انا عايز اسئل سؤال ولازم اجابه

**ahmad--ezzat** · 20-01-2011 05:48 AM

هو المنتدى بقى منتدى سياسى ولا ايه

المواضيع السياسيه عددها هيبقى مقارب لمواضيع السيارات

لا وايه

وفى

الاخر تحصل خناقه

واعضاء تتوقف كالعاده

على فكره فى بعض كلام بيقولوه بعض اعضاء فى مواضيع سياسيه تودى فى دهيه

اهدوا شويه ياجماعه عشان خاطر منتدانا على الاقل

خلينا فى حياتنا الاجتماعيه وابعدوا عن الرؤساء والوزراء والكلام دة كله

**wesam_salom** · 20-01-2011 10:12 AM

نايل موتورز مش منتدى سياسى

بس احنا دلوقتى فى المنتدى الاجتماعى

يعنى اللى بنناقش فيه امور حياتنا العاديه

واهتماماتنا خارج مجال السيارات

والاحداث الموجوده فى المجتمع

علشان كده هتلاقى مواضيع عنالاغانى ودى لها ناس بتهتم بيها

ومواضيع شخصيه ناس بتحب تناقشها وتاخد اراء الناس فيها

ومواضيع دينيه

وناس بتسأل عن الملابس والخروج والفسح والمعاملات الحكوميه

يعنى اى حاجه تخص كل فرد فى حياته

علشان كده هتلاقى قبل عيد الحب ناس كتير بتتكلم عن الدباديب والسهرات

وفى الصيف ناس بتسأل عن الخروج والفسح

وفى رمضان ناس بتسأل فى امور دينيه وناس بتسأل عن المسلسلات

يعنى الاهتمامات العامه لكل الناس حسب اهتماماتهم

ليه انت بقى مستغرب ان الناس بتتكلم فى السياسه

موضوع تونس والقلق من تكرار الموضوع فى مصر

مخلى ده اهم موضوع على الساحه دلوقتى

لو انت مش مهتم يبقى انت عايش فى مكان تانى غير اللى اعضاء تانيه كتير عايشه فيه

لو انت شايف ان الكلام يودى فى داهيه متتكلمش فى الموضوع

لو شايف حد بيغلط فى وزير او رمز من رموز البلد وحاسس انه غلطان ادخل اتناقش معاه اكيد انتوا الاتنين هتستفيدوا

لو موضوع السياسه خارج دائره الاهتمام عندك

كبر دماغك من المواضيع دى ومتدخلهاش او ادخل اقرا واتعلم واتناقش مع الناس

خلينا فى حياتنا الاجتماعيه وابعدوا عن الرؤساء والوزراء والكلام دة كله

هى دى حياتنا الاجتماعيه

**shaddadfalcon1** · 20-01-2011 10:33 AM

بس انا شايف دلوقتي ان المنتدي بقي منتدي اجتماعي لناس بتجب العربيات اكتر منه منتدي عربيات فيه قسم للأجتماعي

اعتقد لو الاجتماعي بالذات بقي منتدي فرعي ليه Sub Domain لوحده هيبقي احسن زي بتاع الصور كده ويبقي مثلا social.nilemotors.net

علي الأقل وقتها هيبقي المنتدي عربيات وبس ولما الواحد يجيب المشاركات الجديده ميلاقيش تلاته ارباع المشاركات الجديده في الاجتماعي والمشاركات التانيه في عاشر صافحه عشان اغلبية المواضعي اللي في الأجتماعي ببيقي عليها ردود كتيير

او الصفحه بتاعة المشاركات الجديده تدي Rank قليل للمواضيع اللي في الأجتماعي وتخليها في الأخر واللي مهتم ابالاجتماعي يبقي يدخل علي الصفحه بتاعته

**ahmad--ezzat** · 20-01-2011 05:38 PM

المشاركة الأصلية كتبت بواسطة wesam_salom

لو انت مش مهتم يبقى انت عايش فى مكان تانى غير اللى اعضاء تانيه كتير عايشه فيه

لو انت شايف ان الكلام يودى فى داهيه متتكلمش فى الموضوع

متهدى نفسك يا مولانا :)

تصدق انا عارف ان الرد هيكون ....ان هيا دى حياتنا الاجتماعيه...بس انت مفهمتش النقطه اللى بتكلم فيها وهيا ان السياسه واخده كل الاجتماعى والاجتماعى مكنش كده زمان

عموما انا لو عارف ان الموضوع هيزعلك اوى كده مكنتش فتحته :)

**أحمد كمال** · 20-01-2011 05:40 PM

يعيش مولانا و بطيخ مولانا

**أحمد كمال** · 20-01-2011 05:59 PM

المشاركة الأصلية كتبت بواسطة ahmed_nubira

احمد باشا...ايه اخبار ال iphones معاك هههههههه

ههههههههههههههههههه

اديتهم هدية لمولانا ...... هههههههههههههههههه

**M.Osman** · 20-01-2011 08:18 PM

YouTube - ‫ط¹ط§ط¯ظ„ ط£ظ…ط§ظ… (ط§ظ„ط²ط¹ظٹظ…)‬&lrm;

**mahmoudysf** · 20-01-2011 09:03 PM

المشاركة الأصلية كتبت بواسطة أحمد كمال

ههههههههههههههههههه

اديتهم هدية لمولانا ...... هههههههههههههههههه

المشاركة الأصلية كتبت بواسطة human12

ممكن تعدى عليا فى مقر الحزب و اطلعلك الكارنيه
:)

على فكره احنا متابعينك من فتره و هيبقى ليك دور كبير معانا

احنا بنحب الناس اللى مش بتتكلم فى السياسه و بنضمها للحزب و تمسك ارفع المناصب

المنتدى فيه كل حاجه سياسه تلاقى دين تلاقى اغانى تلاقىلعب و جيمز تلاقى و برضه برامج مضروبه تلاقى اااه و فيه عربيات برضه

-

-

الموضوع: انا عايز اسئل سؤال ولازم اجابه

LinkBack

أدوات الموضوع

عرض

انا عايز اسئل سؤال ولازم اجابه - انشر الموضوع فى :

-

-

-

-

-

المواضيع المتشابهه

هي ليه الرجاله بتخاف من زوجاتها ؟ سؤال صريح و عايز اجابه صريحه

مش عايز اتوه او اسئل؟

سؤال محتاج اجابه .. للمحافظه على السوند سيستم يرجى الدخول مالجميع اللى مش عايز يرد يس

عايز اسئل سؤال فى فرامل النوبيرا..

الكلمات الدلالية لهذا الموضوع

المفضلات

المفضلات

ضوابط المشاركة