| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 10 من 10

  1. #1

    الصورة الرمزية morasystem

    رقم العضوية : 56615

    تاريخ التسجيل : 22Dec2009

    المشاركات : 449

    النوع : ذكر

    الاقامة : 6th of October

    السيارة: Mercedes Benz C200 (2013)

    السيارة[2]: Renault Fluence E3 2015

    الحالة : morasystem غير متواجد حالياً

    Cool طريقة تركيب الباركنج سينسور الخلفى للسيراتو سيدان (بالصور) - Facebook Twitter whatsapp انشر الموضوع فى :

    hasad">

    أعضاء المنتدى 36 نايل موتورز ... وحوش كيا الأفاضل ... السلام عليكم و رحمة الله و بركاته

    الموضوع ده يمكن يكون مش مهم أوى ... و جايز أكون اتأخرت على ما عملته بس نظرا لشوية ظروف كدة أخرتنى منها إنى اتوقفت عن المنتدى فترة و الامتحانات فترة تانية و شوية حاجات كدة كحورتنى ... احم .... المهم

    مقدمة: منذ أن هلت النيو السيراتو علينا بطلتها البهية منذ عام 2009 و لفت نظرى إنه كتيير أوى من مستخدمينها معندهمش فى العربية باركنج سينسور ... تحديدا فى الفئات LX - EX - SX1 ... و ده يرجع لعدة أسباب أهمها ...

    1- يا عم ده ملهوش لازمة أصلا ... مطول عمرنا بنركن العربية من غيره
    2- يا عم و انا إيه اللى يخلينى أخرم فى عربيتى .. دى لسة جديدة
    3- و إفرض بقى الباركنج سينسور ده اتسرق .. . إفرض اترزعت فى مطب راح واقع ... إفرض ريحت على عربية و باظ ... إفرض الشمس بوطته و خلته يهيس ؟؟؟
    4- يا عم أصبر بس عليا لحد ما أحوش 1500 جنيه و أروح بإذن الله أركب الأصلى فى أبو رواش

    و دى كانت أهم الأسباب اللى مخوفة الناس من إنهم يركبوا باركنج سينسور ... لكن بعد تجربتى الشخصية و الاستخدام اليومى للباركنج سبنسور ... و نظرا لأن العربية عالية أوى من ورا و عريضة و الإزاز الورانى ضيق ...كان لازم أركب سينسور و كل الحاجات اللى كانت مخوفانى و مخوفة الناس منه دى اختفت تماما أول ما ركبته و بعد تجربة حوالى 5 شهور لحد دلوقتى أهه... إليكم الشرح المصور

    تنويه: تركيب الباركنج سينسور يتم بمعرفة كهربائى السيارات ... مش علشان تركيبه صعب ولا معقد ... بس علشان السرعة و الدقة مش أكتر ... مع العلم إنه انتشرت حاليا فى بعض الجامعات تحديدا كليات الهندسة ... طلبة بيبيعوا الباركنج سينسور و يجيلك لحد البيت يركبهولك كمان

    الأدوات المستخدمة:
    A- الباركنج سينسور : معظم الأنواع المتوفرة صينى ... و الصينى مش وحش بالعكس شغال تمام و كويس جدا ... السعر تقريبا يتراوح من 140 - 180 ... أنا دفعت 160 و 20 جنيه للكهربائى اللى ركب ... مع العلم السعر 160 شامل التركيب ... الألوان المتوفرة الاسود و الفضى و السيلفر تايتانيوم و لو نزلت ركبته فى وسط البلد هتلاقى ألوان تانية كتيير ... و لو ملقيتش اللون قدامك حل من 2 يا إما الكهربائى بيلزق على السينسور استيكر مضاد للمية بنفس لون العربية يا إما بتركب أقرب لون لايق مع العربية بتاعتك ... يعنى مثلا و أنا بركب شفت كارينز بنى و مركبلها سينسور اسود و كانت حلوة جدا ...
    محتويات العلبة:
    1-الحساسات: عددها 4 ... فيه أنواع تانية بتكون 6 حساسات للعربيات العريضة اللى محتاجة حساسات زيادة فى الأجناب ... و فيه نوع مكون من 2 حساس بس و ده فى رأيى إنه فاشل لو هيركب ورا لكن لو هيركب قدام هيكون حاجة تانية

    2- الشاشة: حجمها ضغير جدا عكس ما كنت متصور ... و هقولوكوا كمان شوية حطيتها فين
    3- الأسلاك و الجاكات: كلها طبعا أسلاك تخينة و معزولة تماما ضد المية
    4- بنطة الشنيور: بتكون بنطة ليها شكل خاص و على نفس حجم السينسور بالزبط ... مخصصة للتخريم فى الفيبر فقط

    5- وحدة الباركنج سينسور

    B- مازورة أو متر أو مسطرة خشب طويلة
    C- قلم للتحديد
    D- شريط لحام أسود للأسلاك (شيكارتون) من النوع اليابانى النضيف اللى مبيفكش و مفك Test

    طريقة التركيب:
    1- أولا مفيش نهائيا فك للإكصدام الخلفى ... السينسور بيركب و الإكصدام زى ما هو
    2- بالمسطرة ... يتم قياس عرض الإكصدام و تقسيم أماكن السينسور عليه بالشكل التالى و تحديده بالقلم

    3- تركيب البنطة فى الشنيور ... بتركب زى أى بنطة عادية ... و بتعمل 4 أخرام مكان ال4 حساسات ... الخدعة فى الموضوع هو إنه البنطة مش بتخرم للسينسور بسمك الإكصدام كله ... لأ ... دى بتخرم بنض سماكة الإكصدام و تقف و فيه فى الأمام بوز مدبب يروح عامل فتحة علشان السلك بتاع السينسور يعدى منها ... دى صورة توضح قطاع عرضى للخرم اللى بتكلم عليه

    4- يتم تركيب السلك و السينسور و فيه 4 مشابك فى السينسور هم اللى بيثبتوه فى مكانه جوة ... طبعا علشان ميقعش و ميتسرقش و الكلام اللى مخوف الناس ده ... التخريم بيكون على قد حجم السينسور بالمللى ... بشكل لا يسمح حتى إنك تدخل مفك رفيع بين السينسور و الاكصدام ... لو الكهربائى شك إنه ممكن فيه حتة صغيرة أوى ممكن تسرب مية أو تدخل مفك أو حاجة بيديها حتة لزق أمير صغيرة أوى ... طبعا بنضافة علشان الأمير بيلحوس الدنيا ... هنا هو مستعملش أمير الحمد لله
    5- بعد تركيب ال4 حساسات ال4 أسلاك بيكونوا نازلين من مرا الإكصدام ... فعايزين ندخلهم بقى جوة العربية ... فى معظم العربيات بيكون فيه فتحتين فى أرضية العربية تحت الاستبن ... احنا بقى هنعدى ال 4 أسلاك منهم بالشكل ده




    6- هنلم ال 4 أسلاك بشريط اللحام بداية من السينسور وصولا للعربية جوة علشان زيادة أمان
    7- هنركب ال 4 أسلاك فى 4 فتحات فى وحدة الباركنج سينسور ... بالترتيب طبعا و كل سلك بيكون مكتوب عليه رقم السينسورز اللى جاى منه و اللى المفروض إنك مركبهم بالترتيب


  2. #2

    الصورة الرمزية morasystem

    رقم العضوية : 56615

    تاريخ التسجيل : 22Dec2009

    المشاركات : 449

    النوع : ذكر

    الاقامة : 6th of October

    السيارة: Mercedes Benz C200 (2013)

    السيارة[2]: Renault Fluence E3 2015

    الحالة : morasystem غير متواجد حالياً

    افتراضي -

    8- عايزين بقى نوصل الشاشة بالوحدة بتاع الباركنج سينسور
    أولا : أحسن مكان تركب فيه الشاشة هو فوق مراية الصالون بالشكل ده ... الشاشة حجمها أصغر مم تتصور


    ثانيا : الشاشة مش هتشتغل إلا لما تجيب مارشدير و بالتالى طول م انت ماشى هى طافية و محدش شايفها
    ثالثا : هنعدى السلك بتاعها منين ؟!! ... فيه فى الحتة اللى بين القماش بتاع سقف العربية و الإزاز الأمامى ... هنزقه بإيدينا حشر كدة جوة القماش ... و بالشكل ده

    و بعد كدة فى القايم الشمال ... نزولا لعتبة الباب الأمامى الشمال (بتركب لطش من غير مسامير) و بعد كدة العبة بتاع الباب الورانى الشمال و بعد كدة من تحت الكنبة ... طيب و لما أدخله من تحت الكنبة هيطلع منين ؟؟؟ هيطلعلك فى أرضية شنطة العربية من جوة من تحت القماش بتاع الكنبة ... فيه ناس بتحب تمشى السلك فى أرضية العربية بس دى متبقاش نضافة إطلاقا ... بعد كدة هنوصل الفيشة بتاع الشاشة فى الوحدة
    [IMG][/IMG]
    9- طيب هنحط الوحدة بتاع السينسور فين أصلا ؟؟؟؟ هتخبيها على الشمال فى البطانة بتاع الشنطة ... هتفك المسمار ده ... و تخبيها كدة و تركب تانى المسمار



  3. #3

    الصورة الرمزية Deshahcoka

    رقم العضوية : 49341

    تاريخ التسجيل : 09Oct2009

    المشاركات : 2,135

    النوع : ذكر

    الاقامة : Alex

    السيارة: !

    السيارة[2]: Cerato

    دراجة بخارية: no

    الحالة : Deshahcoka غير متواجد حالياً

    افتراضي -

    مفيش صور يا باش بس عندي احساس انوا الله ينور :)


  4. #4

    الصورة الرمزية morasystem

    رقم العضوية : 56615

    تاريخ التسجيل : 22Dec2009

    المشاركات : 449

    النوع : ذكر

    الاقامة : 6th of October

    السيارة: Mercedes Benz C200 (2013)

    السيارة[2]: Renault Fluence E3 2015

    الحالة : morasystem غير متواجد حالياً

    افتراضي -

    10- كدة مش فاضل غير حاجة واحدة ... الوحدة مش واصلها كهربة !!! ... هنوصل سلك الكهربا على إيه ؟؟؟ الإجابة : على لمبة المارشدير الشمال ... هتمشى السك فى البطانة اللى انت لسة فاككها من شوية لفوق ... و بعد كدة هتدخله فى الماسورة البلاستك اللى على المفصلة المشال بتاع الشنطة ....هتفتح الكونتاك الأول و تجيب مارشدير ... لمبة المارشدير هتنور (يعنى واصلها كهربة)

    هتجيب المفك الTest و هتتعرف على السلك ال (-) بتاع لمبة المارشدير اللى ماشى فى الماسورة دى ... تقريبا لونه برتقالى و توصل ال (+) ب (+) و ()- ب (-)


    11- ملحوظة ... فيه فى الوحدة فتحة للBuzzer اللى هى السماعة بتاع السينسور اللى هتصفرلك و انت بترجع ... هنا السينسور بتاعى سماعته فى الشاشة يعنى الفتحة دى متبرشمة ... ملهاش لازمة

    كدة سيادتك خلصت خلاص ... خلى حد يقف ورا العربية و جرب الحساسات ال 4 كل واحدة لواحدها عن طريق إنه يقرب إيده و يبعدها ... مدى كل حساس من دول بين ال 200 سم و 30 سم ... أكتر من 200 سم ميجيبش و أقل من 30 سم هيصفرلك علشان تقف ... و عيش يا معلم ... مفيش سلوك باينة ... مفيش لعب فى ضفيرة ... الحساسات راكبة تمام ... الشاشة محدش أساسا هياخد باله منها و هى شغالة إلا لما انت تشاورله على مكانها

    مدة التركيب: الكهربائى هيغشك فى الأول و يقوللك نص ساعة يا باشا ... لأ هى ساعة إلا ربع

    ملاحيظ على الاستعمال: السينسور لا يتأثر بالشمس ... مش بيهيس من الحر زى ما الناس فاكرة ... إستجابته سريعة جدا لو انت بترجع و حد جه وراك ... بيجيبلك المسافة اللى وراك على اليمين و الشمال بالسنتيمتر ... يعنى متفوق على الحساس الأصلى ... غير قابل للسرقة ... هو و الإكصدام حتة واحدة يعنى لو لا قدر الله ربحي على العربية اللى وراك مش هيفك و لا الهرتلة دى ... أصلا انت مش هتخبط فى العربيات اللى وراك بعد كدة ... بيجيب ارتفاعات بداية من الرصيف وصولا للجداران و تخانات تتراوح بين العمدان أو الكراسى وصولا للحيطان برضه ... الموضوع برمته غير مقلق إطلاقا و التركيب سهل و سريع و رخيص و كل اللى هيشوفه هيقوللك أنا عايز من ده يا حزمبل ... فيه معارض بتركب السينسور ده للعربيات ال EX و يبيعوها على إنها SX خدوا بالكوا إن السينسور التركيب بيكون بارز عن الإكصدام بحوالى 1 - 1.5 مللى

    بالنسبة للكارينز و السول و الريو مفيش مشكلة فى التركيب
    بالنسبة للسيراتو كوبيه ممكن يكون فيه مشكلة لأنه السينسور بتاعها بيكون فى المسطرة الفيبر اللى تحت الإكصدام نفسه ... بس أعتقد إنه معدش بينزل أصلا كوبيه من غير سينسور


  5. #5

    الصورة الرمزية morasystem

    رقم العضوية : 56615

    تاريخ التسجيل : 22Dec2009

    المشاركات : 449

    النوع : ذكر

    الاقامة : 6th of October

    السيارة: Mercedes Benz C200 (2013)

    السيارة[2]: Renault Fluence E3 2015

    الحالة : morasystem غير متواجد حالياً

    افتراضي -


    الشكل بعد التركيب:


    فيديو:
    [youtube]http://www.youtube.com/watch?v=YhgpyNGF_uw[/youtube]

    إنتظروا قريبا بإذن الله لو كان لينا عمر تركيب السينسور الأمامى ... للنيو سيراتو برضه ... علشان نخليها 2013 زى ما اتفقنا


  6. #6

    الصورة الرمزية morasystem

    رقم العضوية : 56615

    تاريخ التسجيل : 22Dec2009

    المشاركات : 449

    النوع : ذكر

    الاقامة : 6th of October

    السيارة: Mercedes Benz C200 (2013)

    السيارة[2]: Renault Fluence E3 2015

    الحالة : morasystem غير متواجد حالياً

    افتراضي -

    اقتباس المشاركة الأصلية كتبت بواسطة Deshahcoka مشاهدة المشاركة
    مفيش صور يا باش بس عندي احساس انوا الله ينور :)
    ههههههههههههه ينور علينا و عليك يا باشا ...بس المنتدى لا يسمح بأكتر من 10 صور فى البوست الواحدة ... فحضرتك هتدوس على الصورة و تعمل Open in New Tab


  7. #7

    الصورة الرمزية Deshahcoka

    رقم العضوية : 49341

    تاريخ التسجيل : 09Oct2009

    المشاركات : 2,135

    النوع : ذكر

    الاقامة : Alex

    السيارة: !

    السيارة[2]: Cerato

    دراجة بخارية: no

    الحالة : Deshahcoka غير متواجد حالياً

    افتراضي -

    باشا والله مفيش صور ظاهرة و الفيديوا مش شغال بيقلي بريفت :(


  8. #8

    الصورة الرمزية morasystem

    رقم العضوية : 56615

    تاريخ التسجيل : 22Dec2009

    المشاركات : 449

    النوع : ذكر

    الاقامة : 6th of October

    السيارة: Mercedes Benz C200 (2013)

    السيارة[2]: Renault Fluence E3 2015

    الحالة : morasystem غير متواجد حالياً

    افتراضي -

    اقتباس المشاركة الأصلية كتبت بواسطة Deshahcoka مشاهدة المشاركة
    باشا والله مفيش صور ظاهرة و الفيديوا مش شغال بيقلي بريفت :(
    الصور عددها كبير و المنتدى لا يسمح ... دوس كليك يمين على الصورة و اعمل Open in New Tab
    بالنسبة للفيديو جرب تانى كدة ... أنا شلت ال Privacy


  9. #9

    الصورة الرمزية Deshahcoka

    رقم العضوية : 49341

    تاريخ التسجيل : 09Oct2009

    المشاركات : 2,135

    النوع : ذكر

    الاقامة : Alex

    السيارة: !

    السيارة[2]: Cerato

    دراجة بخارية: no

    الحالة : Deshahcoka غير متواجد حالياً

    افتراضي -

    مهوا الصورة مفيش حاجة مكانها ابيض كأنك سايب مسافة بين الكلام بس مش اكتر :( الفيديوا اشتغل فله :)


  10. #10

    الصورة الرمزية morasystem

    رقم العضوية : 56615

    تاريخ التسجيل : 22Dec2009

    المشاركات : 449

    النوع : ذكر

    الاقامة : 6th of October

    السيارة: Mercedes Benz C200 (2013)

    السيارة[2]: Renault Fluence E3 2015

    الحالة : morasystem غير متواجد حالياً

    افتراضي -

    hasad">

    طيب أنا هجرب هرفع الصور على موقع رفع تانى و أعمل موضوع جديد و أرجو من الإدارة إزالة الموضوع ده



 

المواضيع المتشابهه

  1. تركيب بارك سينسور للأوبترا (بالصور)
    بواسطة HeMa_LanCeR في المنتدى شــيفـرولــيه
    مشاركات: 5
    آخر مشاركة: 03-12-2012, 02:07 AM
  2. حصرياً ولأول مرة تركيب سينسور بارك (حساسات للركن) بالصور
    بواسطة ehabhoba في المنتدى كــماليــات السيـــارات و الإكسسوارات
    مشاركات: 27
    آخر مشاركة: 15-07-2011, 06:06 PM
  3. مشاركات: 30
    آخر مشاركة: 10-02-2011, 02:16 AM
  4. لقيت الباركنج سينسور اللى شبه الأصلى بتاع كيا
    بواسطة morasystem في المنتدى كـــــيا
    مشاركات: 17
    آخر مشاركة: 27-03-2010, 11:23 PM
  5. تركيب باركينج سينسور بالصور
    بواسطة maaatrixxx في المنتدى كـــــيا
    مشاركات: 0
    آخر مشاركة: 25-02-2010, 05:01 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2