حد يعرف كهربائي وبتاع تكييفات بيجو كويس
السلام عليكم
انا شوفت في المنتدي والمشاركات ارقام وعناوين ميكانيكية كتير بتشتغل في البيجو بس مفيش كهربائية او بتوع تكييفات بنفس الكمية وعشان كده كنا عايزين نعرف كهربائية وبتوع تكييفات كويسين ويكونوا بيفهموا في البيجو لاني بحس اني البيجو محتاجة حد فاهمها يعني مش اي كهربائي ينفع يشتغل فيها وخلاص دي وجهة نظري
علي العموم انا من القاهرة - شبرا ومحتاج اعرف حد كويس اتعامل معاه مش مهم مكانه بس يكون داخل القاهرة
ولو فيه خارج القاهرة نقول برده عشان باقي الاعضاء تستفاد
طبعا مش محتاج اني اقول عايزين ناس تكون امينة - محترمة - صادقة في كلامها ..........
ملحوظة
محدش يقولي زكريا الكهربائي اللي في الزاويا الحمراء عشان ده كهربائي مشهور جدا بيشتغل في العربيات البيجو فقط
هو فاهم وحافظ العربية حته حته عشان كان شغال في التوكيل بس للاسف مش امين في كلامه ولا في تعاملاته انا اتعاملت معاه مرة واحدة وكانت الاولي والاخيرة وبعدها ناس كتير حذرتني منه
شكرا وارجوا الاهتمام والافادة