عرض للطباعة
السلام عليكم و رحمة الله و بركاته
معروض عليا عربية بيتلز موديل 60 حالتها كويسة اوى لسه مشدودة و متعدله و لسه متركبلها موتور استيراد و صالونها كويس
مطلوب فيها 10000 جم
يار يت تفيدونى العربية كويسه و سعرها مناسب و لا ايه ؟
على فكره انا اول مره اركب بيتلز فهل هتتعبنى ؟
و ايه اخبار قطع الغيار و الصيانة و السخونة ؟
و ايه اخبار اعادة البيع ؟
على كلامك ده تبقى فرصه متستناش بس لازم ميكانيكى فولكس يشوفها الاول ويحكملك عليها اذاكانت
فعلا كويسة ولالا واما بالنسبه للفولكس بيتلز فهى عربية كويسة جدا وقطع غيارها متوفرة ومش غاليه
بس اهم حاجه انك متودهاش لاى ميكانيكى
لازم ميكانيكى فولكس
لو حالتها كويسة خدها طبعا السعر مناسب لو مشدوده بس خلي متخصص يتفرجلك عليها
لو نضيفة مش هاتتعبك بالعكس هتعجبك جدا
شكرا لسرعة الرد
معلش كان ليا سؤال كمان
هو صاحبها لسه مركب الموتور الاستيراد و لسه مسبتهوش على الرخص و السيارة مركونة من فتره لعدم تفرغه .
هو عايز فيها 10000 جم و اللى هيشتريها يخلص هو الاجراءات بتاعت الرخصة علشان الرخصة منتهية من فتره
بس انا قلقان من الموضوع دا
ممكن تدلونى ايه الاجراءات اللى ممكن اخد بالى منها ؟
و الحاجات دى هتتكلف كام
و جزاكم الله خير
هى مركونة مش مشكلة والموتور يتثبت بس لازم يكون له ورق استيراد واعفاء جمركى
وهى رخصة العربية سارية ولالا لو سارية مافيش مشاكلاما بقى لو الرخصة منتهية كده يبقى هتدفع المتأخر عليه وترخص ترخيص جديد طبعا وتنقل ملكيه والمصاريف حسب السعة اللتريه للموتور
انا مرخص سيارتى لسه قريب سنتين واتكلفت حواى 500جنيه شاملة التامين والفحص والضريبة
وهى1500 سى سى وخلى بالك لازم يجيبلك بيان مخالفات