السلام عليكم ورحمة الله
اخي دخل الجيش والتحق يمركز تدريب القوات الجوية كسفريت
حد يعرف اروحله ازاي مواصلات وبالعربية
ويبقي جزاكم الله خيرا
عرض للطباعة
السلام عليكم ورحمة الله
اخي دخل الجيش والتحق يمركز تدريب القوات الجوية كسفريت
حد يعرف اروحله ازاي مواصلات وبالعربية
ويبقي جزاكم الله خيرا
كسفريت مقر العفاريت
انا اعرف انها على طريق الاسماعيليه السويس
قبل السويس بحوالى 30 كيلو
بس معرفش الطريق بالظبط
أنا أعرف إنها تبع فايد
لكن فين...؟؟ماعرفش
أولا ربنا يخلصله جيشه على خير بص يا باشا مركز تدريب القوات الجوية ده المركز اللى قضيت فيه الفترة الأولانية من جيشى وذكرياتنا مع العفاريت هناك كتير ويا ريت تقوله لما تشوفه فى واحد زميلى باعت السلام لسعاد المحروقة وعيالها وابو خطوة اللى بيمشى باليل
ثانيا نيجى للمهم لو حضرتك هتروح بالعربية فهتاخد طريق مصر الإسماعيلية الصحراوى ومن بعد ما تعدى الكارتة بتاعة الطريق فى الكيلو 86 هتدخل يمين على طريق فايد - ابو سلطان المركز بعد فايد بشويتين - ثلاثة كده وهتلاقى قرب مزلقان ومحطة قطر للقطر الحربى اللى بيودى العساكر هناك وربنا ما يكتب عليك انك تركبه لو هتروح مواصلات يبقى هتركب اى حاجة رايحة فايد ومن هناك تركب بيجو للسويس وقوله ينزلك عند مزلقان كسفريت ولو ما عرفتش تركب لفايد يبقى هتركب اى سوبر جيب للإسماعيلة ومن هناك اى مواصلة رايحة السويس وبرده تقوله ينزلك مزلقان كسفريت وأى استفسار أنا فى خدمة حضرتك
فكرتني بالذي مضى
كنت هناك في مركز التدريب في نفس التوقيت ده من 10 سنين بالظبط
شفت برد و مطر ماشفتهمش قبل كده و لا بعد كده
بالنسبة للسكة زي ماقال أستاذ أحمد بتركب لفايد و منها تاخد حاجه نازلة السويس و تعدي فناره و كبريت بعد كده تلاقى كسفريت
أنا أول مرة رحت كانت بالقطر الحربي أخد في السكة 5 ساعات و هي ماتخدش ساعة و نص
تسلم ايديك يا باشا
انا وقعت من السما وانت لحقتني
وان شاء الله مش هنسي اسلملك علي سعاد وعيالها وابو خطوه
واحدة واحدة عليا كده من الاول ربنا يباركلك
1 - طريق مصر اسماعلية الصحراوي ده اللي هو في اخر الدائري ؟
2- حضرتك قولت ان بعد الكارتة اللي هي في الكيلو 86 ادخل يمين طريق فايد ياتري في يفط علي الطريق ده ولا همشي علي الوصفة بس
3- شويتين تلاته في طريق فايد يعني حوالي كام كيلو ولا كام ساعة علي سرعة 90 مثلا
4- بعد ما وصلت المزلقان اركن العربية يعني وكده انا خلاص وصلت ولا في طريق تاني بعد المزلقان
5- بخصوص القطار ممكن مدنيين يركبو القطار الحربي ده او في قطار تاني مش حربي للمدنين بيروح نفس المنطقة ولا هو للعساكر بس
7- تقريبا المسافة كلها كام كيلو وكام وقت
6- لو هروح بالمواصلات معلش اعذرني موقف فايد ده فين
7- مواعيد الزيارة من كام لكام
8- اخدله ايه معايا
يارب يبارك في حضرتك يارب ويجازيك خير علي مساعدتك ليا
ايه حكاية العفاريت دي صحيح ؟
:))
هههههههههههههه
مع انى مدخلتش الجيش
بس دايما بيبقى فى كل كتيبه واو مركز تدريب شويه اساطير بتتحكى
وبالذات لو مكان من اماكن حرب 73 ان بعض العساكر طلعلهم عفاريت بنى ادمين وحاجات بتختفى وقصص من هذا القبيل صحيح فى حاجات بتختفى فعلا بس بتبقى ياما من بدو الصحراء او من عفريت من زمايله فى المركز بيعوض حاجه اختفت من عنده
يا جماعه اماكن تواجد المناطق العسكريه دى من الاسرار الحربيه
رجاء مرعاه عدم الادلاء بأى بيانات عنها بالمنتدى
خالد باشا اللى يتحكى كتير والله بس حرام ننكد على الراجل وهو لسه أخوه جيشه حلبة او فى قعر المخلة زى ما كنا بنقول وربنا يخلصه منه على خير دى كانت ايام لوز لما كان العنبر اللى قدامى النار بتولع فيه والعساكر تطلع تصوت وهى لابسة البيجامة اللبنى وتلاقى المراتب والمخدات بتترمى فى ساحة الكتيبة وهى مولعة وبعدين صمت تام ويرجع العنبر زى ما كان ما عدان ان نص العساكر بنطلوناتهم بقت مبلولة ومحدش يسأل من إيه ؟؟؟؟؟؟
انا بعت لحضرتك رقم تليفونى ففى رسالة على الخاص عشان اشرحلك الطريق أكتر وده رقم تليفونى 0100098126
وعامة لو حضرتك مش هتقدر تكلمنى فهحاول اشرح لحضرتك بإختصار
طريق الإسماعيلية حضرتك ممكن تروحله من الدائرى لو حضرتط طلعت من عند فلفلة اللى فى المريوطية هتفضل ماشى لغاية ما يقابلك منزل مدينة السلام هتنزل منه وبعدين تمشى مع الطريق لحد ما يقابلك كوبرى الهايكستب تلف من تحتيه وتاخد الإتجاه التى فى طريقك للإسماعيلية او انك تاخد طريق صلاح سالم لأخره لحد كوبرى المطار بعدين تنزل النزلة الشمال اجبارى مع الطريق لحد جوزيف تيتو طوالى كوبرى الهايكستب طريق الإسماعيلية لحد ما تعدى بوابات الطريق عند الكيلو 86 بعدها هتلاقى يافطة على اليمين بتشاور على طريق فايد ابو سلطان هتمشى فيه لأخره حوالى 35 كيلو لحد ما توصل فايد ومن هناك هتمشى حوالى 20ك كمان لحد ما توصل مزلقان كسفريت هتلف من هناك وتاخد الطريق العكسى هتلاقى المعسكر على يمينك اللى اعرفه كويس ان زيارة المجندين بتكون يوم الجمعة بس وممكن حضرتك تاخدله معاك اكل وشرب وهياكلهم وهو معاك عشان ممنوع اكل ملكى يدخل المعسكر ولو ممكن ملابس داخلية لأن الملابس التانية ممنوعة هناك برده ولو حضرتك هتركب مواصلات يبقى الأفضل تاخد سوبر جيت الأسماعيلية من اى مكان يعجبك ( محطة الترجمان الدولية - الماظة - المرج الجديدة ) وهتنزل الموقف هناك تركب اى حاجة رايحة السويس وتقوله ينزلك عند كسفريت وتوصل بالف سلامة إن شاء الله وما تنساش السلام لسعاد المحروقة وعيالها سلام مخصوص :36_2_33::36_2_33::36_2_33::36_2_33:
هوا اصلا لو جاسوس راح لاسرائيل وقالهم لقيت علي منتدي شويه شباب بيتكلموا علي منطقه عسكريه اسمها كسفريت
ممكن يتفوا عليه وياخدوه يعدموه بتهمه معاداه الساميه
:)
:)
انا واحد من اعز اصحابى كان هناك و فعلا اللى اعرفه انه فى فايد انما فين بالضبط مش عارف و موضوع العفاريت دا فعلا حكالى فيه مواويل ....... ربنا معاه و يخلص على خير
بص يا باشا ... واضح ان فى زمايل كتير من مركز التدريب ده :)
1 - طريق مصر اسماعلية الصحراوي ده اللي هو في اخر الدائري ؟
ايوه
2- حضرتك قولت ان بعد الكارتة اللي هي في الكيلو 86 ادخل يمين طريق فايد ياتري في يفط علي الطريق ده ولا همشي علي الوصفة بس
لما تعدى الكارته و تدفع هتمشى 150-200 متر هتلاقى الدخله يمين و فى يفط
3- شويتين تلاته في طريق فايد يعني حوالي كام كيلو ولا كام ساعة علي سرعة 90 مثلا
هتخلص طريق فايد و هتوصل لتقاطع اسمه مفارق ابو سلطان عند تقاطع الطريق اللى انت فيه مع طريق الاسماعيليه السويس ... طوالى ابو سلطان و الدفرسوار ... شمال على فايد و الاسماعيليه ... يمين على كسفريت و السويس
4- بعد ما وصلت المزلقان اركن العربية يعني وكده انا خلاص وصلت ولا في طريق تاني بعد المزلقان
المركز عند المزلقان بالظبط بس هيدخلوكو من انهى باب هو ده السؤال ... اسأل بتوع الشرطه العسكريه اللى على الطريق الرئيسى
5- بخصوص القطار ممكن مدنيين يركبو القطار الحربي ده او في قطار تاني مش حربي للمدنين بيروح نفس المنطقة ولا هو للعساكر بس
انسى القطر علشان هيتعبك قوى
7- تقريبا المسافة كلها كام كيلو وكام وقت
حوالى 65 كيلو فى طريق الاسماعيليه و 70-80 فى طريق فايد و حاجه بسيطه على طريق الاسماعيليه السويس ... لو ماشى 90-100 هتاخد سشعه و نص لساعتين
6- لو هروح بالمواصلات معلش اعذرني موقف فايد ده فين
لو عايز مواصلات ممكن تاخد بيجو فايد من المرج و تنزل فايد تاخد اى حاجه لكسفريت او تنزل مفارق ابو سلطان تاخد عربيه ربع نقل (و ممكن التوكتوك يكون وصل هناك ... بقالى 12 سنه مروحتش هههههههه)
7- مواعيد الزيارة من كام لكام
يوم الجمعه من 8 الصبح
8- اخدله ايه معايا
ممكن غيارات ... لو اكل متاخدش كتير علشان هياكله و هو معاكم مفيش حاجه بتخش العنبر
و لو عايز تاخدله حاجه جامده ... خد له واسطه تنزله بعد كده :))))))
ربنا معاك و معاه