أنه لايفى فى حالة الدفاع إن كان الدفاع عن النفس مقترناً بالمطارده من شخص ما....المشكله أن هذه النوعيه غير متوفره لدى محلات الأسلحه ولكنها قد تجدها متوفره(إن وجدتها)لدى شخص ما وتكون غير مرخصه(يعنى ماتلزمناش)مع العلم من وجود تحف فنيه منها بمعنى الكلمه
النوع الثانى(بير السلم) وهذا حذارى ثم حذارى ثم حذارى من استخدامه لسببين
السبب الأول أنه يصنع من مواد رديئه للغايه مثل مواسير المياه وماشابه ذلك وكثيراً ماأنفجر فى يد طالقه وبالطبع يحدث اصابات جسيمة للغايه ويحملونه أصحاب السوابق وصغار اللصوص لأنه يفى بحاجتهم الدنيئه
والسبب الثانى أنك لن تستطيع ترخيصه ولن تحصل عليه إلا عن طريق غير مشروع
بالنسبة لتغيير الماسوره فى المسدس الصوت فهى يتم تغييرها بالفعل لأن بيت النار(الماسوره)تكون موجوده عالقة بالأجزاء ويسهل فكها عند فك الاجزاء ولكن مجمل الطبنجه حتى لوتم استثناء بيت النار فهى معده ومصنعه لإطلاق طلقات الصوت وهذا مايؤدى لإنفجارها....كما أن تركيب الأجزاء فى محتلف أنواع الأسلحه دقيق للغايه حيث أن الجزء من المللى فى أماكن معينه قد يؤدى لفشل عمل السلاح بشكل جيد وهو مايحدث عندما نتدخل فى شىء لم نصنعه ولانعرفه...والله المستعان
مشاكل السلاح مش ف ترخيصه على اد ما وجع القلب اللى بيجيبه بعد كده
بص ياسيدى مبدأيا انت هيتعملك ملف لزيز غير مضر ف امن الدولة
ليه ؟
هتتفضل بالزارة تقريبا مرة شهريا لمدة ساعة ليهم هيتم الكشف على السلاح ولو اتضرب من طلقة واحدة بيتعرف ميعادها ولازم سبب
ده غير بقا لما بيحصل اعتداء ولا حد اتقتل بيجيلك استدعاء فورى
وطبعا ده علشان جرائم القتل المقصود والغير المقصود
تانى اهم سبب لعدم اقنائه انك فعلا مش هتبقا اشطر من الشيطان
لانك اساسا لو معاك شومة ف عربيتك مش سلاح هتلاقى نفسك متشجع للخناق مع سواق ميكروباص مثلا زنق عليك او خبطك مبالك لما يبقا معاك طبنجة
وتحياتى
السلام عليكم
أوافق الأخ الفاضل الأستاذ أحمد تماماً فى جزئية إنك مش أشطر من الشيطان لإن السلاح وقاكم الله شره شىء لايطاق حمله ولا اقتنائه إلا إذا كنت صاحب نفس مطمئنة متسامحه مما أيقنوا قول رسول الله صلى الله عليه وسلم(من رفع حديدة فى وجه أخيه لعنته الملائكة وإن كان أخيه من أمه وأبيه)
وهذا مانصحت به الأخ الفاضل صاحب الموضوع فى أول مشاركه لى
جزاكم الله خيراً أخ أحمد على هذه النصيحة الهامة والقيمه
نصيحتى اشترى مسدس ايكول فولتران ودة تركى تقليد الربتا 92 وسعرة
وقدم على الترخيص وييجى براحتة بس متدفعش الفلوس الى النناس طلبينها دى خالص علشان وقت التجديد هيحلبوك كل سنة
انا من هواة الاسلحة وشايف ان المفروض ان يتم فتح التراخيص اكتر من كدة
السعودية مثلا ممكن ترخص الى كلاشنكوف وكمان بندقة الرش بتترخص
فتحينها بس تحت عنيهم وتحت رقابتهم
نظرا لحاجه صاحب الموضوع للسلاح لظروف شغله حاول تجيب حاجه بسيطه و باقل تكلفه ممكنه و حاول ان السلاح ده ميكونش معاك فى وقت الحاجه اليه فقط
بص قصة تراخيص السلاح اصعب مما تتخيل وبتاخد من سنة لسنة ونص على ما تخلص
فلو انت الموضوع ليه بديل ياريت تبعد عنه احسن
على العموم يعنى من باب العلم بالشئ ، انت بتروح القسم بتاعك تقدم طلب ترخيص سلاح
القسم بيعمل تحرياته عنك وبيتم التأكد ان مفيش اى حد فى عيلتك من قريب او بعيد حتى اتحكم عليه سابقاً بأى حاجة او حتى اشتبه فيه فى قضية وبعدين لو انت سليم بيسمحلك تشترى سلاح وبتسلمه مع الطلب ، هنا بيتطلب منك اثبات ان عندك املاك عقارية او اراضى علشان يبقى فى سبب للسلاح
بجانب شرط اساسى لا غنى عنه ، ان يكون حسابك فى البنك فيه فى حدود المليون جنيه رصيد ولو استوفيت للشروط دى الطلب بتاعك بيتحول لمديرية الامن وبتعمل المديرية تحرياتها عنك تانى ولو اخدت موافقة ملفك يروح اهم جهة
مباحث امن الدولة وان استدعى الامر جهات سيادية تانية ، طبعا فى الفترة اللى فاتت دى انت هتروح المباحث تقابل ناس والمباحث هتجيلك بيتك وشغلك تسأل عنك وتقعد معاك يعنى هتتعود على وجودهم حواليك كأنك مشتبه فيك فى قضية بالظبط ده بجانب بقا تحريات امن الدولة فيما بعد
بعد ما يعملوا تحرياتهم بما فيها معرفتهم مدى كرمك فى الضيافة وبعد التأكد ان محدش من قرايبك تانى ليه ملف فى امن الدولة لأى سبب الملف بتاعك بيتبعت مكتب مدير امن المحافظة اللى انت تابع لها
والخطوة دى بقا بتعتمد على كل التقارير اللى اتحطت فى ملفك بجانب رأى مكتب مدير الامن شخصيا فيك ، يا تاخد الموافقة يا متاخدهاش حتى لو كل تقاريرك سليمة
وطبعا لو ممعاكش واسطة مش هتاخدها وممكن حتى لو معاك متاخدهاش
مجرد ما طلعت الرخصة خلاص القصة دى انتهت ، محدش بيسألك عن الرصاص اللى معاك اتضرب فين وبيبقى ليك حصة بتروح تستلمها من الرصاص كل 3 شهور تقريباً لو عايزها لو مش محتاجها خلاص وطبعا فى ناس برا بتبيع ذخيرة بشكل غير شرعى
مش هتبقى محل اشتباه فى جرائم القتل عادى ، محصلش قبل كدا موقف زى ده ومنهم جرائم قتل فى نفس المنطقة
تجديد الترخيص بيتم من القسم بتاعك وبيكون روتينى مجرد بس مطابقة بصمة الطبانجة وقعدة مع رئيس مباحث منطقتك او مأمور القسم وشوية ورق روتين وخلاص ، اظن دلوقتى صرفت نظر :)
وبالمناسبة مبلغ 30 ألف على الرخصة مبلغ كويس جدا جدا ومش غالى نهائى بس المهم تضمن قدرة اللى هياخده على اصدار الرخصة لك فعلا
وزى ما قال الزملاء رخصة السلاح ان لم تكن لضرورة ملحة فهى شر ربنا يبعدنا جميعاً عنه