| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 38

  1. #1

    الصورة الرمزية shaddadfalcon1

    رقم العضوية : 22704

    تاريخ التسجيل : 20Oct2008

    المشاركات : 6,911

    النوع : ذكر

    الاقامة : Alexandria-Sidi Bishr

    السيارة: ربنا يسهل

    السيارة[2]: Daweoo Lanos 1 model 99

    دراجة بخارية: لا

    الحالة : shaddadfalcon1 غير متواجد حالياً

    افتراضي للاسكندرانيه: ايه انسب سعر لجراند فيل سموحه؟ - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    دلوقتي ياشباب انا رحت سالت في جراند فيل سموحه اللي في شارع النصر ولقيت الأسعار كالتالي
    المرحله الرابعه: شقه 153 متر سعر المتر 3026 يعني كلها عامله 462 الف
    تدفع 5000 حجز و35% تعاقد والباقي علي 4 سنين او 5 من غير فوايد والأستلام قبل سنه من سداد اخر قسط يعني لو علي 4 تستلم كمان 3 سنين ولو 4 يبقي 4 سنين

    دلوقتي انا عايز اعرف هل السعر ده غالي ولا لآ ولما اروح اتفاوض معاهم اجيب معاهم لحد كام وهل اصلا هيرضو ينزلو في السعر ولا لآ؟

    كمان حاجه - انا مش معايا غير 100 مقدم ولما قلت لمدير المبيعات قالي ان ممكن تدفع باقي المقدم كمان 6 شهور ويقلل مدة التقسيط 6 شهور بس كده انا ممكن مقدرش ادفع المبلغ ده كمان 6 شهور لان هيبقي في مبلغ نص سنوي حوالي 15 الف فلما وضحت ده للراجل قالي تعالي بس وهنوصل لحل يناسبك ونبعته للأداره بس انت تعال

    انا بصراحه مقلق - انا طبعا هنطحن وخصوصا عند القسط النص سنوي - القسط الشهري مش مشكله بس خايف ييجي معاد القسط النص سنوي وملاقيش فلوس معايا

    لو مكاني هتعملو ايه ؟ هتجيبو حاجه زي دي واهي في سموحه وكمبوند نضيف ومستقبله حلو والراجل قالي ان مكان المقاولين العرب اللي جنبها هيبقي حاجه شبه جرين بلاز يعني الأسعار ساعتها هتولع بس انا مش عاجبيني ان شمال جراند فيل في عشوائيات بس فيه سور بس ده ميمنعش ان في عشوائيات برده

    ولا هتشوفلك شقه في حدود 200 الف مثلا وتعمل تمويل عقاري وتبقي قسط مريح وتسكن فيها علي طول وتوفر قيمة الأيجار اللي بتدفعه وقدام لو حبيت تشتري شقه احسن تبقي تجيب؟؟
    بس انا خايف احسن قدام الأسعار تغلي اكتر ومعرفش اجيب حاجه خالص
    وفي نفس الوقتي خايف من اللي بيحصل في البلد اليومين دوول احسن الدنيا تقع والأسعار تنزل الأرض وخصوصا ان الأسكندريه الأسعار فيها من سنه ولا اتنين كانت تقريبا نص الأسعار دلوقتي بسبب موضوع التراخيص
    يعني خايف ييجي محافظ تاني يعمل زي المحجوب ويفتح التراخيص وساعتها الشقه اللي اشتريتها ب 450 الف الاقيها متجيش 200 الف وانا لسه مكملتش تمنها اصلا

    بالله عليكم ماتبخلو عليا برايكم ونصيحتكم عشان انا مش ببطل تفكير انا وزوجتي في الموضوع ده


  2. #2

    الصورة الرمزية moody1

    رقم العضوية : 78998

    تاريخ التسجيل : 30Aug2010

    المشاركات : 375

    النوع : ذكر

    الاقامة : egypt

    السيارة: i hope bugatti

    السيارة[2]: bmw 525 model 2002

    الحالة : moody1 غير متواجد حالياً

    افتراضي -

    هى موقعها فين بالظبط فسموحة؟

    طبعا السعر ممتاز جدا 3000 للمتر(بسعر المتر فميامى او سيدى بشر عبد الناصر)!!!!!

    على فكرة سموحة اسعار الشقق(العمارات الجديدة ) من 5000 ل 8000 كسعر للمتر


  3. #3

    الصورة الرمزية crazylambada

    رقم العضوية : 4959

    تاريخ التسجيل : 27Jan2008

    المشاركات : 3,051

    النوع : ذكر

    الاقامة : Zagazig

    السيارة: Skoda Octavia A5 2007

    السيارة[2]: Fiat Evo Punto 2011

    الحالة : crazylambada غير متواجد حالياً

    افتراضي -

    بص حضرتك مفيش عقار بيرخص لان حتى لو حصلت ازمه كل اللي بيحصل تسهيلات في الدفع دي نقطه
    النقطه التانيه انا مع الاختيار الثاني علشان لا قدر الله لو اتزنقت متحصلكش مشكله و خدها نصيحه مني في النقطه دي بالذات
    لان لا قدر الله لو اتزنقت يا هتستلف يا هتبتدي تبيع بخساره و ليه كل ده
    خليك مع الاختيار التاني وربنا يوفقك


    اكبر تعديل لسكودا فيفوريت


  4. #4

    hh

    الصورة الرمزية hh

    رقم العضوية : 3040

    تاريخ التسجيل : 06Nov2007

    المشاركات : 772

    النوع : انثى

    الاقامة : cairo

    السيارة: toyota corolla 2009

    السيارة[2]: Nissan Sunny 2008

    دراجة بخارية: لا يوجد

    الحالة : hh غير متواجد حالياً

    افتراضي -

    أولا ربنا يعينك و يقدرك تجيب أحسن حاجة ان شاء الله.

    بالنسبة لسؤالك, أنا مش من أسكندرية و معرفش الأسعار هناك خالص بس حقولك وجهة نظري في موضوع شراء الشقة ده بصفة عمة ايا كان المكان.

    أولا, انت بتتكلم على حاجة متقسطة على 4 أو 5 سنين, يعني سعر المتر في الحالة دي مينفعش يتبص له غالي و لا لأ من غير ما تحط في أعتبارك الفايدة الأفتراضية (أنا عارفة ان المفروض مفيش فايدة انما انا بتكلم ان الفلوس مش حتتدفع مرة واحدة و بالتالي ده ليه تمن سواء بالنسبة لك او بالنسبة للشركة الي بتبيعلك).

    ُثانيا, الهدف من الشرا يفرق كتير, يعني اللي بيشتري شقة أو عقار كنوع من الاستثمار بدل ما يشيل فلوس بتفرق معاه جدا موضوع السوق طالع و لا نازل في الأسعار خصوصا لو بيفكر في استثمار سريع, يعني سنه و لا أتنين بالكتير و يبيع, انما اللي بيشتري شقة عشان يسكن فيها زي حالة حضرتك المفروض يفكر لقدام أكتر من كدة. يعني حضرتك ان شاء الله لو ربنا وفقك واشتريت الشقة مش حتفكر تبيعها بعد سنه و لا اتنين و بالتالي اي تغييرات في الأسعار مش حتأثر عليك قوي خصوصا ان أنا معتقدش ان فيه حاجة في مصر بترخص للدرجة دي.

    ثالثا بقى و دي نقطة مهمة جدا, أي حاجة الواحد بيشتريها تقسيط - فيما عدا الحاجات الاستهلاكية - بيكون كسبان فيها مش خسران من وجهة النظر الاقتصادية. أزاي؟؟ معدل التضخم في مصر كبير جدا, يعني بغض النظر عن الأرقام المعلنة ( أعتقد انها ما بين 7 و 10 %) التضخم الفعلي أعلى من كدة بكتير. القصة ان التضخم بيتقاس بمعدل زيادة أسعار بعض السلع الاستراتيجية للشعب زي مثلا عندنا العيش و الأرز و الزيت.....الخ, و ده بيكون قياس دقيق الى حد ما بالنسبة لمحدودي الدخل اللي احتياجاتهم يدوب الأساسيات دي. لو جينا نبصلها من وجهة نظر الطبقة المتوسطة أو فوق المتوسطة, حنلاقي ان معدل التضخم الحقيقي لما نبص للسلع اللي مش بتدخل في التقييم ده و رغم كدة تعتبر أساسية عندهم زي اللحوم مثلا , أو الألبان, أو الملابس.....الخ, حنلاقي ان نسبة التضخم بتزيد و توصل ل 25 - 30 % على الأقل. طيب ده معناه ايه؟؟؟؟ معناه ان ال100 جنيه اللي بتصرفها السنة دي السنة الجاية حتبقى قوتها الشرائية تساوي 70 - 75 جنيه و اللي بعديها أقل و هكذا. يعني حتى لو الفايدة السنوية على الحاجة اللي بتشتريها 8 او 10% برضه انت الكسبان. توهتك؟ ببساطة كدة المبلغ اللي انت حتدفعه كقسط النهاردة, بعد سنه أو اتنين حتبقى قيمته أقل بكتير من الناحية الشرائية و بالتالي ساعتها المبلغ حيعتبر مش كبير زي ما انت حاسس دلوقتي, و كل ما مدة القسط تزيد كل ما النقطة دي تبان أكتر.

    رابعا, انا فاهمة من مشاركاتك ان انت مهندس كمبيوتر, يعني مش موظف حكومي مثلا. بالتالي أكيد حضرتك دخلك في خلال الفترة دي في الظروف الطبيعية (الله أعلم بالغيب طبعا) بيزيد سنويا, ربنا يزيدك و يبارك لك يا رب, و بالتالي ده حيخلي برضه القسط السنين الجاية بالنسبة لك يقل من ناحية نسبته لدخلك الاجمالي.

    طبعا كل الكلام و الرغي اللي فات ده (صدعتك مش كدة) ينطبق على فكرة التقسيط بصفة عامة, انما موضوع المنطقة نفسها و مستقبلها و كدة ده يفيدك فيه أهل أسكندرية. بس بصفة عامة أنا أعتقد ان موضوع التمويل العقاري برضه مش حيفرق عن كدة كتير لأن برضه فيه فايدة سنوية, الفرق الوحيد ان ممكن مدة التقسط تزيد, و ان كنت شخصيا مش بحب التقسيط يزيد عن 4 -5 سنين عشان الواحد ميدبسش نفسه فترة طويلة. و طبعا فرق المكان نفسه والكومبناوند و الحاجات دي أكيد ليها قيمة بس حضرتك أكتر واحد تقدر تحددها.

    بالنسبة للأقساط لازم حضرتك تحسبها كويس و تتأكد انك باذن الله حتقدر تسدد الأقساط سواء الشهرية أو السنوية أو نصف سنوية. يعني لو حضرتك بيجيلك مكافأه سنوية مثلا حتدفع منها الأقساط السنوية يبقى كويس, لو مش كدة لازم تعمل حسابك ان فيه مبلغ بيتشال شهريا عشان الأقساط دي, أوعى تسيبها للظروف.

    و في النهاية طبعا متنساش الأستخارة و ربنا يا رب يوفقك للأحسن و يبارك لك فيه.


  5. #5

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    3000 جنيه بس؟؟؟؟؟؟؟؟؟؟؟
    والله كويسه
    المحل بتاعي في شارع ضيق متفرع من الرصافه في محرم بيك
    عرض الشارع حوالي 6 او 7 متر
    وفيه عماره بتتبني بعد مني والمتر ب3500 من غير تشطيب و4 بالتشطيب
    واسمع ان محرم بيك اسعارها بقت من 4 وطالع المتر
    مع فرق الخدمات عن سموحه (محرم بيك خدماتها اكتر )
    طبعا انا مش بقول انها رخيصه
    بس الاسعار هي اللي مولعه
    من رايي تستني شويه لو تقدر لما المحافظ يتشال
    يمكن اللي بعده يفتح تراخيص البناء والاسعار تتعدل شويه
    او التسهيلات تزيد في الدفع


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  6. #6

    الصورة الرمزية shaddadfalcon1

    رقم العضوية : 22704

    تاريخ التسجيل : 20Oct2008

    المشاركات : 6,911

    النوع : ذكر

    الاقامة : Alexandria-Sidi Bishr

    السيارة: ربنا يسهل

    السيارة[2]: Daweoo Lanos 1 model 99

    دراجة بخارية: لا

    الحالة : shaddadfalcon1 غير متواجد حالياً

    افتراضي -

    اقتباس المشاركة الأصلية كتبت بواسطة hh مشاهدة المشاركة
    أولا ربنا يعينك و يقدرك تجيب أحسن حاجة ان شاء الله.

    بالنسبة لسؤالك, أنا مش من أسكندرية و معرفش الأسعار هناك خالص بس حقولك وجهة نظري في موضوع شراء الشقة ده بصفة عمة ايا كان المكان.

    أولا, انت بتتكلم على حاجة متقسطة على 4 أو 5 سنين, يعني سعر المتر في الحالة دي مينفعش يتبص له غالي و لا لأ من غير ما تحط في أعتبارك الفايدة الأفتراضية (أنا عارفة ان المفروض مفيش فايدة انما انا بتكلم ان الفلوس مش حتتدفع مرة واحدة و بالتالي ده ليه تمن سواء بالنسبة لك او بالنسبة للشركة الي بتبيعلك).

    ُثانيا, الهدف من الشرا يفرق كتير, يعني اللي بيشتري شقة أو عقار كنوع من الاستثمار بدل ما يشيل فلوس بتفرق معاه جدا موضوع السوق طالع و لا نازل في الأسعار خصوصا لو بيفكر في استثمار سريع, يعني سنه و لا أتنين بالكتير و يبيع, انما اللي بيشتري شقة عشان يسكن فيها زي حالة حضرتك المفروض يفكر لقدام أكتر من كدة. يعني حضرتك ان شاء الله لو ربنا وفقك واشتريت الشقة مش حتفكر تبيعها بعد سنه و لا اتنين و بالتالي اي تغييرات في الأسعار مش حتأثر عليك قوي خصوصا ان أنا معتقدش ان فيه حاجة في مصر بترخص للدرجة دي.

    ثالثا بقى و دي نقطة مهمة جدا, أي حاجة الواحد بيشتريها تقسيط - فيما عدا الحاجات الاستهلاكية - بيكون كسبان فيها مش خسران من وجهة النظر الاقتصادية. أزاي؟؟ معدل التضخم في مصر كبير جدا, يعني بغض النظر عن الأرقام المعلنة ( أعتقد انها ما بين 7 و 10 %) التضخم الفعلي أعلى من كدة بكتير. القصة ان التضخم بيتقاس بمعدل زيادة أسعار بعض السلع الاستراتيجية للشعب زي مثلا عندنا العيش و الأرز و الزيت.....الخ, و ده بيكون قياس دقيق الى حد ما بالنسبة لمحدودي الدخل اللي احتياجاتهم يدوب الأساسيات دي. لو جينا نبصلها من وجهة نظر الطبقة المتوسطة أو فوق المتوسطة, حنلاقي ان معدل التضخم الحقيقي لما نبص للسلع اللي مش بتدخل في التقييم ده و رغم كدة تعتبر أساسية عندهم زي اللحوم مثلا , أو الألبان, أو الملابس.....الخ, حنلاقي ان نسبة التضخم بتزيد و توصل ل 25 - 30 % على الأقل. طيب ده معناه ايه؟؟؟؟ معناه ان ال100 جنيه اللي بتصرفها السنة دي السنة الجاية حتبقى قوتها الشرائية تساوي 70 - 75 جنيه و اللي بعديها أقل و هكذا. يعني حتى لو الفايدة السنوية على الحاجة اللي بتشتريها 8 او 10% برضه انت الكسبان. توهتك؟ ببساطة كدة المبلغ اللي انت حتدفعه كقسط النهاردة, بعد سنه أو اتنين حتبقى قيمته أقل بكتير من الناحية الشرائية و بالتالي ساعتها المبلغ حيعتبر مش كبير زي ما انت حاسس دلوقتي, و كل ما مدة القسط تزيد كل ما النقطة دي تبان أكتر.

    رابعا, انا فاهمة من مشاركاتك ان انت مهندس كمبيوتر, يعني مش موظف حكومي مثلا. بالتالي أكيد حضرتك دخلك في خلال الفترة دي في الظروف الطبيعية (الله أعلم بالغيب طبعا) بيزيد سنويا, ربنا يزيدك و يبارك لك يا رب, و بالتالي ده حيخلي برضه القسط السنين الجاية بالنسبة لك يقل من ناحية نسبته لدخلك الاجمالي.

    طبعا كل الكلام و الرغي اللي فات ده (صدعتك مش كدة) ينطبق على فكرة التقسيط بصفة عامة, انما موضوع المنطقة نفسها و مستقبلها و كدة ده يفيدك فيه أهل أسكندرية. بس بصفة عامة أنا أعتقد ان موضوع التمويل العقاري برضه مش حيفرق عن كدة كتير لأن برضه فيه فايدة سنوية, الفرق الوحيد ان ممكن مدة التقسط تزيد, و ان كنت شخصيا مش بحب التقسيط يزيد عن 4 -5 سنين عشان الواحد ميدبسش نفسه فترة طويلة. و طبعا فرق المكان نفسه والكومبناوند و الحاجات دي أكيد ليها قيمة بس حضرتك أكتر واحد تقدر تحددها.

    بالنسبة للأقساط لازم حضرتك تحسبها كويس و تتأكد انك باذن الله حتقدر تسدد الأقساط سواء الشهرية أو السنوية أو نصف سنوية. يعني لو حضرتك بيجيلك مكافأه سنوية مثلا حتدفع منها الأقساط السنوية يبقى كويس, لو مش كدة لازم تعمل حسابك ان فيه مبلغ بيتشال شهريا عشان الأقساط دي, أوعى تسيبها للظروف.

    و في النهاية طبعا متنساش الأستخارة و ربنا يا رب يوفقك للأحسن و يبارك لك فيه.

    جزاك الله كل خير علي التوضيح الرائع
    انا حاسس فعلا ان القسط ممكن يكون زنقه في اول سنه وبعد كده هيبقي اقل لاني المفروض المرتب بيذيد كل سنه مبلغ كويس


  7. #7

    الصورة الرمزية shaddadfalcon1

    رقم العضوية : 22704

    تاريخ التسجيل : 20Oct2008

    المشاركات : 6,911

    النوع : ذكر

    الاقامة : Alexandria-Sidi Bishr

    السيارة: ربنا يسهل

    السيارة[2]: Daweoo Lanos 1 model 99

    دراجة بخارية: لا

    الحالة : shaddadfalcon1 غير متواجد حالياً

    افتراضي -

    اقتباس المشاركة الأصلية كتبت بواسطة shnory مشاهدة المشاركة
    3000 جنيه بس؟؟؟؟؟؟؟؟؟؟؟
    والله كويسه
    المحل بتاعي في شارع ضيق متفرع من الرصافه في محرم بيك
    عرض الشارع حوالي 6 او 7 متر
    وفيه عماره بتتبني بعد مني والمتر ب3500 من غير تشطيب و4 بالتشطيب
    واسمع ان محرم بيك اسعارها بقت من 4 وطالع المتر
    مع فرق الخدمات عن سموحه (محرم بيك خدماتها اكتر )
    طبعا انا مش بقول انها رخيصه
    بس الاسعار هي اللي مولعه
    من رايي تستني شويه لو تقدر لما المحافظ يتشال
    يمكن اللي بعده يفتح تراخيص البناء والاسعار تتعدل شويه
    او التسهيلات تزيد في الدفع
    طيب يااستاذ شنوري هو المحافظ ده لو اتشال هيبقي امتي؟
    وان كان برده انا حاسس ان مفيش حاجه هترخص حتي لو رجعو التراخيص تاني لان اكيد اللي هيبني هيبقي عايز يبيع بالغالي زي غيره

    الأسعار فعلا نار
    ده في سيدي بشر قبلي شارع مصطفي كامل المتر 4500 - ووراك مناطق ضايعه كمان مش كام بيت يعني

    انا كل الفكره عايز حد يبقي عنده فكره عن الأسعار في المنطقه دي عشان اعرف اتفاوض مع الراجل


  8. #8

    الصورة الرمزية shaddadfalcon1

    رقم العضوية : 22704

    تاريخ التسجيل : 20Oct2008

    المشاركات : 6,911

    النوع : ذكر

    الاقامة : Alexandria-Sidi Bishr

    السيارة: ربنا يسهل

    السيارة[2]: Daweoo Lanos 1 model 99

    دراجة بخارية: لا

    الحالة : shaddadfalcon1 غير متواجد حالياً

    افتراضي -

    اقتباس المشاركة الأصلية كتبت بواسطة moody1 مشاهدة المشاركة
    هى موقعها فين بالظبط فسموحة؟

    طبعا السعر ممتاز جدا 3000 للمتر(بسعر المتر فميامى او سيدى بشر عبد الناصر)!!!!!

    على فكرة سموحة اسعار الشقق(العمارات الجديدة ) من 5000 ل 8000 كسعر للمتر
    هي في شارع النصر اللي في وش جرين بلازا ورا المكان بتاع المقاولين العرب
    اول دخله شمال في شارع النصر

    اسعار الشقق اللي حضرتك بتقول عليها ده اللي في قلب سموحه او علي الشارع الرئيس في ناحيية جرين بلازا


  9. #9

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    اقتباس المشاركة الأصلية كتبت بواسطة shaddadfalcon1 مشاهدة المشاركة
    طيب يااستاذ شنوري هو المحافظ ده لو اتشال هيبقي امتي؟
    وان كان برده انا حاسس ان مفيش حاجه هترخص حتي لو رجعو التراخيص تاني لان اكيد اللي هيبني هيبقي عايز يبيع بالغالي زي غيره

    الأسعار فعلا نار
    ده في سيدي بشر قبلي شارع مصطفي كامل المتر 4500 - ووراك مناطق ضايعه كمان مش كام بيت يعني

    انا كل الفكره عايز حد يبقي عنده فكره عن الأسعار في المنطقه دي عشان اعرف اتفاوض مع الراجل
    والله ايدي علي كتفك نفسي اغمض عيني وافتحها الاقيه غار من البلد
    اللي انا ملاحظه ان كميه اراضي كبيره جدا اصحابها هدوها وسايبينها مش عاوزين يبنوها
    في انتظار انه يغور


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  10. #10

    الصورة الرمزية shaddadfalcon1

    رقم العضوية : 22704

    تاريخ التسجيل : 20Oct2008

    المشاركات : 6,911

    النوع : ذكر

    الاقامة : Alexandria-Sidi Bishr

    السيارة: ربنا يسهل

    السيارة[2]: Daweoo Lanos 1 model 99

    دراجة بخارية: لا

    الحالة : shaddadfalcon1 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة shnory مشاهدة المشاركة
    والله ايدي علي كتفك نفسي اغمض عيني وافتحها الاقيه غار من البلد
    اللي انا ملاحظه ان كميه اراضي كبيره جدا اصحابها هدوها وسايبينها مش عاوزين يبنوها
    في انتظار انه يغور
    انا قصدي اخر المده بتاعته امتي؟
    محدش يعرف؟
    بس اعتقد انه طالما مبوظ الدنيا يبقي مش هيمشي وهيفضل قاعد فيها



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. للاسكندرانيه فقط
    بواسطة mohammedsaid في المنتدى دليل الطرق الداخلية وطرق السفر
    مشاركات: 3
    آخر مشاركة: 07-11-2011, 11:54 PM
  2. يا شباب ازاي يتلغي fuel cut-off لجراند بونتو 2010
    بواسطة HotRide في المنتدى فــــيات
    مشاركات: 13
    آخر مشاركة: 21-06-2011, 02:27 PM
  3. للاسكندرانيه: تشتري شقه في سموحه ولا عند جامعة فاروس؟
    بواسطة shaddadfalcon1 في المنتدى المنتــــــدى الاجتمــاعى
    مشاركات: 29
    آخر مشاركة: 03-10-2010, 08:38 PM
  4. حادث لجراند تيريوس (صور) هل الشاسيه تأثر ؟
    بواسطة د.محمود صلاح في المنتدى القــــسم التعلــــيمى
    مشاركات: 19
    آخر مشاركة: 28-01-2010, 08:32 AM
  5. موتور ديزل لجراند شروكى
    بواسطة speed4speed في المنتدى جيب
    مشاركات: 13
    آخر مشاركة: 21-02-2009, 10:02 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2