طريقة تركيب الباركنج سينسور الخلفى للسيراتو سيدان - تم التعديل (بالصور)

أعضاء المنتدى 36 نايل موتورز ... وحوش كيا الأفاضل ... السلام عليكم و رحمة الله و بركاته

الموضوع ده يمكن يكون مش مهم أوى ... و جايز أكون اتأخرت على ما عملته بس نظرا لشوية ظروف كدة أخرتنى منها إنى اتوقفت عن المنتدى فترة و الامتحانات فترة تانية و شوية حاجات كدة كحورتنى ... احم .... المهم

مقدمة: منذ أن هلت النيو السيراتو علينا بطلتها البهية منذ عام 2009 و لفت نظرى إنه كتيير أوى من مستخدمينها معندهمش فى العربية باركنج سينسور ... تحديدا فى الفئات LX - EX - SX1 ... و ده يرجع لعدة أسباب أهمها ...

1- يا عم ده ملهوش لازمة أصلا ... مطول عمرنا بنركن العربية من غيره
2- يا عم و انا إيه اللى يخلينى أخرم فى عربيتى .. دى لسة جديدة
3- و إفرض بقى الباركنج سينسور ده اتسرق .. . إفرض اترزعت فى مطب راح واقع ... إفرض ريحت على عربية و باظ ... إفرض الشمس بوطته و خلته يهيس ؟؟؟
4- يا عم أصبر بس عليا لحد ما أحوش 1500 جنيه و أروح بإذن الله أركب الأصلى فى أبو رواش

و دى كانت أهم الأسباب اللى مخوفة الناس من إنهم يركبوا باركنج سينسور ... لكن بعد تجربتى الشخصية و الاستخدام اليومى للباركنج سبنسور ... و نظرا لأن العربية عالية أوى من ورا و عريضة و الإزاز الورانى ضيق ...كان لازم أركب سينسور و كل الحاجات اللى كانت مخوفانى و مخوفة الناس منه دى اختفت تماما أول ما ركبته و بعد تجربة حوالى 5 شهور لحد دلوقتى أهه... إليكم الشرح المصور

تنويه: تركيب الباركنج سينسور يتم بمعرفة كهربائى السيارات ... مش علشان تركيبه صعب ولا معقد ... بس علشان السرعة و الدقة مش أكتر ... مع العلم إنه انتشرت حاليا فى بعض الجامعات تحديدا كليات الهندسة ... طلبة بيبيعوا الباركنج سينسور و يجيلك لحد البيت يركبهولك كمان

الأدوات المستخدمة:
A- الباركنج سينسور : معظم الأنواع المتوفرة صينى ... و الصينى مش وحش بالعكس شغال تمام و كويس جدا ... السعر تقريبا يتراوح من 140 - 180 ... أنا دفعت 160 و 20 جنيه للكهربائى اللى ركب ... مع العلم السعر 160 شامل التركيب ... الألوان المتوفرة الاسود و الفضى و السيلفر تايتانيوم و لو نزلت ركبته فى وسط البلد هتلاقى ألوان تانية كتيير ... و لو ملقيتش اللون قدامك حل من 2 يا إما الكهربائى بيلزق على السينسور استيكر مضاد للمية بنفس لون العربية يا إما بتركب أقرب لون لايق مع العربية بتاعتك ... يعنى مثلا و أنا بركب شفت كارينز بنى و مركبلها سينسور اسود و كانت حلوة جدا ...
محتويات العلبة:

http://img593.imageshack.us/img593/502/36735427.png

1-الحساسات: عددها 4 ... فيه أنواع تانية بتكون 6 حساسات للعربيات العريضة اللى محتاجة حساسات زيادة فى الأجناب ... و فيه نوع مكون من 2 حساس بس و ده فى رأيى إنه فاشل لو هيركب ورا لكن لو هيركب قدام هيكون حاجة تانية


2- الشاشة: حجمها ضغير جدا عكس ما كنت متصور ... و هقولوكوا كمان شوية حطيتها فين

3- الأسلاك و الجاكات: كلها طبعا أسلاك تخينة و معزولة تماما ضد المية

4- بنطة الشنيور: بتكون بنطة ليها شكل خاص و على نفس حجم السينسور بالزبط ... مخصصة للتخريم فى الفيبر فقط
http://img522.imageshack.us/i/76841634.jpg

5- وحدة الباركنج سينسور


B- مازورة أو متر أو مسطرة خشب طويلة
C- قلم للتحديد
D- شريط لحام أسود للأسلاك (شيكارتون) من النوع اليابانى النضيف اللى مبيفكش و مفك Test

طريقة التركيب:
1- أولا مفيش نهائيا فك للإكصدام الخلفى ... السينسور بيركب و الإكصدام زى ما هو
2- بالمسطرة ... يتم قياس عرض الإكصدام و تقسيم أماكن السينسور عليه بالشكل التالى و تحديده بالقلم
http://img534.imageshack.us/i/43498600.jpg/
3- تركيب البنطة فى الشنيور ... بتركب زى أى بنطة عادية ... و بتعمل 4 أخرام مكان ال4 حساسات ... الخدعة فى الموضوع هو إنه البنطة مش بتخرم للسينسور بسمك الإكصدام كله ... لأ ... دى بتخرم بنض سماكة الإكصدام و تقف و فيه فى الأمام بوز مدبب يروح عامل فتحة علشان السلك بتاع السينسور يعدى منها ... دى صورة توضح قطاع عرضى للخرم اللى بتكلم عليه
http://img130.imageshack.us/i/84327236.png/
4- يتم تركيب السلك و السينسور و فيه 4 مشابك فى السينسور هم اللى بيثبتوه فى مكانه جوة ... طبعا علشان ميقعش و ميتسرقش و الكلام اللى مخوف الناس ده ... التخريم بيكون على قد حجم السينسور بالمللى ... بشكل لا يسمح حتى إنك تدخل مفك رفيع بين السينسور و الاكصدام ... لو الكهربائى شك إنه ممكن فيه حتة صغيرة أوى ممكن تسرب مية أو تدخل مفك أو حاجة بيديها حتة لزق أمير صغيرة أوى ... طبعا بنضافة علشان الأمير بيلحوس الدنيا ... هنا هو مستعملش أمير الحمد لله
5- بعد تركيب ال4 حساسات ال4 أسلاك بيكونوا نازلين من مرا الإكصدام ... فعايزين ندخلهم بقى جوة العربية ... فى معظم العربيات بيكون فيه فتحتين فى أرضية العربية تحت الاستبن ... احنا بقى هنعدى ال 4 أسلاك منهم بالشكل ده
http://img209.imageshack.us/i/33734335.jpg/
http://img522.imageshack.us/i/69471917.jpg/
http://img831.imageshack.us/i/39132130.jpg/
http://img407.imageshack.us/i/40517422.jpg/
6- هنلم ال 4 أسلاك بشريط اللحام بداية من السينسور وصولا للعربية جوة علشان زيادة أمان
7- هنركب ال 4 أسلاك فى 4 فتحات فى وحدة الباركنج سينسور ... بالترتيب طبعا و كل سلك بيكون مكتوب عليه رقم السينسورز اللى جاى منه و اللى المفروض إنك مركبهم بالترتيب
http://img825.imageshack.us/i/51269569.jpg/
8- عايزين بقى نوصل الشاشة بالوحدة بتاع الباركنج سينسور
أولا : أحسن مكان تركب فيه الشاشة هو فوق مراية الصالون بالشكل ده ... الشاشة حجمها أصغر مم تتصور
http://img40.imageshack.us/i/37537376.jpg/



محدش يرد ... لسة فيه تكملة

http://img708.imageshack.us/i/38524076.jpg/
ثانيا : الشاشة مش هتشتغل إلا لما تجيب مارشدير و بالتالى طول م انت ماشى هى طافية و محدش شايفها
ثالثا : هنعدى السلك بتاعها منين ؟!! ... فيه فى الحتة اللى بين القماش بتاع سقف العربية و الإزاز الأمامى ... هنزقه بإيدينا حشر كدة جوة القماش ... و بالشكل ده
http://img80.imageshack.us/i/61472288.jpg/
و بعد كدة فى القايم الشمال ... نزولا لعتبة الباب الأمامى الشمال (بتركب لطش من غير مسامير) و بعد كدة العبة بتاع الباب الورانى الشمال و بعد كدة من تحت الكنبة ... طيب و لما أدخله من تحت الكنبة هيطلع منين ؟؟؟ هيطلعلك فى أرضية شنطة العربية من جوة من تحت القماش بتاع الكنبة ... فيه ناس بتحب تمشى السلك فى أرضية العربية بس دى متبقاش نضافة إطلاقا ... بعد كدة هنوصل الفيشة بتاع الشاشة فى الوحدة
http://img521.imageshack.us/i/13194198.jpg/
9- طيب هنحط الوحدة بتاع السينسور فين أصلا ؟؟؟؟ هتخبيها على الشمال فى البطانة بتاع الشنطة ... هتفك المسمار ده ... و تخبيها كدة و تركب تانى المسمار
http://img830.imageshack.us/i/56889294.jpg/
http://img28.imageshack.us/i/34541395.jpg/
10- كدة مش فاضل غير حاجة واحدة ... الوحدة مش واصلها كهربة !!! ... هنوصل سلك الكهربا على إيه ؟؟؟ الإجابة : على لمبة المارشدير الشمال ... هتمشى السك فى البطانة اللى انت لسة فاككها من شوية لفوق ... و بعد كدة هتدخله فى الماسورة البلاستك اللى على المفصلة المشال بتاع الشنطة ....هتفتح الكونتاك الأول و تجيب مارشدير ... لمبة المارشدير هتنور (يعنى واصلها كهربة)
http://img695.imageshack.us/i/48598187.jpg/
هتجيب المفك الTest و هتتعرف على السلك ال (-) بتاع لمبة المارشدير اللى ماشى فى الماسورة دى ... تقريبا لونه برتقالى و توصل ال (+) ب (+) و ()- ب (-)
http://img406.imageshack.us/i/17626322.jpg/
http://img262.imageshack.us/i/36646432.jpg/
11- ملحوظة ... فيه فى الوحدة فتحة للBuzzer اللى هى السماعة بتاع السينسور اللى هتصفرلك و انت بترجع ... هنا السينسور بتاعى سماعته فى الشاشة يعنى الفتحة دى متبرشمة ... ملهاش لازمة

كدة سيادتك خلصت خلاص ... خلى حد يقف ورا العربية و جرب الحساسات ال 4 كل واحدة لواحدها عن طريق إنه يقرب إيده و يبعدها ... مدى كل حساس من دول بين ال 200 سم و 30 سم ... أكتر من 200 سم ميجيبش و أقل من 30 سم هيصفرلك علشان تقف ... و عيش يا معلم ... مفيش سلوك باينة ... مفيش لعب فى ضفيرة ... الحساسات راكبة تمام ... الشاشة محدش أساسا هياخد باله منها و هى شغالة إلا لما انت تشاورله على مكانها :verygood:

مدة التركيب: الكهربائى هيغشك فى الأول و يقوللك نص ساعة يا باشا ... لأ هى ساعة إلا ربع

ملاحيظ على الاستعمال: السينسور لا يتأثر بالشمس ... مش بيهيس من الحر زى ما الناس فاكرة ... إستجابته سريعة جدا لو انت بترجع و حد جه وراك ... بيجيبلك المسافة اللى وراك على اليمين و الشمال بالسنتيمتر ... يعنى متفوق على الحساس الأصلى ... غير قابل للسرقة ... هو و الإكصدام حتة واحدة يعنى لو لا قدر الله ربحي على العربية اللى وراك مش هيفك و لا الهرتلة دى ... أصلا انت مش هتخبط فى العربيات اللى وراك بعد كدة ... بيجيب ارتفاعات بداية من الرصيف وصولا للجداران و تخانات تتراوح بين العمدان أو الكراسى وصولا للحيطان برضه ... الموضوع برمته غير مقلق إطلاقا و التركيب سهل و سريع و رخيص و كل اللى هيشوفه هيقوللك أنا عايز من ده يا حزمبل ... فيه معارض بتركب السينسور ده للعربيات ال EX و يبيعوها على إنها SX خدوا بالكوا إن السينسور التركيب بيكون بارز عن الإكصدام بحوالى 1 - 1.5 مللى

الشكل بعد التركيب:
http://img5.imageshack.us/i/38860378.jpg/
http://img15.imageshack.us/i/94319838.jpg/

فيديو:
[youtube]http://www.youtube.com/watch?v=YhgpyNGF_uw[/youtube]
إنتظروا قريبا بإذن الله لو كان لينا عمر تركيب السينسور الأمامى ... للنيو سيراتو برضه ... علشان نخليها 2013 زى ما اتفقنا


فى حالة لو الصور مشتغلتش عندك ادخل على الرابط ده ImageShack(TM) slideshow

الله ينور :) الف مبروك يا باشا و ربنا يباركلك فيها :) انا شفت الصور عن طريق اللنك غير كدة مش ظاهرة :)

اولا الف شكر على التقرير المهم دا و على المجهود اللى انت عملته
كان عندى سوال بس هو الباركينج سينسور جبتوا منين عشان انشاء الله الشهر الجاى هنزل القاهرة افرش العربية فى جينز و بالمرة اركبوا عشان عربيتى اخ عربتك

اقتباس:

---

المشاركة الأصلية كتبت بواسطة ahmed_201091

اولا الف شكر على التقرير المهم دا و على المجهود اللى انت عملته
كان عندى سوال بس هو الباركينج سينسور جبتوا منين عشان ان شاء الله الشهر الجاى هنزل القاهرة افرش العربية فى جينز و بالمرة اركبوا عشان عربيتى اخ عربتك

---

,و الله انا مركبه هنا عند واحد فى 6 اكتوبر ... بس طالما نازل القاهرة هتلاقى عند ناس كتيير أوى ... فيه فى التوفيقية ناس كتير و هيدوك سعر أرخص ... و فيه عندك فى شارع شيخ ريحان قدام وزارة الداخلية فى وسط البلد برضه سبير كار عنده فرش و سينسور ... هو موجود عامة عند أى واحد بتاع اكسسوارات عربيات

اقتباس:

---

المشاركة الأصلية كتبت بواسطة deshahcoka

الله ينور :) الف مبروك يا باشا و ربنا يباركلك فيها :) انا شفت الصور عن طريق اللنك غير كدة مش ظاهرة :)

---

الله يبارك فيك ... و انا بجد مش عارف أعمل إيه أكتر من كدة .... عملت الموضوع مرتين كل مرة على موقع رفع ... واحد عربى و واحد أجنبى ... مش عارف الصور مش شغالة ليه ؟؟؟ بس واضح إن المشكلة فى المنتدى أو جايز العضوية بتاعتى متسمحش إنى أحط كل الصور دى مع بعض !!!! أنا قاعد من الساعة 2 و نص لحد دلوقتى عمال أجرب و أرفع

مشكور جدا على التقرير

أنا ركبته مرتين قبل كده في عربيتين من اللي ركبتهم

مفيد جدا جدا

وكان من النوع ذو المراية السحرية

وشكرا للموضوع والفيديو

مشكور جدا على الموضوع الرائع

اقتباس:

---

المشاركة الأصلية كتبت بواسطة د.محمود صلاح

أنا ركبته مرتين قبل كده في عربيتين من اللي ركبتهم

مفيد جدا جدا

وكان من النوع ذو المراية السحرية

وشكرا للموضوع والفيديو

---

بالمناسبة ... حضرتك ركبته بكام النوع اللى فيه مراية ... أنا سألت عليه قاللى 500 بالسينسور بتاعه و الكاميرا بتتباع لوحدها ب 170

الله ينور..موضوع ممتاز...على فكرة الصور فعلا مش ظاهرة..شكلك كدا هاتتفق مع مشرف القسم على تعديل اللينكات....أنا بعد إذنك اضفت الفيديو على الموضوع دا http://www.nilemotors.net/Nile/191004-a-3.html

http://img593.imageshack.us/img593/502/36735427.png

http://img522.imageshack.us/img522/2692/76841634.jpg

http://img534.imageshack.us/img534/9587/43498600.jpg

http://img130.imageshack.us/img130/408/84327236.png

http://img209.imageshack.us/img209/6548/33734335.jpg

http://img522.imageshack.us/img522/7656/69471917.jpg

http://img831.imageshack.us/img831/5161/39132130.jpg

http://img407.imageshack.us/img407/9889/40517422.jpg

http://img825.imageshack.us/img825/2228/51269569.jpg

http://img40.imageshack.us/img40/3014/37537376.jpg

مشكوووووور والله يعطيك الف عافيه

http://img708.imageshack.us/img708/3987/38524076.jpg

http://img80.imageshack.us/img80/6257/61472288.jpg

http://img521.imageshack.us/img521/992/13194198.jpg

http://img830.imageshack.us/img830/9355/56889294.jpg

http://img28.imageshack.us/img28/3028/34541395.jpg

http://img695.imageshack.us/img695/7077/48598187.jpg

http://img406.imageshack.us/img406/1563/17626322.jpg

http://img262.imageshack.us/img262/1032/36646432.jpg

http://img5.imageshack.us/img5/4546/38860378.jpg

http://img15.imageshack.us/img15/1953/94319838.jpg

اقتباس:

---

المشاركة الأصلية كتبت بواسطة ecybrarian

الله ينور..موضوع ممتاز...على فكرة الصور فعلا مش ظاهرة..شكلك كدا هاتتفق مع مشرف القسم على تعديل اللينكات....أنا بعد إذنك اضفت الفيديو على الموضوع دا http://www.nilemotors.net/Nile/191004-a-3.html

---

طبعا يا باشا انت تاخد اللى انت عاوزه بدون استئذان كمان ... بس الله يخليك دلنى .... مين مشرف القسم هنا ؟؟؟ و حاجة كمان انت نسخت أنهى كود Direct Link ولا ال HTML Code أحسن أنا دخت و احتست ... زمان كنت بحط ال Direct Link تطلع الصورة دلوقتى مش عارف إيه الحكاية ؟؟!!!

انا الحقيقة ما عرفش مين مشرف القسم هنا..ابعت لكريم منير http://www.nilemotors.net/Nile/members/32.html على الخاص وهو يحول طلبك للمشرف..بس بجد شغل جامد جدا..احييك عليه

اقتباس:

---

المشاركة الأصلية كتبت بواسطة ecybrarian

انا الحقيقة ما عرفش مين مشرف القسم هنا..ابعت لكريم منير :: نــايــل مــوتــورز:: - :: NileMotors.net :: على الخاص وهو يحول طلبك للمشرف..بس بجد شغل جامد جدا..احييك عليه

---

ربنا يخليك ده من ذوق حضرتك... و انا اسف الفيديو صورته حقيرة شوية :patch2:(أو شويتين) بس الصبح بإذن الله هشحت تليفون محترم من واحد صاحبى و هعمل فيديو تانى:36_3_10[1]:

شغل ممتاز والله عبقرى

تقرير هايل و نشكرك علي المجهود

بجد بجد بروعه جزاك الله خير موضوع هام جدااااااااااااا

مبروك ياباشا بس بتفك السقف عشان تعدي السلك و لا ايه؟؟

اقتباس:

---

المشاركة الأصلية كتبت بواسطة mohssenrashed

مبروك ياباشا بس بتفك السقف عشان تعدي السلك و لا ايه؟؟

---

لأ بتحشر السلك بإيدك جوة السقف ... لو بصيت عالعربية السيراتو هتلاقى فيه مكان ... و بعد كدة الكهربائى بينزله فى لقايم الشمال أو لو السقف يسمح ممكن يكمل السلك فى السقف ... الحكاية تختلف من عربية للتانية بس فى النهاية كله واحد ... التركيب سهل جدا

تقرير ولا اروع بجد و الشرح و الصور ممتازين
كنت عاوز اسال حضرتك على نوع السنسور او حتة شكل العلبة بتعتة عشان عاوز اقلدك و اجيب زيو بضبط :ma:
و سوال تانى معلش هو فية سنسور امامى عشان الارصفة العلية

اقتباس:

---

المشاركة الأصلية كتبت بواسطة boogie

تقرير ولا اروع بجد و الشرح و الصور ممتازين
كنت عاوز اسال حضرتك على نوع السنسور او حتة شكل العلبة بتعتة عشان عاوز اقلدك و اجيب زيو بضبط :ma:
و سوال تانى معلش هو فية سنسور امامى عشان الارصفة العلية

---

شكرا لحضرتك ... بالنسبة للنوع أنا مش فاكره بالزبط بس هو كان فيه أكتر من نوع و كلهم كانوا نفس السعر و نفس حجم العلبة حتى فتحلى معظمهم علشان يفرجنى على الألوان و كان نفس شكل السينسور و الشاشة و اليونت بالزبط فى كل علبة و كلهم كانوا صينى برضه ... و بالنسبة للسينسور الأمامى أكيد فيه طبعا ... بس محدش بيركبه علشان ملهوش لازمة فى معظم العربيات ... بس فى العربيات الطويلة من قدام زى السيرتو أو الكروز فهيكونله أهمية كبيرة طبعا

بيركب زى السنسور الخلفى بالزبط ... و بياخد كهربته من علبة الفيوزات اللى فى العربية جنب الدركسيون و بيتعمله زرار فى مكان مستخبى علشان طبعا مش هيفضل شغال طول ما انت ماشى يعنى .... فبتشغله ساعة لما تيجى تركن و تطفيه لما تخلص

اقتباس:

---

المشاركة الأصلية كتبت بواسطة can_be

بجد بجد بروعه جزاك الله خير موضوع هام جدااااااااااااا

---

اقتباس:

---

المشاركة الأصلية كتبت بواسطة romioramy

تقرير هايل و نشكرك علي المجهود

---

دا انا متشكر ليكوا و الله على ال 5 نجوم ...أنا مش عارف مين فيكوا بس أحرجتونى و الله :ma(36):

شكرا جدا على الموضوع

تقرير ممتاز جدا

وحده الباركينج سنسور اللي عندي هيست و بقت بتدي بيب على طول اجيب ماركه ايه ولا نوع ايه

موضوع ممتاذ
الف شكررررر