الموضوع: هاغير الكاوتش ومحتاج رأيكم بسرعه

المشكلة مش في المقاس و الوزن بس
أنا معايا فيات و من كام أسبوع لبست مطب بوظلي جنطين و معرفتش أنه باظ غير لما عجلة نامت بعدها بيوم و نص
كنت في البلد و مفيش معايا غير أستبن و عجلتين باظوا
روحت لبتاع كاوتش و أشتريت جنط و ركبته و تمام التمام
المهم طول مأنا ماشي ولاد الحلال يشاورولي علي العجلة اللي فيها الجنط الجديد أركن و أبص عليها مفيش حاجة
المهم في الأخر طلع الجنط دايو مش فيات و بيركب عادي بس مبيبقاش محضن كويس فيبقي قدامك و هو واقف مفيش أي حاجة
و أنت ماشي بيبقي عمال يلعب و شكله يخض و ممكن يقطم حاجة و لة أنت علي سرعة عالية ممكن تبقي كارثة
تقريبا عشان يركب صح لازم يتخرط
هو الفيات و الدايو مشتركين في أرقام و مختلفين في أرقام
أنا معرفش في أرقام الجنط غير قطره و عرضه أنما الناس اللي بتفهم في الموضوع ده بيبقي في أرقام تانية عارفينها مقاس الصرة أو حاجة زي كده