مــا رأيــكم فى تغيــر ريجاتا 1500 سى سى بإيبيــزا 1000 سى سى أو 1300 سى سى؟

السلام عليكم احبائى فى منتدى السيات
طلبنى مهندس صديق لى فى الشركة امس هو شاب و متزوج و عندة طفلين يعنى مش لوحدة و اخذ يسألنى على السيات ايبيزا 1000 سى سى و 1300 سى سى لأنة يريد شراء سيارة غير سيارتة الريجاتا 1500 سى سى فهو يتنقل فى وسط البلد و الريجاتا تستهلك بنزين زيادة شوية فهو كان يقارن و يفاضل ما بين الإيبيزا و الجولف 2 موديل تسعينات و انا ايضا عرضت علية لادا سمارا لأنها كانت عندى لسنوات و كنت احبها جدا و كانت 1300 سى سى و موديل 95 و استهلاك بنزينها رااااائع خاصة انى كنت جايبلها كاربراتير جديد لانج و لم اعانى من قطع غيارها
و الآن انا عايزكم تساعدونا فى الإختيار على اساس هذة النقط
* استهلاك البنزين و هذة اهم نقطة لأنة يعانى منها و يفكر فى التغيير بسببها
* قوة السيارة يعنى مش عايزها ضعيفة فى سحبها لو ركب فيها اكثر من شخص مثلا فهل 1000 سى سى تفى بالغرض
* توافر قطع الغيار بسعر معقول حتى لا يعانى فى البحث عنها أوفى سعرها المرتفع
* شنطة كويسة عشان لو شال فيها يلاقى مساحة تكفى و انا حاسس إن الإيبيزا شنطتها صغيرة رغم انها سيارة جميلة جدا
و ياريت كمان تقولولى بالأرقام معدل استهلاك كل واحدة بالتقريب فى البنزين يعنى سيات 1000 و 1300 و جولف 2 1300 لأنة مهتم جدا بهذة النقطة
و ايضا هل السيات 1000 سى سى هى نفس حجم السيارة 1300 داخليا و خارجيا
انتظر من اخوانى ان يسدوا لى النصيحة و يغدقوا على بالمعلومات و خاصة محمد ايبيزا و محب السيات

السلام عليكم يا أستاذ ممدوح
العربية ال 1000 ......... موتورها مش قوي و لكن موفر جدا في البنزين و انا قلت مش قوي علشان هو أول ما هايركب عربية 1000 هايبدأ يقارن بينها و بين قوة الريجاتا ......... و طبعا النتيجة معروفة
هي حلوة لو هايستحمل ضعف الموتور لما يكون معاه ناس كنير في العربية
و طبعا الموتور ال 1300 أفضل و هو وسط في القوة و ممتاز في توفير البنزين
و لو عايز نصحتي لماركة عربية بعينها ........ يبقى عندك البونتو موديلات ما بعد 2000........ مشاكلها قليلة جدا ....... قطع غيارها معقولة و بتعيش ......... واسعة في الفئة بتاعتها .......... و عربية حلوة قوي

معدل الأستهلاك كالتالي
العربي بتعمل تقريبا 15 كم لكل لتر بنزين و ساعات بتعدي 17 كم و لكن بدون تحميل السيارة
و لو محمل لا يقل الاستهلاك بأي حال من الأحوال عن 13 كم لكل لتر بنزين
سرعة السيارة القصوى هي 155 كم في الساعة
و بعدين البونتو هايلاقي منها حالات أحسن من الإبيزا لأن الإبيزا الشباب بهدلوها و طلعوا عينها بالإضافة إن قطع غيارها غالية شوية و لكن بتعيش بصراحة
و ثمن موديلات ما فوق 2000 كالتالي
و ثمن البونتو المستعمل بيكون حوالي من 38 إلى 45 ............ حسب الحالة ..... و العداد

دايما سباق بالواجب يا توت و على فكرة انا بجد عايز اعرف اسمك الحقيقى اية
طبعا البونتو عربية جميلة جدا و هى اختيار موفق لكنى اراها ليست عائلية الى حد كبير يعنى شنطتها صغيرة جدا و من جوة متسحتملش اكتر من 4 بالكتير بما فيهم السائق
انت عارف انا عرضت علية كما قلت السمارا لأنها كانت عندى و عارف اخبارها كويس و كمان عرضت علية شراء سيارة ايديا لأنى سقتها و جربتها و لاقيتها من جوة واسعة بشكل طيب و ناعمة و سحبها حلو و استهلاكها ممتاز فى البنزين بناء على رأى اكثر من واحد عندة السيارة دى و قلتلة يكفى انها بحوالى 40 الف و هتكون زيرو يعنى انت اول من يستعملها و انا شايفها بتنتشر كويس و شكلها داخليا و خارجيا شيك جدا و شنطتها الى حدا ما معقولة جدا خاصة انها مرتفعة كالماتريكس بس اوعى اصحاب الماتريكس يزعلوا طبعا فية فوارق كثيرة بينهم
فهو مستنى يشوف نتائج المقارنات و يقرر

اللي طلبته الاول جه و سيات لوفر جاي في الطريق.................
نمسك اول عربية ابيزا 94 و 2001.........


ابيزا 94 المتربعة علي فئة الهاتش باك 1300 سي سي 55 حصان عزمها لا يقل عن 120 130 نيوتن

الابيزا..موتور-شاسيه-عفشة-فتيس الماني جولف العربية حمووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو وووووووووووووووووووولة جدااااااااااااااااااااااا اااااااااا جدا جدا امتلكنا الابيزا من اول ما نزلت عام 94 15 سنة فحت و ردم 392 الف كيلو زيت ال 5000 كيلو بيعد بيه 7000 و 8000 و عملنا بيه 12000 الف كيلو قبل كده البنزين 90 من ساعة ما جت الموتور بيدي بنسبة 65% مضربش فيه مفك لا عمرة ولا شنبر
-الاستعمال حرت و سفر و شيل و حط و النتيجة عربية زي الفل و تحمل فوق العادي لعربية بالحجم ده و موتور 1300 مش 2000 يعني موتور صغير
العفشة حمالة اسية بدرجة غبية جدا جدا جدا جدا المساعدين الفابريقة اعدوا 12 سنة و بلي ادام اعد 14 سنة الكبالن دلوقتي بدات تشتكي بس برضه كبالن الفابريقة حرت 15 سنة مع شوارع البلد


اشاعة غلاء قطع غيار الابيزا فاااااااااااااااااااااااا ااااااااااااااااااااااااش لة بكل المقاييس الاسعار معقولة و العمر الافتراضي طوييييييييييييييييييييييي ييييييييييييييييييييييييي ييييييييل جدا جدا جدا تحط الحاجة و تنساها اساسا عربية لا تحتاج اي مصاريف في صيانتها تانك البنزين 40 لتر محطوط تحت الكنبة الخلفية التقفيل ممتاز خامات الصالون عالية الجودة لم تتأثر بالشمس حتي الان (الحمد لله)
-الثبات حدث ولا حرج بطة مع صغر الحجم لحد 170 كيلو\ساعة كانت ثاااااااااااااااااااااااا ااااااااااابتة جداااااااااااااا و الموتور اللي فيها الاماني الرهيب لما كانت جديدة كان مؤهل انه يقفل العداد 200 كيلو يعني و انا بقول ده لان اغلب العربيات مبتجيبش السرعة الموجودة علي الامبير الابيزا جابت 170 و اللي فاضل كان يقفل العداد................
-استهلاك البنزين كويس في نظري يهني مثلا تحط 30 لتر و تطلع اسكندرية حوالي 250 كيلو من عندنا و توصل و تاخد الكورنيش كله رايح جاي و المنشية و خالد بن الوليد و القلعة و نتغدي بالمرة ههههه و نرجع تاني العجمي تحديدا (ابو يوسف) و ال 30 لتر شغالين زي الفل يعني حوالي 350 كيلو مع الوقوف في الاشارات و الكورنيش الزحمة في الصيف حلو الكلام العربية بأختصار خلاصة تجربة 15 سنة ممتازة ممتازة ممتازة و مش بقول كده عشان عربيتي لا اسأل اي حد جرب الابيزا مش هقولك امتلكها و ده طبعا تقديره ليها هيبقي اقل من المالك
-الشنطة مساحتها معقولة بالنسبة لهاتش باك لانها متوزعة بطريقة كويسة العربية الماني لا يصح مقارنتها اطلاقا بعربية صيني زي الايديا حتي لو كانت زيرو انسي تماما لا تقفيل ولا تجميع و لا خامات صالون ولا موتور ولا عفشة و لا فتيس ولا شاسيه حتي لو الابيزا عمرها 20 سنة مقارنة خسرانة بالطبع هات ايديا اللي كنت بتقول عليها جنبي و هسيبوا يطلع لحد ما يوصل 60 كيلو و انا هطلع و اوريك العزم هيعمل ليه و اوريك الثبات عامل ازاي و مين هيجيب 140 150 مستريح و مش خايف و مين هيهدي اول ما الامبير يجيب 110 بالكتير.............
-العربية لحد دلوقتي معانا بتجيب 145 150 محملة و بتعدي 160 فاضية.....
الابيزا 2001 1000 سي سي نفس الاحصنة بتاعت ابيزا 94 لكن انجكشن و فيها تكنولوجيا عالية و العربية كانت مع واحد صاحبي و المساحة تقريبا زي بعض العزم في ال 94 اشد 1300 مش 1000
الابيزا 2001 عربية تتميز بتحملها الشديد و ثباتها الرائع و توفير البنزين الجميل.......
الجولف 1300 هي هي الابيزا فرق شكل و موديل الابيزا احدث بس عموما الابيزا ممتازة بكل موديلاتها و الجولف ممتازة بكل موديلاتها و لو جبت اي واحدة من التلاتة و احتجت قطع غيار راسلني علي الخاص و انا اوديك للراجل بتاعي يديك احسن حاجة بأحسن سعر........










Ibiiiiiiiiiiiiiiiiiiiiiiiiiiiiiiiiiiiiiiiizzzzzzzz zzzzzzzzzaaaaaaaaaaaaaaaaaaaaaa For Ever

اقتباس:

---

المشاركة الأصلية كتبت بواسطة mohamed ibiza

اللي طلبته الاول جه و سيات لوفر جاي في الطريق.................
نمسك اول عربية ابيزا 94 و 2001.........


ابيزا 94 المتربعة علي فئة الهاتش باك 1300 سي سي 55 حصان عزمها لا يقل عن 120 130 نيوتن

الابيزا..موتور-شاسيه-عفشة-فتيس الماني جولف العربية حمووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو وووووووووووووووووووولة جدااااااااااااااااااااااا اااااااااا جدا جدا امتلكنا الابيزا من اول ما نزلت عام 94 15 سنة فحت و ردم 392 الف كيلو زيت ال 5000 كيلو بيعد بيه 7000 و 8000 و عملنا بيه 12000 الف كيلو قبل كده البنزين 90 من ساعة ما جت الموتور بيدي بنسبة 65% مضربش فيه مفك لا عمرة ولا شنبر
-الاستعمال حرت و سفر و شيل و حط و النتيجة عربية زي الفل و تحمل فوق العادي لعربية بالحجم ده و موتور 1300 مش 2000 يعني موتور صغير
العفشة حمالة اسية بدرجة غبية جدا جدا جدا جدا المساعدين الفابريقة اعدوا 12 سنة و بلي ادام اعد 14 سنة الكبالن دلوقتي بدات تشتكي بس برضه كبالن الفابريقة حرت 15 سنة مع شوارع البلد


اشاعة غلاء قطع غيار الابيزا فاااااااااااااااااااااااا ااااااااااااااااااااااااش لة بكل المقاييس الاسعار معقولة و العمر الافتراضي طوييييييييييييييييييييييي ييييييييييييييييييييييييي ييييييييل جدا جدا جدا تحط الحاجة و تنساها اساسا عربية لا تحتاج اي مصاريف في صيانتها تانك البنزين 40 لتر محطوط تحت الكنبة الخلفية التقفيل ممتاز خامات الصالون عالية الجودة لم تتأثر بالشمس حتي الان (الحمد لله)
-الثبات حدث ولا حرج بطة مع صغر الحجم لحد 170 كيلو\ساعة كانت ثاااااااااااااااااااااااا ااااااااااابتة جداااااااااااااا و الموتور اللي فيها الاماني الرهيب لما كانت جديدة كان مؤهل انه يقفل العداد 200 كيلو يعني و انا بقول ده لان اغلب العربيات مبتجيبش السرعة الموجودة علي الامبير الابيزا جابت 170 و اللي فاضل كان يقفل العداد................
-استهلاك البنزين كويس في نظري يهني مثلا تحط 30 لتر و تطلع اسكندرية حوالي 250 كيلو من عندنا و توصل و تاخد الكورنيش كله رايح جاي و المنشية و خالد بن الوليد و القلعة و نتغدي بالمرة ههههه و نرجع تاني العجمي تحديدا (ابو يوسف) و ال 30 لتر شغالين زي الفل يعني حوالي 350 كيلو مع الوقوف في الاشارات و الكورنيش الزحمة في الصيف حلو الكلام العربية بأختصار خلاصة تجربة 15 سنة ممتازة ممتازة ممتازة و مش بقول كده عشان عربيتي لا اسأل اي حد جرب الابيزا مش هقولك امتلكها و ده طبعا تقديره ليها هيبقي اقل من المالك
-الشنطة مساحتها معقولة بالنسبة لهاتش باك لانها متوزعة بطريقة كويسة العربية الماني لا يصح مقارنتها اطلاقا بعربية صيني زي الايديا حتي لو كانت زيرو انسي تماما لا تقفيل ولا تجميع و لا خامات صالون ولا موتور ولا عفشة و لا فتيس ولا شاسيه حتي لو الابيزا عمرها 20 سنة مقارنة خسرانة بالطبع هات ايديا اللي كنت بتقول عليها جنبي و هسيبوا يطلع لحد ما يوصل 60 كيلو و انا هطلع و اوريك العزم هيعمل ليه و اوريك الثبات عامل ازاي و مين هيجيب 140 150 مستريح و مش خايف و مين هيهدي اول ما الامبير يجيب 110 بالكتير.............
-العربية لحد دلوقتي معانا بتجيب 145 150 محملة و بتعدي 160 فاضية.....
الابيزا 2001 1000 سي سي نفس الاحصنة بتاعت ابيزا 94 لكن انجكشن و فيها تكنولوجيا عالية و العربية كانت مع واحد صاحبي و المساحة تقريبا زي بعض العزم في ال 94 اشد 1300 مش 1000
الابيزا 2001 عربية تتميز بتحملها الشديد و ثباتها الرائع و توفير البنزين الجميل.......
الجولف 1300 هي هي الابيزا فرق شكل و موديل الابيزا احدث بس عموما الابيزا ممتازة بكل موديلاتها و الجولف ممتازة بكل موديلاتها و لو جبت اي واحدة من التلاتة و احتجت قطع غيار راسلني علي الخاص و انا اوديك للراجل بتاعي يديك احسن حاجة بأحسن سعر........










Ibiiiiiiiiiiiiiiiiiiiiiiiiiiiiiiiiiiiiiiiizzzzzzzz zzzzzzzzzaaaaaaaaaaaaaaaaaaaaaa For Ever

---

يا راجل انت بجد اسرتنى بشرحك الوافى الجميل الشيق و مش لاقى كلام يوفيك حقك
جزاك الله كل خير يا محمد و كنت منتظرك من بدرى انت و سيات لوفر
بس يا محمد عايز اعرف سعر كل سيارة منهم مع فرض انها بحالة كويسة طبعا عشان هو برضة امكانياتة محدودة يعنى مثلا انا اعرف ان السيات موديلات التسعينات بتعمل فى حدود الثلاثينات و الجولف 2 موديلات التسعينات هية و السيات 1000 سى سى يعملوا كام تقريبا
و فى انتظار رأى الباشا التانى اللى مش عارف راح فين

اهلاً بيك يا douha_wise فى قسم السيات
نورت القسم والله

معلش اتأخرت عليك شوية فى الطريق .... اصل الطريق كان رخم اوى :D
بس كنت سايبك مع المايستروا ..محمد ابيزا ومطمن عليك :)

انت فى كلامك تعرضت لكذا موديل من الابيزا ....عشان كدة بص على الصورة دى .. عشان تعيش شوية معانا فى تطور موديلات الابيزا فى الكام سنة اللى فاتت .

http://www4.0zz0.com/2008/03/27/22/703201224.jpg

بتهيألى كدة حسيت اكتر احنا بنتكلم على اية ..:)

فى كلامى اللى جاى انا هاكمل على شرح مايستروا الابيزا.... محمد ابيزا

تعالى بقى نجاوبك على اسئلتك بوضوح جداً و باختصار عشان عجبتنى

اقتباس:

---

* استهلاك البنزين و هذة اهم نقطة لأنة يعانى منها و يفكر فى التغيير بسببها

---

الابيزا موديلات فوق ال 2000 ذات الموتور 1000 cc
نسبة استهلاك البنزين
داخل المدينة 8.9 لتر لكل 100 كم
خارج المدينة 5.5 لتر لكل 100 كم
متوسط 6.8 لتر لكل 100 كم
وبذلك لايقل مستوى استهلاك البنزين عن 750 فى التنك 47 سعة لتر
ويصل الى 900 كم مع خزان الوقود الاحتياطى لتصبح السعة اللترية للبنزين 52

اقتباس:

---

* قوة السيارة يعنى مش عايزها ضعيفة فى سحبها لو ركب فيها اكثر من شخص مثلا فهل 1000 سى سى تفى بالغرض

---

صديقك كان عاندة عربية ريجاتا 1500 cc ....... يعنى 80 حصان
الابيزا ال 1000 cc بفرق التكنولوجى و نوعية الموتور المتطور بتدى 72 حصان
ولو راعينا عنصر الحجم و الوزن و مدى استجابة الموتور لتغير دفع العربية
فبكدة صديقك مش هايحس بأى فرق فى الاداء بل بالعكس ... الشعور بالقوة و الاداء هايبقى واضح جداً

اقتباس:

---

* توافر قطع الغيار بسعر معقول حتى لا يعانى فى البحث عنها أوفى سعرها المرتفع

---

فى كذا مكان فى تلات مناطق معروفة جداً متوافر فيها كل قطع الغيار اللازمة
و لو عايز مثال لقطع الغيار
تيل الفرامل ب 165 ج ودة اغلى سعر لية
دة بلاضافة الى العمر الافتراضى للقطعة و التى لا تقل عن معدل 5 سنوات فى المتوسط

اقتباس:

---

* شنطة كويسة عشان لو شال فيها يلاقى مساحة تكفى و انا حاسس إن الإيبيزا شنطتها صغيرة رغم انها سيارة جميلة جدا

---

بالنسبة للشنطة فى عربيتين موجودين فى السوق معروفين انهم اكبر شنطة فى الهاتش باك المنتشر وهما
1-سكودا فابيا
2- ابيزا

وفى نقطة عموماً تاخد بالك منها فى موضوع الشنط دة ... الشنطة مش مهم كبرها او صغرها ... المهم السعة بتاعتها لها بعد رأسى كامل او أفقى كامل يعنى متبقاش لا كدة و لا كدة عشان تعرف تحط فيها الشنط اما نايمة او واقفة
ودة بيبقى واضح جداً فى الابيزا ان الشنطة بتاعتها ذات عمق رأسى ..يعنى ممكن تحط فيها الشنط واقفة بسهولة جداً

و الصور دى ممكن تبينلك قصدى




وممكن تتأكد من الصور دى

http://www4.0zz0.com/2008/03/27/22/875236703.jpg

اقتباس:

---

و ايضا هل السيات 1000 سى سى هى نفس حجم السيارة 1300 داخليا و خارجيا

---

الابيزا ال 1000 cc اى موديلات ال 2000 فيما فوق اكبر داخلياً و خارجياً ولكن ليس بالفرق الكبير


السؤال دة بقى كان للمايسترو محمد ابيزا .. بس بعد اذنة هارد عليك انا فية

اقتباس:

---

عايز اعرف سعر كل سيارة منهم مع فرض انها بحالة كويسة طبعا عشان هو برضة امكانياتة محدودة يعنى مثلا انا اعرف ان السيات موديلات التسعينات بتعمل فى حدود الثلاثينات و الجولف 2 موديلات التسعينات هية و السيات 1000 سى سى يعملوا كام تقريبا

---

الابيزا 94 بحالات ممتازة متوسط سعرها من 38 الى 42
الابيزا 2000 بحالات ممتازة متوسط سعرها من 48 الى 53


وفى النهاية ارجو ان تكون قد وجدتنى كما كنت تظن فى .. وان اكون قد افدتك

و الف شكر لثقتك الغالية .

الله أنا اية اللى جابنى فى منتدى السيات انا دخلت اسأل عشان صديق لى و لاقيت كل هذا الترحيب و طوفان من المعلومات القيمة
يا سيات لوفر شرحك متميز و دقيق و سهل جدااااااااااااا و على رأى الليلة الكبيرة دى الوصفة سهلة دى الوصفة هايلة
فعلا اذا كنت انت او محمد ايبيزا فقد احسنتم تماما توضيح الأمر بطريقة جعلتنى اتمنى ان اكون بينكم فى هذا المنتدى يعنى مش عايز اخرج من هنا اية رأيكم بقى اتغدى معاكم النهاردة ههههههههههههههههه
و الا انتم مش طابخين
بس ناقص حاجة صغيرة جدا تقولى معدل استهلاك الإيبيزا 1300 سى سى كمان عشان نعمل مقارنة كاملة فى كلة ما بين 1000 و 1300
و على فكرة انا سيارتى تقليد السيات برضة بس سيات توليدو و هى شيرى A11 يعنى ممكن فيما بعد احتاجكم فى حاجات ليها
اشكركم كثيرا جدا و جزاكم الله كل خير و أنا سأنقل لة ما عرفتة منكم و هوعلية الإختيار و اظنة سيتشجع جدا

يا douha باشا انت الاول تكلم صاحبك و تيجوا عندنا على الغدا النهاردة ... غالباً عاملين فضلة خيرك ورق عنب .. واظن فى لحمة كمان اظن كدة ...ههههه :D:D:D
بعدين نبقى نكمل كلامنا ..ماشى .

وعلى لما الاكل يخلص هاقولك شوية حاجات على السريع عشان متزهقش مننا

اقتباس:

---

بس ناقص حاجة صغيرة جدا تقولى معدل استهلاك الإيبيزا 1300 سى سى

---

بص يا سيدى

الابيزا موديلات فوق التسعينات ذات الموتور 1300 cc
نسبة استهلاك البنزين
داخل المدينة 9.8 لتر لكل 100 كم
خارج المدينة 8.6 لتر لكل 100 كم
متوسط 9 لتر لكل 100 كم
ولكن وضع المواتير عموما الموجودة حاليا ممكن يكون المتوسط بتاعها 10 لتر لكل 100 كم
وبذلك لايقل مستوى استهلاك البنزين عن 320 كم فى التانك 35 على معظم الاحوال

وعلى فكرة A11 ممتازة ... ودة رأيى فيها وهى فعلاً واخدة كتير من التوليدو التسعينات


والعفو يا باشا على شكرك احنا بنحاول نساعد عشان لو اتحطينا فى نفس الموقف نلاقى اللى يساعدنا هى الدنيا كدة مش اكتر

انت douha نورتنا ... واستنى بقى ...عشان تحبس بالشاى :D:D:D

يبدو أن العامل المؤثر هو إستهلاك البنزين
ولذلك إستبعد أي سيارة كربيراتير وابحث عن السيارات التى تدار بالحقن الإلكتروني
والموتور يكون حجمه متراوح بين 1000 إلى 1300 CC

يا عم سيات لوفر الأكل بتاعكم دسم اوى و اللحمة هوبر هوبر الواحد مش عارف هيهضم كل دة ازاى
معلش لو رخامة منى بلاش الشاى عشان مبشربوش خلى الواد اخوك الصغير يجرى يجبلنا ازازة حاجة سقعة و ياريت تكون سفن اب

احمد 1981 شكرا على نصيحتك و جزاك الله كل خير

معلش يا جماعة لو كنت مضايقكم بقعدتى عندكم فى منتدى السيات شوية هخلص موضوعى و اطلع على طول مع ان القعدة عندكم ترد الروح