الموضوع: عايزين اسعار قطع غيار البونتو ايفو

السلام عليكم
كنت عايز اعرف اسعار قطع غيار البونتو ايفو بالتوكيل و ايه الاماكن الموجود فيها قطع غيارها برا التوكيل و سعر السنسور بارك بتاعها في التوكيل و شكراااااااااااااااااااااا اااااااااااا

المشاركة الأصلية كتبت بواسطة crazylambada

استاذ وائل الايفو بقيت اشوفها كل يوم و دي حاجه جديده خصوصا ان ملهاش كتير في السوق اعتقد انها بقت منتشره باضعاف اعداد الجراند بس هل الانتشار هيستمر لو العربيه غليت الله اعلم

انا برده ملاحظ انها منتشرة و ان شاء الله هتنتشر أكتر بس برده دي حاجة نسبية
قطع الغيار و الانصاص اللي في الحرفيين حاجة من اتنين
1- عربيات محلية عملت حوادث كبيرة مانفعش تتصلح و الاجزاء السليمة بتاعتها اتباعت
2-عربيات حوادث من أوروبا (استيراد) بتيجي انصاص من غير جمارك و تتباع هنا قطع غيار

شوف بقي في كام ايفو ماشية في الشارع دلوقتي؟ و كم واحدة منهم عملت حادثة كبيرة و منفعش تتصلح و اتباعت انصاص؟ العربية لسه نازلة من 6 شهور بس
و برده تجار الاستيراد في الحرفيين مش هيجيبوا انصاص جراند أو ايفو غير لما يلاقوا ناس بتسأل عليها و يبقي في طلب...في كام واحد شاري جراند او ايفو نزل سأل علي انصاص في الحرفيين؟
طبعا ممكن يكون فيه بس هتبقي قليلة قوي و اللي عنده عارف ان مفيش غيره أو التوكيل و بالتالي هيقرب سعره من التوكيل (احتكار يعني)

أنا عرفت الكلام ده عشان من سنتين الاسبيرانزا بابها اتخبط و مانفعش يتصلح و لازم يتغير و التوكيل بيبيعوا ب 2100 من غير دهان و فاضي و طلع عيني في الحرفيين لحد ما لقيت واحد بيستورد ابواب جديدة من الصين و خدته ب 1600 باب واحد فاضي من غير دهان و ابواب اللانوس و الفرنا كانت مرمية في كل حته البابين ب 500 جنيه!!
و طبعا مش محتاج أقولك الاسبيرانزا كانت منتشرة ازاي في 2009 و مع ذلك كانت لسه بتقول يا هادي في الحرفيين